dam pa'i chos kyi rgyal po theg pa chen po'i mdo/
当前为德格木刻版 10a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 10a
- 可引用原文
- 7 行
- 全文规模
- 全经 194 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 66 函 · 德格 10a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བགྱི་བ་མ་མཆིས་པ་ཚུན་ཆད་ངན་པ་བཅུ་འབའ་ཞིག་གི་ལས་བགྱིས་ན། ད་ཐབས་ཅི་སྤྱད་ན་བདག་གིས་ཡང་དག་པའི་བདེན་པའི་གཞུང་མཐོང་ཞིང་སྡིག་ཞུ་བྱང་བར་བགྱིར་རུང་། སངས་རྒྱས་ཀྱིས་འདོད་{མངས་,མང་}ལ་བཀའ་སྩལ་པ། ཁྱོད་ལ་སོགས་པ་ལོག་སྲེད་ཀྱི་རྣམས་ཀུན་སེམས་གཅིག་ཏུ་བྱོས་ཤིག་དང་ངས་ཁྱེད་ལ་བྱེ་བྲག་ཕྱེད་པར་དགྲོལ་བཤད་དོ། །འདོད་{མངས་,མང་}ཁྱོད་ལ་སོགས་པ་སེམས་ཅན་རྣམས་ཀྱིས་ལུས་དང་སེམས་ལ་སངས་རྒྱས་ཀྱི་ངོ་བོ་གཅིག་པུ་ལ་བརྟགས་ན་ཆོས་ཀྱི་ངོ་བོ་ཉིད་ཀྱང་རྟག་པ་གཅིག་པུའོ། །སངས་རྒྱས་
སོ་ཅོག་ལའང་ངོ་བོ་ཉིད་གཅིག་པུ་སྟེ། གཉིས་སུ་མེད་པས་ན་ཡང་དག་པའི་བདེན་པའི་གཞུང་ཡིན་ནོ། །དེ་ལ་གཉིས་སུ་ཡོད་པར་མཐོང་ན་དེའི་མིང་ནི་ཡོན་པོ་ཞེས་བྱའོ། །ཡོན་པོར་ལྟ་ན་ནི་མྱ་ངན་འཁྲུག་པ་ལྡང་ངོ་། །ཡོན་པོ་མཐོང་བ་མེད་ན་མྱ་ངན་འཁྲུག་པའང་མི་སྐྱེའོ། །མྱ་ངན་འཁྲུག་པ་ཆོད་ན་དེའི་མིང་གཙང་གདང་ཞེས་བྱའོ། །ཁྱེད་ལ་སོགས་པ་སེམས་ཅན་ཀུན་གྱིས་སེམས་གཅིག་ཏུ་སངས་རྒྱས་ཀྱི་ངོ་བོ་ཉིད་གཅིག་པུ་ལ་རྟོགས་ཤིག །སངས་རྒྱས་ཀྱི་ངོ་བོ་ཉིད་ལས་གཞན་མཐོང་བ་ནི་ཡོང་མེད་དོ། །གཞན་མཐོང་བ་ཡོད་དུ་ཟིན་ན་ཀུན་ཀྱང་
སྒྱུ་མ་མི་བདེན་པ་ཡིན་ནོ། །མི་བདེན་པ་དེ་ལྟ་བུ་བྱེད་པ་ནི་ཕྱིན་ཅི་ལོག་ཅེས་བྱའོ། །འདོད་{མངས་,མང་}སེམས་གཅིག་གཙང་ན་ནི་ཆོས་སོ་ཅོག་ཀུན་ཀྱང་གཙང་ངོ་། །སེམས་གཅིག་སྨེ་ན་ནི་ཆོས་སོ་ཅོག་ཀུན་ཀྱང་སྨེའོ། །སྨེ་བའི་དྲི་མ་ནི་སྡིག་པ་ཡིན་ནོ། །གཙང་མ་ནི་ཡང་དག་པ་ཡིན་ནོ། །སེམས་དྲི་མ་དང་བྲལ་ན་སྡིག་མི་སྐྱེའོ། །འདོད་{མངས་ཀྱིས་,མང་གིས་}སངས་རྒྱས་ལ་གསོལ་པ། བཅོམ་ལྡན་འདས་བདག་གིས་གནའ་ནས་ལས་ངན་པའི་རྣམས་བགྱིས་པ་ནི་བསྐལ་པ་སྟོང་ཁྲི་གྲངས་མ་མཆིས་མུ་མ་མཆིས་པ་ལོན་ན་དེ་རིང་སེམས་བསྐྱེད་དོ། །ཡང་
དག་པའི་བདེན་པའི་གཞུང་གཅིག་ལ་བརྟགས་ན་མུ་མ་མཆིས་པའི་སྡིག་ཀུན་བྱང་ངམ་མི་བྱང་བ་སངས་རྒྱས་ཀྱིས་དགྲོལ་བཤད་པར་སྨོན་ཏོ། །སངས་རྒྱས་ཀྱིས་འདོད་{མངས་,མང་}ལ་བཀའ་སྩལ་པ། ཡང་དག་པའི་བདེན་པའི་གཞུང་རྟོགས་ན་སྡིག་ཏོ་ཅོག་ཀུན་ནི་བྱང་ངོ་། །ཅིའི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D243
- 德格版页
- 10a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0243 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。