完整藏文原文 · 德格版页 当前仅加载第 66 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་པ་ན་བ་ལ་བཏང་ན་ནི་ཆད་དོ། །འཁྱིལ་པ་ལ་བཏང་ན་ནི་ཕོལ་ཏེ་ནད་མི་སོས་པ་མེད་དོ། །ངས་ཐེག་པ་གཅིག་བཤད་དེ་མི་དེའི་གཞིའི་ནད་རྣམས་གསོ་བ་ཡང་དེ་དང་མཚུངས་སོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་
D243.066.0003b01.01འདས་ཐབས་ཇི་ལྟ་བུ་སྤྱད་དེ། ངན་པ་བཅུ་དང་སེམས་ཅན་ལོག་སྲེད་དེ། ཐེག་པ་གཅིག་ཅིག་གི་ལམ་དུ་འཇུག་པར་བགྱི། སངས་རྒྱས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། རིགས་ཀྱི་བུ་ཕོ་ངའི་ཐེག་པ་གཅིག་གི་ཆོས་ལ་ཐེག་པ་གསུམ་ལྡན་ཏེ།
D243.066.0003b02.01ཡང་གུད་ན་ཐེག་པ་གསུམ་ཞེས་བྱ་བ་བཤད་པ་མེད་དོ། །ཁྱོད་བརྟག་པར་ཉོན་ཅིག་དང་ཁྱོད་ལ་ཞིབ་ཏུ་བཤད་དོ། །རིགས་ཀྱི་བུ་ཕོ་དམ་པའི་ཆོས་ཀྱི་ལམ་མོ་ཅོག་ཕྱི་མོའི་གཞི་ངོ་བོ་ཉིད་གཅིག་སྟེ། གཉིས་སུ་མེད་ན་ཐབས་སྤྱད་པའི་ཕྱིར་ཐེག་པ་གསུམ་དུ་བཤད་དོ། །
D243.066.0003b03.01ཐེག་པ་གསུམ་གྱི་ཆོས་ཀུན་གཅིག་ཏུ་འདུས་པར་བརྟག །སེམས་ཅན་ནོ་ཅོག་ལ་རྣམ་པ་བཞི་ཡོད་མོད་ཀྱི་སངས་རྒྱས་ཀྱི་ངོ་བོ་ཉིད་ལ་ནི་གཉིས་སུ་མེད་དོ། །ཇི་ལྟ་ཞེས་བྱས་ན། སངས་རྒྱས་སོ་ཅོག་དང་། སེམས་ཅན་ནོ་ཅོག་གི་ངོ་བོ་ཉིད་གཅིག་ཏུ་འཐུན་ཏེ། མདོ་གཅིག་སྟེ་
D243.066.0003b04.01སེམས་ཅན་ཐ་དད་པ་མེད་ན། སེམས་ཅན་རང་གི་སེམས་ཀྱིས་བྱེ་བྲག་དབྱེ་བ་གཡོས་སོ། །ཡོང་ནི་སངས་རྒྱས་ཀྱང་སེམས་ཅན་ཡིན། སེམས་ཅན་ཀྱང་སངས་རྒྱས་ཡིན་ཏེ། སེམས་ཅན་ནོ་ཅོག་ལ་ཡང་སངས་རྒྱས་ཀྱི་ངོ་བོ་ཉིད་ཡོད་དོ། །སངས་རྒྱས་ཀྱི་ངོ་བོ་ཉིད་དང་སེམས་ཅན་
D243.066.0003b05.01གྱི་ངོ་བོ་ཉིད་དེ་གཉིས་ཀྱང་གཅིག་སྟེ། ངོ་བོ་ཉིད་གཅིག་ཏུ་མཚུངས་མཉམ་མོ། །ཆོས་སོ་ཅོག་དང་ཡང་མཉམ་པས་ན་ང་ལ་ཐབས་ཡོད་པས་ཐེག་པ་གཅིག་ལ་ཞུགས་པར་བྱའོ། །རིགས་ཀྱི་བུ་ཕོ་སེམས་ཅན་དེ་རྣམས་ཀྱི་སེམས་ཀྱི་མཁར་དམ་དུ་སྲུང་དུ་བཙུད་དེ་རྐུན་པོ་
D243.066.0003b06.01མ་ཞུགས་པར་བྱའོ། །རྣམ་པར་ཤེས་པ་དྲུག་གི་སྒོ་མོ་ཆེན་པོ་རྡོ་རྗེས་བསྲུངས་བྲན་ལ་སེམས་འདུག་པའི་གནས་ལ་བརྟགས་ཏེ། སེམས་འདུག་པའི་གནས་ཤེས་ན་སེམས་འདུག་པའི་གནས་ན་སེམས་མི་འདུག་གོ། །སེམས་མི་འདུག་ན་གདོད་སེམས་འདུག་པ་མེད་དོ། །
D243.066.0003b07.01