完整藏文原文 · 德格版页 当前仅加载第 64 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མི་རྣམས་ཀྱིས་ཆོས་བཤད་པའི་སྔོན་ལོགས་སུ་ཚེ་སྔ་མ་ཡང་དྲན་དམྱལ་བ་ཡང་མཐོང་། མི་ཡུལ་གྱི་ལེགས་ཉེས་ཀུན་ཀྱང་བྱེ་བྲག་ཕྱེད་པར་འགྱུར། དེ་ནས་བདག་ཀྱང་བྱང་ཆུབ་ཐོབ་བོ་སྙམ་དུ་སེམས་ཏེ། སེམས་གཡེལ་བར་བཏང་ནས། ཚུལ་
D237.064.0296a01.01ཁྲིམས་ཀྱང་བཤིག་འདི་ནི་སངས་རྒྱས་ཆེན་པོ། འདི་ནི་སངས་རྒྱས་ཆུང་ངུ་། འདི་ནི་སྔར་གྲུབ་པའི་སངས་རྒྱས། འདི་ནི་ཕྱིས་གྲུབ་པའི་སངས་རྒྱས། འདི་ནི་ཕོའི་སངས་རྒྱས་འདི་ནི་མོའི་སངས་རྒྱས་འདི་ནི་ཕོའི་བྱང་ཆུབ་འདི་ནི་མོའི་བྱང་ཆུབ། ཅེས་དེ་སྐད་འཆད་དེ། དེ་
D237.064.0296a02.01ནས་འདྲེ་དེ་ལུས་ལ་འཕགས་མ་ཐག་ཏུ་སློབ་མ་དང་བཅས་ཏེ། རྒྱལ་པོའི་གྱོད་ལ་ཡང་ཐོགས། མཚམས་མེད་པའི་དམྱལ་བར་ཡང་ལྟུང་ངོ་། །དེ་ལ་ཚོར་ན་ཉེས་པ་མེད་དོ། །ཚོར་བ་ཤིན་ཏུ་གསོགས་ནས་ལོག་པའི་ཏིང་ངེ་འཛིན་དང་ནི་བྲལ། རྫོགས་པའི་ཏིང་ངེ་འཛིན་
D237.064.0296a03.01གྱི་ནང་ནས་འོད་སྣང་བ་བྱུང་སྟེ། ཆོས་སོ་ཅོག་གི་ཕྱི་མོ་ཚོར་བ་ལ་སྲེད་ནས་ལྷའི་བདུད་ཀྱིས་གླགས་རྙེད་དེ། ཁར་ཞུགས་ནས་ཆོས་འཆད་མཁས་རབ་ཏུ་གྱུར། བདག་གི་གཟི་བརྗིད་ཀྱིས་ཆོས་ཉན་པའི་རྣམས་ཆོས་བཤད་པའི་མདུན་རོལ་ན་ཀུན་ཐུལ་ནས་ཁྱེད་ཅག་རྣམས་
D237.064.0296a04.01སངས་རྒྱས་མྱ་ངན་ལས་འདས་སོ་སྙམ་དུ་མ་སེམས་ཤིག །ངའི་ལུས་འདི་ཉིད་སངས་རྒྱས་ཡིན་ནོ། །ངའི་བུ་ཚ་རྒྱུན་མི་འཆད་པ་ནི་ཆོས་ཀྱི་སྐུ་རྟག་པ་ཡིན་ནོ། །སངས་རྒྱས་ཀྱི་ཡུལ་གཙང་མ་དེ་ལས་གུད་ན་མེད་ཅེས་ཟེར་ཞིང་བདག་ནི་བྱང་ཆུབ་ཐོབ་བོ་སྙམ་དུ་བསམས་
D237.064.0296a05.01ནས་སེམས་གཡེལ་བར་བོར་ཏེ། འདོད་ཆགས་ཀྱི་ཆོས་བཤད། མིག་ལ་སོགས་པ་དབང་པོ་ལྔ་ནི་གཙང་མའི་ཡུལ་ཡིན། ཕོ་མཚན་མོ་མཚན་ནི་ཡང་དག་པར་བྱང་ཆུབ་མྱ་ངན་ལས་འདས་པའི་གནས་ཡིན་པར་འཆད་དེ། འདྲེ་དེ་ལུས་ལ་འཕགས་མ་ཐག་ཏུ་སློབ་མ་དང་
D237.064.0296a06.01བཅས་ཏེ་རྒྱལ་པོའི་གྱོད་ལ་ཡང་ཐོགས། མཚམས་མེད་པའི་དམྱལ་བར་ཡང་ལྟུང་ངོ་། །དེ་ལ་ཚོར་ན་ནི་ཉེས་པ་མེད་དོ། །ཚོར་བའི་ཕུང་པོ་ནི་ཤིན་ཏུ་གསོགས་ནས་ལོག་པའི་ཏིང་ངེ་འཛིན་དང་ནི་བྲལ། རྫོགས་པའི་ཏིང་ངེ་འཛིན་གྱི་ནང་ནས་འོད་སྣང་བ་བྱུང་བས་
D237.064.0296a07.01