完整藏文原文 · 德格版页 当前仅加载第 66 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཏེ། སངས་རྒྱས་ཀྱི་སྐུ་ལུས་གཅིག་ལ་བརྟགས་ན་ལུས་གཞན་མེད་དོ། །འདོད་{མངས་ཀྱིས་,མང་གིས་}སངས་རྒྱས་ལ་གསོལ་པ། བཅོམ་ལྡན་འདས་བདག་གིས་ཡང་དག་པའི་བདེན་པའི་གཞུང་ལ་བརྟགས་པས་སྡིག་གི་རྣམས་ཀུན་བྱང་ལགས་ན་ཡང་ལས་ཅི་
D243.066.0011a01.01སྤྱད་ན་ཆོས་ཀྱི་ལུས་སྐྱེ་བར་རུང་། སངས་རྒྱས་ཀྱིས་འདོད་{མངས་,མང་}ལ་བཀའ་སྩལ་པ། ཡང་དག་པའི་བདེན་པའི་གཞུང་ལ་བརྟགས་ན་ནད་དོ་ཅོག་མི་ལྡང་ངོ་། །སྡིག་དང་དྲི་མ་ཀུན་མ་གཡོས་ན་སེམས་ནི་རྡོ་རྗེ་དང་མཚུངས་ཏེ། ནམ་དུའང་མི་འཇིག་གོ། །ཚུལ་ཁྲིམས་གཟུང་
D243.066.0011a02.01ནུས་ན་སེམས་ནམ་མཁའ་དང་མཚུངས་ཏེ་ཕྱི་ནང་གཉིས་ཀ་གཙང་གདང་ངོ་། །བསམ་གཏན་འདུས་པའི་ནང་དུ་འཇུག་པ་ལ་མཁས་ན། སེམས་ནི་དཔེར་རླུང་དང་མེ་དང་མཚུངས་ཏེ། ལས་ངན་པའོ་ཅོག་ཀུན་གྱིས་ཤིང་བསལ་ཏོ། །ཤེས་རབ་ལ་རྟེན་པ་ལ་མཁས་ན་ཤེས་
D243.066.0011a03.01རབ་ཐོབ་པར་རུང་སྟེ། དེའི་མིང་ནི་གྲོལ་ཐར་པ་ཞེས་བྱའོ། །གྲོལ་ཐར་པས་ན་ཡང་དག་པ་ཤེས་ཤིང་མཐོང་བར་ནུས་སོ། །འདོད་{མངས་,མང་}ཁྱོད་ཀྱིས་འདི་ལྟ་བུའི་དོན་སྦྱང་ཞིང་སྤྱད་ནུས་ན་ཆོས་ཀྱི་སྐུ་ལུས་རྣམ་པ་ལྔ་ཐོབ་པར་རུང་ངོ་། །འདོད་{མངས་ཀྱིས་,མང་གིས་}སངས་རྒྱས་ལ་
D243.066.0011a04.01གསོལ་པ། བཅོམ་ལྡན་འདས་ཆོས་ཀྱི་སྐུ་ལུས་རྣམ་པ་ལྔ་ལ་རྒྱུ་དང་འབྲས་བུ་ཅི་མཆིས། སངས་རྒྱས་ཀྱིས་འདོད་{མངས་,མང་}ལ་བཀའ་སྩལ་པ། སངས་རྒྱས་ཀྱི་ངོ་བོ་ཉིད་ནི་རྟག་པའི་རྒྱུ་ཡིན་ནོ། །ཆོས་ཀྱི་སྐུ་ལུས་ནི་རྟག་པའི་འབྲས་བུ་ཡིན་ནོ། །ཇི་ལྟ་ཞེས་བྱས་ན། སེམས་ཀྱི་རྒྱུ་
D243.066.0011a05.01ནི་སངས་རྒྱས་ཀྱི་ངོ་བོ་ཉིད་དེ་ཆོས་ཀྱི་ཡོན་གྱིས་འབྲས་བུ་ཐོབ་བོ། །རྒྱུ་དང་འབྲས་བུ་དང་བྲལ་ན་རྒྱུའི་འབྲས་བུ་མེད་དོ། །རྒྱུ་དང་འབྲས་བུ་མེད་ན་སངས་རྒྱས་ཀྱི་ལུས་ཡང་དག་པ་ཡིན་ནོ། །འདོད་{མངས་,མང་}སེམས་གཙང་མའི་ཡུལ་ལ་སེམས་མི་གཡོ་བར་སངས་རྒྱས་ཚེ་དཔག་
D243.066.0011a06.01མེད་བསམས་ན་གདོད་ཡུལ་གཙང་མར་སྐྱེ་སྟེ། སེམས་ཅན་གྱི་ཕྱིར་མི་གཡོ་བའི་ཆོས་བཤད་དེ། སེམས་ཡང་དག་པའི་སྟོང་པའི་ནང་དུ་ཆུད་ལ་གཡོ་ཞིང་བཤད་པའི་རྣམས་དང་བྲལ་ཏེ། ཤེས་པ་གསུམ་གྱི་ངོ་བོ་ཉིད་གཅིག་སྟེ། རྡོ་རྗེ་དང་མཚུངས་པར་མི་འཇིག་གོ། །
D243.066.0011a07.01