完整藏文原文 · 德格版页 当前仅加载第 64 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་མི་འགྱུར་བས་ན་ངའི་སེམས་རྟག་གོ་ཞེས་འཛིན་ཏེ། སྐྱེ་ཤི་ཐམས་ཅད་ངའི་སེམས་ལས་བྱུང་བས་ན་ཁྱོད་དང་གཉེན་བཤེས་ལ་སོགས་པ་ཅི་ཡོད་པའི་རྣམས་མཐོང་། དེ་དག་ཅི་ཟེར་བའི་སྒྲ་ཡང་ཐོས་ཏེ། དེ་ནི་བསྒོམས་དྲག་པས་སེམས་ཕྱི་རོལ་དུ་བྱུང་བས་མཐོང་ཞིང་
D237.064.0295b01.01ཐོས་པར་ཟད་དོ། །སེམས་དེ་ལ་ཞིབ་ཏུ་རྒྱུན་དུ་བསྒོམས་པས་དགེ་བའི་བཤེས་གཉེན་རྣམས་གློ་བུར་དུ་སྣ་ཚོགས་པར་འཕོ་ཞིང་འགྱུར་བར་མཐོང་སྟེ། དེ་ནི་སེམས་ཡོན་པོར་སོང་བ་དང་། གདོན་འདྲེ་ཞུགས་པ་ལས་གྱུར། བར་བར་གློ་བུར་དུ་ལྷའི་བདུད་ཁོང་དུ་ཞུགས་ནས་
D237.064.0295b02.01ཆོས་ཟབ་མོ་ཐོགས་པ་མེད་པར་འཆད་མཁས་པར་འགྱུར་ཏེ། དེ་ནི་མ་ཡིན་པར་ཚོར་ན་ནི་རང་ཞི་མ་ཚོར་ན་ནི་ལོག་པར་འགྱུར་རོ། །ཏིང་ངེ་འཛིན་དེ་རྣམ་པ་བཅུ་ནི་བསྒོམ་པའི་སེམས་མཐོན་དམན་དུ་གྱུར་པས་གཟུགས་ཀྱི་ཕུང་པོའི་དོན་སྣང་བར་ཟད་དེ། དགེ་བའི་ལྟས་ནི་ཡིན།
D237.064.0295b03.01འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའི་འབྲས་བུ་ཡིན་ནོ་སྙམ་དུ་བསམས་ན་ལོག་པར་འགྱུར་རོ། །དེ་རྣམས་རེ་ཞིག་གློ་བུར་དུ་མཐོང་བར་ཟད་དེ། དེ་ལྟར་མཐོང་ན་ནི་ཉེས་པ་མེད་དོ། །དེ་ལ་ཆགས་ན་ནི་དགྲ་ལ་བུར་འཛིན་ཏེ་བདུད་ཀྱིས་གླགས་
D237.064.0295b04.01ཐོད་དོ། །གཟུགས་ཀྱི་ཕུང་པོ་ཟད་པ་དང་། སངས་རྒྱས་ཐམས་ཅད་ཀྱི་སེམས་མཐོང་བ་ནི་དཔེར་མེ་ལོང་སྣང་བའི་ནང་དུ་གཟུགས་མཐོང་བ་དང་མཚུངས་སོ། །ཐོབ་པ་ཡོད་ཀྱང་སྤྱད་དུ་མེད་དེ། དཔེར་བདུད་ཀྱི་མི་དང་མཚུངས་ཏེ། རྐང་ལག་ཚང་བར་ཡོད་ཀྱང་མཐོང་
D237.064.0295b05.01བ་དང་། ཐོས་པས་མི་བསླད་དེ། འདྲེས་ནོན་པ་དང་མཚུངས་ཏེ། དེ་ནི་ཚོར་བའི་ཁང་ཁྱིམ་ཡིན་ནོ། །དེ་ནི་འོག་ཏུ་བདག་གཟུགས་ཀྱི་ནང་ནས་བྱུང་སྟེ། ཕྱིར་ངོ་ལ་ལྟ་བ་དང་། གཟུགས་ལ་ཕྱིར་གནས་པ་དང་བྲལ་ཏེ། འགྲོ་བ་ལ་བགེགས་མེད་དེ། རང་དབང་ཐོབ་པར་
D237.064.0295b06.01གྱུར་ཏེ། དེ་ནི་ཚོར་བའི་ཕུང་པོ་ཟད་པ་ཡིན་ཏེ། མི་དེ་མཐོང་བའི་རྙོག་པ་ལས་རྒལ་ནུས་སོ། །དེ་ནི་མི་བདེན་པའི་སེམས་ཞི་བ་ལས་བྱུང་བ་ཡིན་ནོ། །ཏིང་ངེ་འཛིན་དེའི་ནང་ནས་འོད་ཆེན་པོ་ཐོབ་སྟེ། ཆོས་འཆད་མཁས་རབ་ཏུ་གྱུར། ཆོས་ཉན་
D237.064.0295b07.01