完整藏文原文 · 德格版页 当前仅加载第 64 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བྱང་ཆུབ་རྡོ་རྗེ་ཤེས་རབ་སྒམ་པོའི་གནས་སུ་གྱུར་ཏེ། སྣང་གསལ་ཞིང་ཞི་ལ་སྣང་བ་བྱུང་བ་ལ་གློ་བུར་དུ་སྙིང་རྗེ་གྲངས་མེད་པ་སྐྱེས་ཏེ། ཐ་མ་གྲོགས་མཐོང་ན་ཡང་བདག་གི་བུ་ཙམ་དུ་སེམས་ཤིང་མཆིས་མི་ཚོར་བར་ཟག་གོ། །དེ་ལ་ཚོར་ན་ནི་ཉེས་པ་མེད་དེ་
D237.064.0292a01.01རིང་ཞིག་ན་རང་ཞིའོ། །མ་ཚོར་ན་ནི་སྙིང་རྗེའི་བདུད་ཁོང་དུ་ཞུགས་ཏེ། མི་དག་དང་ཕྲད་ན་ཡང་གྲངས་མེད་པའི་མྱ་ངན་སྐྱེས་ཏེ་ཡོན་པོར་ལྟུང་ངོ་། །དེ་ནི་སེམས་བཙིར་ཅིང་སྤྱད་དྲག་པ་ལས་བྱུང་ངོ་། །ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་
D237.064.0292a02.01སྣང་ཞིང་གསལ། དམ་པའི་ལྟས་ནི་མདུན་དུ་བྱུང་ནས་སེམས་ལ་བབས་པས་གློ་བུར་དུ་བརྩོན་འགྲུས་དྲག་པོ་རབ་ཏུ་སྐྱེས་ཏེ། སངས་རྒྱས་རྣམས་ཀྱིས་བསྐལ་པ་གྲངས་མེད་པ་གསུམ་གྱི་བར་དུ་སྤྱད་པ་ཐང་ཅིག་ཏུ་བསྒྲུབ་ནུས་པར་གྱུར་ཏེ། དེ་ལ་ཚོར་ན་ནི་ཉེས་པ་མེད་དོ། །
D237.064.0292a03.01རིང་ཞིག་ན་ཞི། མ་ཚོར་ན་ནི་སྨྱོས་པའི་བདུད་ཁོང་དུ་ཞུགས་ཏེ། ཕྲད་དོ་ཅོག་ལ་ངོམ་ཞིང་ང་རྒྱལ་ཆེན་པོ་སྐྱེས་ཏེ་ལོག་པར་གྱུར། དེ་ནི་སྤྱད་དྲག་པ་ལས་བྱུང་བར་ཟད་དོ། །ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་སྣང་ཞིང་གསལ་ཏེ། མདུན་
D237.064.0292a04.01དུ་གསར་དུ་མཐོང་བ་ནི་མེད། ཕྱིན་ལོག་ན་རྙིང་པའི་གནས་ཀྱང་མ་རྙེད་ནས་ཅིར་ཡང་མཐོང་བ་མེད་དེ་བར་མ་དོ་ན་འདུག་པ་ལས་གློ་བུར་དུ་བརྐམ་པ་དང་། སྐོམ་པ་ཆེར་གཡོས་ནས་སེམས་བྱིང་སྟེ། བརྩོན་འགྲུས་ཀྱི་མཚན་མ་ཡིན་ནོ་སྙམ་དུ་སེམས་སོ། །དེ་ནི་ཤེས་རབ་མེད་
D237.064.0292a05.01པའི་ཕྱིར་དོན་རླག་སྟེ། དེ་ལ་ཚོར་ན་ནི་ཉེས་པ་མེད། མ་ཚོར་ན་ནི་དྲན་པ་མེད་པའི་བདུད་ཁོང་དུ་ཞུགས་ཏེ། སེམས་ཐུམ་བུ་གཅིག་ཏུ་བྱས་ནས་ཡོན་པོར་ལྟུང་ངོ་། །ཏིང་ངེ་འཛིན་དེའི་ནང་ནས་གཟུགས་ཀྱི་ཕུང་པོ་ནི་ཞི། ཚོར་བའི་ཕུང་པོ་ནི་སྣང་ཞིང་གསལ་ཏེ་བརྩོན་འགྲུས་ཆེར་
D237.064.0292a06.01གཡོས་ནས་དམ་པའི་སེམས་ནི་ཞིག །བདག་རང་བཻ་རོ་ཙ་ན་ཡིན་ནོ་སྙམ་དུ་ཐེ་ཙོམ་སྐྱེས་ནས་ཅུང་ཞིག་གིས་མགུ་སྟེ། དེ་ནི་སེམས་སྤྱོད་པ་རྩིངས་པ་ལས་བྱུང་ངོ་། །དེ་ལ་ཚོར་ན་ནི་ཉེས་པ་མེད། མ་ཚོར་ན་ནི་ཆོག་ཤེས་པའི་བདུད་ཁོང་དུ་ཞུགས་ཏེ་ཡོན་པོར་ལྟུང་ངོ་། །ཏིང་ངེ་འཛིན་
D237.064.0292a07.01