完整藏文原文 · 德格版页 当前仅加载第 64 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་ཏིང་ངེ་འཛིན་གྱི་སྣང་བ་བྱུང་སྟེ། ཏིང་ངེ་འཛིན་རྒོད་པ་ལ་སྲེད་དེ། ལྷའི་བདུད་ཀྱིས་གླགས་ཆུད་དེ་ཁོང་དུ་ཞུགས་ནས་ཆོས་འཆད་མཁས་རབ་ཏུ་གྱུར། བདག་གི་མྱ་ངན་ཟད་དོ་སྙམ་དུ་སེམས། ཆོས་འཆད་པའི་ཚེ་བདག་གི་ལུས་གསེར་གྱི་ཁ་དོག་
D237.064.0290a01.01ཏུ་གྱུར་ཏེ། རིན་པོ་ཆེའི་པད་མའི་སྟེང་ན་འདུག །ཆོས་ཉན་པའི་མི་གཞན་རྣམས་དེ་བཞིན་དུ་གྱུར་པར་མཐོང་ནས་བདག་གིས་བྱང་ཆུབ་ཐོབ་བོ་སྙམ་དུ་སེམས་ཏེ། སེམས་གཡེང་ཞིང་ཁྲིམས་ཀྱང་བཤིག །ཉན་པའི་མི་ལ་ཁ་ཅིག་ནི་དུས་འདི་ལ་སངས་རྒྱས་སུ་འགྲུབ་བོ་ཞེས་
D237.064.0290a02.01ལུང་སྟོན། ལ་ལ་ནི་ཡུལ་ལ་གཞན་གྱི་སངས་རྒྱས་ང་སྤྲུལ་པ་ཡིན་ནོ་ཞེས་ཟེར། མིའོ་ཆོག་ཀྱང་དེའི་ཚིག་ལ་གུས་པར་ཉན། དེ་ནས་འདྲེ་དང་བྲལ་མ་ཐག་ཏུ་སློབ་མ་དང་བཅས་ཏེ་རྒྱལ་པོའི་གྱོད་ལ་ཡང་ཐོགས། མཚམས་མེད་པའི་དམྱལ་བར་ཡང་འགྲོའོ། །དེ་ལ་ཚོར་ན་ཉེས་
D237.064.0290a03.01པ་མེད་དོ། །ཚོར་བ་ཤིན་ཏུ་གསོགས་ཏེ། རྫོགས་པའི་ཏིང་ངེ་འཛིན་སྣང་བའི་འོད་བྱུང་བ་དང་། ཏིང་ངེ་འཛིན་གྱི་ནང་ནས། སེམས་གསལ་བ་ལ་སྲེད་པའི་ཕྱིར་ལྷའི་བདུད་ཀྱིས་གླགས་རྙེད་ནས་ཆོས་ཡིད་ལས་སྐྱེས་པའི་ལུས་ལ་བརྐམ་པའི་ཕྱིར་སེམས་ཕྲ་མོ་མ་ཟད་པས་
D237.064.0290a04.01ལྷའི་བདུད་ཀྱིས་གླགས་ཐོད་དེ། ཁར་ཞུགས་ནས་གཞན་ལ་ཆོས་འཆད་ཅིང་། བདག་ལ་བདུད་ཀྱིས་ཟུག་པར་མ་ཚོར་ནས་བདག་མྱ་ངན་ལས་འདས་སོ་སྙམ་དུ་བསམས་ཏེ། གཞན་ལ་ཆོས་འཆད་པ་དང་། ཁྲོམ་དགོངས་བརྒྱའམ། སྟོང་དུ་སྐད་ཅིག་གིས་ཕྱིན་ཏེ། དེ་ན་
D237.064.0290a05.01ཅི་ཡོད་པ་བླངས་ནས་གཞན་ལ་ཡང་བསྟན། བར་བར་ཡང་ཁང་པའི་ནང་ན་རྩིག་པའི་བར་ཉེ་བ་དག་ལ་ཁ་ཅིག་དྲག་རབ་ཏུ་འགྲོར་བཅུག་ཀྱང་ལོར་ཡང་མི་ཕྱིན་ཏེ། ཁ་ཅིག་དེ་ལ་ཡིད་ཆེས་ནས་སངས་རྒྱས་ཡིན་ནོ་སྙམ་དུ་ཐེ་ཙོམ་དུ་གྱུར། ཁྲོ་བ་དག་ཀྱང་ཕྱོགས་བཅུའི་སེམས་ཅན་ཐམས་
D237.064.0290a06.01ཅད་པའི་བུ་ཡིན་ནོ། །སངས་རྒྱས་ཐམས་ཅད་ཀྱང་ཐོག་མ་ང་ལས་སྐྱེས། ང་ནི་ཐོག་མའི་སངས་རྒྱས་ཏེ་འཇིག་རྟེན་ལས་བྱུང་བ་ཡིན་ནོ། །དེ་ལྟར་བསྒོ་བའི་ཕྱིར་ཐུ་བོ་ཡིན་ནོ་ཞེས་ཀྱང་བཤད་དེ། དེ་ནི་འཇིག་རྟེན་ལ་གནས་པ་རང་དབང་ཐོབ་པའི་ལྷའི་བདུད་ཡིན་ནོ། །བདུད་དེ་
D237.064.0290a07.01