完整藏文原文 · 德格版页 当前仅加载第 66 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལས་སྐྱེས་སོ། །མི་བདེན་པའི་སེམས་ཐམས་ཅད་ནི་ང་ཡོད་པ་ལས་སྐྱེས་སོ། །ང་ཡོད་པ་ཐམས་ཅད་ནི་ཕྱི་མོ་ཡོང་མེད་པ་ལས་སྐྱེས་སོ། །ཕྱི་མོ་མེད་པ་ཐམས་ཅད་ནི་མི་འདུག་པ་ཉིད་ཡིན་ནོ། །ཕྱི་མོ་མེད་ན་ཡོད་པ་མ་ཡིན་ནོ། །ཡོད་པ་
D243.066.0007a01.01ནི་དྲི་མའོ། །མེད་པ་ནི་གཙང་མའོ། །གཙང་མ་དེའི་གནས་ནི་རྟག་པར་ཕ་རོལ་ཏུ་ཕྱིན་པ་ཡིན་ནོ། །སྐྱིད་པ་ཕ་རོལ་ཏུ་ཕྱིན་པ་ཡིན་ནོ། །ང་ཕ་རོལ་ཏུ་ཕྱིན་པ་ཡིན་ནོ། །གཙང་མ་ཕ་རོལ་ཏུ་ཕྱིན་པ་ཡིན་ནོ། །དེ་ལྟ་བུ་མཐོང་བ་ནི་མིང་དྲང་པོ་མཐོང་བ་ཞེས་བྱ་སྟེ། གཞན་
D243.066.0007a02.01མཐོང་བ་ནི་མིང་ཡོན་པོ་མཐོང་བ་ཞེས་བྱའོ། །དེ་ལྟ་བུ་མཐོང་བ་ནི་མི་དེ་ལ་ཤེས་རབ་ཡོད་དོ། །གཞན་མཐོང་བ་ནི་མི་དེ་ལ་ཤེས་རབ་མེད་དོ། །ཤེས་རབ་ཡོད་པས་ནི་ཐབས་ཀྱིས་བཀྲོལ་ལོ། །ཤེས་རབ་མེད་པས་ནི་ཐབས་ཀྱིས་བཅིངས་སོ། །བྱང་ཆུབ་སེམས་
D243.066.0007a03.01དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་གཙང་མའི་གནས་དེ་ན་སེམས་ཅན་ལ་ལ་ཞིག་སེམས་རྟག་ཏུ་རྟག་པའི་སེམས་གཡོས་སོ། །རྟག་ཏུ་སྐྱིད་པའི་སེམས་གཡོའོ། །རྟག་ཏུ་ངའི་སེམས་གཡོའོ། །རྟག་ཏུ་གཙང་མའི་སེམས་
D243.066.0007a04.01གཡོའོ། །ཤེས་རབ་ཡོད་པ་ལགས་ཏེ་ཕྱིན་ཅི་ལོག་མ་ལགས་སོ། །སངས་རྒྱས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། སེམས་ཅན་ལ་ལ་ཞིག་དེ་ལྟར་སེམས་པ་ནི་མིང་དྲང་པོ་སེམས་པ་སྟེ། མི་དེ་དྲང་པོ་མཐོང་བ་ཡིན་ནོ། །མི་དེ་ཤེས་རབ་ཡོད་
D243.066.0007a05.01པ་ཡིན་ནོ། །ཇི་ལྟ་ཞེས་བྱས་ན། ཡང་དག་པར་གཤེགས་པའི་ཆོས་ཀྱི་སྐུ་ལུས་རྟག་པ་ཕ་རོལ་ཏུ་ཕྱིན། སྐྱིད་པ་ཕ་རོལ་ཏུ་ཕྱིན། ང་ཕ་རོལ་ཏུ་ཕྱིན། གཙང་མ་ཕ་རོལ་ཏུ་ཕྱིན་ཏེ་གཙང་གདང་བར་གནས་སོ། །སངས་རྒྱས་རྣམས་ཀྱི་ཆོས་ཀྱི་སྐུ་ལུས་དེ་ལྟ་བུར་མཐོང་
D243.066.0007a06.01བའི་མི་དེ་ནི་སངས་རྒྱས་ཀྱི་ཡང་དག་པའི་སློབ་མ་གཅིག་པུ་ཡིན་ཏེ། དྲང་པོའི་ཆོས་ལས་སྐྱེས། ཆོས་ལས་འཕྲུལ་ཏེ་སྐྱེས། སངས་རྒྱས་ཀྱི་ཞལ་ནས་སྐྱེས། སངས་རྒྱས་ཀྱི་བརྟན་པ་བཞི་ཐོབ་བོ། །མི་ཐ་མལ་པ་ཡིན་མོད་ཀྱི་བརྟན་པ་བཞི་བྱང་ཆུབ་སེམས་དཔའ་ཡིན་ནོ། །
D243.066.0007a07.01