完整藏文原文 · 德格版页 当前仅加载第 66 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ཀྱི་ནང་དུ་ཆུད་དོ། །རིགས་ཀྱི་བུ་ཕོ་སངས་རྒྱས་ཐམས་ཅད་ནི་ཆོས་ཀྱི་ཡི་གེ་འདི་ལས་སྐྱེས་སོ། །ཆོས་སོ་ཅོག་ཀུན་ནི་ཆོས་ཀྱི་ཡི་གེ་འདི་ལས་བྱུང་ངོ་། །དགེ་འདུན་ཐམས་ཅད་ཀྱང་ཆོས་ཀྱི་ཡི་གེ་འདི་ལས་སྣང་ངོ་། །ཆོས་ཀྱི་ཡི་གེ་འདི་མནོས་ཤིང་གཟུངས་སུ་
D243.066.0013b01.01འཛིན་པ་ནི་མིང་དཀོན་མཆོག་གསུམ་གཟུངས་སུ་འཛིན་པ་ཞེས་བྱའོ། །ཆོས་ཀྱི་ཡི་གེ་འདི་ཀློག་ཅིང་འདིའི་གཞུང་རྒྱ་ཆེར་ཀློག་ཏུ་བཅུག་ན་ལ་ལ་ཞིག་ན་བ་ཡོད་ནའང་ཀུན་སོས་ཏེ་འདྲེ་གདོན་དང་ངན་པའི་རྣམས་ཉེ་ནུས་པ་མེད་དོ། །བྱང་ཆུབ་སེམས་དཔའ་ཁྱོད་ཀྱིས་སེམས་
D243.066.0013b02.01ཅན་ལ་ཕན་བསོད་དེ་ལྟ་བུ་ཡོད་ཀྱིས་ངས་ཆོས་ཀྱི་ཡི་གེ་འདི་ཁྱོད་ལ་གཏམས་ཏེ། གཏད་ལ་གཅིག་ཏུ་ན་སེམས་ཅན་ལ་ར་མདའ་བྱ་ཞིང་བསྒྲལ་བའི་ཆོས་ཉུང་ངུ་ཐོས་ལ་མང་དུ་ཤེས་པ་དང་། ཉུང་ངུ་མཐོང་བ་ལ་མང་དུ་རིག་པ་དང་། ཡི་གེའི་རི་མོ་མང་དུ་མ་བཙལ་བར་གཞུང་གི་
D243.066.0013b03.01མངོན་རྟགས་ཐོབ་པ་ཡང་བཤད་ཀྱིས། ཁྱེད་ལ་སོགས་པ་བྱང་ཆུབ་སེམས་དཔའི་རྣམས་ཀུན་སེམས་གཅིག་ཏུ་བརྟགས་པར་ཉོན་ཅིག་དང་ཁྱོད་ལ་དགྲོལ་བཤད་དོ། །སེམས་ཅན་ཐམས་ཅད་ཀུན་སེམས་གཅིག །སངས་རྒྱས་གཅིག །ངོ་བོ་ཉིད་གཅིག་སྟེ། མྱ་
D243.066.0013b04.01ངན་འཁྲུག་པ་ཐམས་ཅད་ཀུན་ནི་སེམས་གཅིག་ལས་སྐྱེས་སོ། །ཀུན་ཀྱང་འདུ་མཆེད་དང་ཤེས་རབ་གཉིས་ཀྱི་གནས་ཀྱི་རྒྱུ་ལས་ལངས་སོ། །ཇི་ལྟ་ཞེས་བྱས་ན། རྒྱུའི་རང་བཞིན་དང་། བདག་གི་རང་བཞིན་དང་། རང་བཞིན་གཉིས་ཀྱི་སྟོབས་ལས་སྟོབས་རྣམས་གཉིས་
D243.066.0013b05.01ཀྱི་རང་བཞིན་གཡོས་ཏེ། སྐད་ཅིག་བསམས་པ་ལས་མི་བདེན་པའི་སེམས་སྐྱེས་ཏེ། མི་བདེན་པ་དེ་ལ་ནི་ཕྱི་མོའང་མེད་དོ། །སྐད་ཅིག་སེམས་གཡོས་པའི་ཚེ་མྱ་ངན་འཁྲུག་པའང་མོད་བཞིན་ལྡང་ངོ་། །སེམས་འདི་ལ་བརྟགས་ན་མི་བདེན་པའི་སེམས་ལ་ཕྱི་མོ་མེད་དོ། །
D243.066.0013b06.01ཕྱི་མོ་མེད་ན་གནས་ཀྱང་མེད་དོ། །དེ་ལ་གནས་མེད་པར་རྟོགས་ན་ཚོར་བའི་སེམས་སྐྱེས་ཏེ། ཕྱི་མོ་ཚོར་བའི་སེམས་གཙང་མ་ལ་བསམ་པ་ཡོང་མེད་དོ། །སེམས་ལ་བསམ་པ་མེད་ན་སེམས་མི་གཡོའོ། །སེམས་མི་གཡོ་ན་སེམས་ཀྱི་གནས་ཀྱང་མེད་དེ། དེའི་
D243.066.0013b07.01