完整藏文原文 · 德格版页 当前仅加载第 64 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཡོ་བར་འདུག །འོར་འགའ་ཆབ་ཏོམ་གྱི་ནང་དུ་ཞུགས་ཏེ་ལུས་སྦེད། འོར་འགའ་སྣོད་སྒྱེའུ་ནང་དུ་ཞུགས་ཏེ་ལུས་སྦེད། འོར་འགའ་སྐར་ཁུང་གི་ནང་དུ་བྱུང་སྟེ་སོང་། འོར་འགའ་རྩིག་པ་ལ་ཐོགས་པ་མེད་པར་སོང་། མཚོན་རྣམས་འབའ་ཞིག་ལ་རང་དབང་མ་ཐོབ་
D237.064.0291a01.01བོ། །བདག་གི་ཁ་ལ་སངས་རྒྱས་སུ་གྲུབ་ཟིན་ནོ་ཞེས་ཟེར་ཏེ། གོས་དཀར་པོ་གྱོན་ནས་བིཀྵུ་རྣམས་ཕྱག་འཚལ་དུ་བཅུག་སྐུར་བསླད་དེ། གཞན་ལ་ཆོས་འཆད་ན་ཡང་འཕྱོན་མའི་ཆོས་ཤེ་དག་བཤད་དོ། །གནམ་ས་དང་། ཤིང་རྩི་དང་། ཆུ་ཀླུང་དང་རིག་འཛིན་ཤི་
D237.064.0291a02.01བ་རྣམས་འདྲེར་སྐྱེས་པ་ལས་རྒལ་ཏེ་བདུད་དུ་གྱུར་པ་ཡིན་ནོ། །བདུད་དེ་ནམ་ལུས་ལས་བྲལ་མ་ཐག་ཏུ་རྒྱལ་པོའི་གྱོད་ལ་ཡང་ཐོགས། མཚམས་མེད་པའི་དམྱལ་བར་ཡང་འགྲོའོ། །དེ་ལ་ཚོར་ན་ཉེས་པ་མེད་དོ། །ཡང་རིགས་ཀྱི་བུ་ཚོར་བའི་ཕུང་པོ་ཤིན་ཏུ་གསོགས་ནས་
D237.064.0291a03.01ལོག་པའི་ཏིང་ངེ་འཛིན་དང་མི་ཕྲད་དོ། །རྫོགས་པའི་ཏིང་ངེ་འཛིན་གྱི་འོད་སྣང་བས་ཏིང་ངེ་འཛིན་བསྒོམ་པའི་ཚེ། ཤིན་ཏུ་འགོག་པ་སྟོང་པ་ལ་སྲེད་དེ། ལྷའི་བདུད་ཀྱིས་གླགས་ཐོད་དེ་ཁར་ཞུགས་ནས་གཞན་ལ་ཆོས་འཆད་པའི་ཚེ། མཁས་རབ་ནས་བདུད་ཀྱིས་བདག་
D237.064.0291a04.01ལ་ཟུག་པར་མ་ཚོར་ཏེ། བདག་མྱ་ངན་ལས་འདས་སོ་སྙམ་དུ་བསམས་ནས་གཞན་ཆོས་འདྲིར་འོངས་ནས་ཆོས་འཆད་པའི་ཚེ་ཡང་བདག་གི་ལུས་སྟོང་པར་བྱས་ནས་གཞན་གྱིས་མི་མཐོང་བར་གྱུར་ཏེ། རེ་ཞིག་སྟོང་པའི་ནང་ནས་གློ་བུར་དུ་བྱུང་སྟེ། བྱུང་བ་དང་། སྦ་བ་
D237.064.0291a05.01དང་། རང་དབང་ཐོབ་པར་གྱུར་ནས། བར་བར་ཡང་ལུས་མཆིང་བུ་བཞིན་དུ་ཕྱི་ནང་ཐལ་བར་བསྟན། བར་བར་ནི་རྐང་ལག་ཕྱག་ན་ཙན་དན་བསུང་། བར་བར་ནི་གཅིན་དང་ངན་སྐྱུགས་ཀྱང་དཔེར་ན་ཤ་ཁ་ར་སྟུག་པོ་དང་འདྲ། ཚུལ་ཁྲིམས་ལ་སྐུར། དགེ་སློང་ལ་སྨད།
D237.064.0291a06.01ལས་ཅི་བྱས་པའི་ལན་མེད་ཅེས་ཀྱང་བཤད། ལུས་དེར་ཤི་ན་ཡེ་དེར་ཟད་དེ། ཕྱི་མའི་ལུས་ནོད་དུ་ཡང་མེད་དོ། །ཞེས་ཟེར་ཏེ། མི་ཐ་མལ་པ་དང་འཕགས་པ་ཡང་འདྲའོ་ཞེས་བཤད་དོ། །ཁོ་བོ་དག་ནི་ཕྱིན་ཅི་ལོག་ཏུ་ཆགས་པ་དང་གཡེམ་པ་ཡང་སྤྱད། གཞན་ལ་ཆོས་བཤད་པའི་ཚེ་སློབ་མ་
D237.064.0291a07.01