完整藏文原文 · 德格版页 当前仅加载第 64 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཆོས་ཀྱི་སྒོ་འདི་ཁྱེར་ཏེ་མ་འོངས་པའི་དུས་ཐ་མ་ལ་སྤྱོད་པའི་མི་དག་ལ་ཡང་དག་པ་མ་ཡིན་པར་ཤེས་པར་སྟོན་ཅིང་། སྐྱེ་ཤི་ལ་ཟབ་ཏུ་སྐྱེ་ཞིང་ཁམས་གསུམ་ལ་མ་མོས་པས་མྱ་ངན་ལས་འདས་པ་ཡོད་པར་ཤེས་པར་གྱིས་ཤིག །དགའ་བོ་མི་ལ་ལ་ཞིག་གིས་ཕྱོགས་བཅུའི་ནམ་མཁའི་
D236.064.0286b01.01ཁམས་ཁྱབ་པར་རིན་པོ་ཆེ་སྣ་བདུན་གྱིས་བཀང་སྟེ། རྡུལ་ཕྲ་མོ་སྙེད་ཀྱི་སངས་རྒྱས་ཐམས་ཅད་ལ་བླ་མར་བྱས་ཏེ། མཆོད་ཅིང་བསྙེན་བཀུར་བྱས་ནས་སེམས་དོན་མེད་པར་འདས་པར་མ་བྱས་ན་ཡིད་ལ་ཇི་སྙམ། མི་དེས་འདི་ལྟར་སངས་རྒྱས་ལ་ཕུལ་བའི་རྒྱུ་རྐྱེན་གྱིས་བསོད་ནམས་
D236.064.0286b02.01ཐོབ་པ་མང་བ་ཡིན་ནམ། དགའ་བོས་གསོལ་པ། ནམ་མཁའ་མི་བས་པས་རིན་པོ་ཆེའི་མཐའ་ཡང་མ་མཆིས་སོ། །འདས་པའི་དུས་ན་མི་ཞིག་གིས་པ་ན་བདུན་གྱི་ཕྱིར་ལུས་བཏང་སྟེ། བཅོམ་ལྡན་འདས་ལ་ཡོན་ཕུལ་བས། འཁོར་ལོས་སྒྱུར་བའི་རྒྱལ་པོར་སྐྱེས་ན་ཡང་
D236.064.0286b03.01མངོན་སུམ་དུ་ནམ་མཁའི་ཁམས་ཀྱི་མཐར་སངས་རྒྱས་ཀྱི་ཞིང་བཀང་ཞིང་ཁྱབ་པར་རིན་པོ་ཆེ་སོ་སོར་ཕུལ་བ་ནི་བསྐལ་པ་བས་ཀྱི་བར་དུ་ཡང་བསམ་པས་ཚད་གཟུང་མི་ནུས་ན། དེའི་བསོད་ནམས་ཀྱི་མཐའ་མཆིས་པ་ལྟ་ཅི་སྨོས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ།
D236.064.0286b04.01དགའ་བོ་དེ་བཞིན་གཤེགས་པ་སངས་རྒྱས་ཐམས་ཅད་ནི་{བརྫུན་,རྫུན་}མི་གསུང་སྟེ། མི་ལ་ལ་ཞིག་གིས་ལུས་ཀྱི་ཕས་ཕམ་པ་བཞི་དང་། ཕས་ཕམ་པ་བཅུ་ལྡན་པར་བྱས་ནས། དབུགས་གང་ཙམ་ལ་ཁམས་འདི་དང་། ཁམས་གཞན་གྱི་མཚམས་མེད་པའི་སེམས་ཅན་དམྱལ་
D236.064.0286b05.01བ་དང་། ཕྱོགས་བཅུ་མ་ལུས་པ་ན་མཚམས་མེད་པའི་སེམས་ཅན་དམྱལ་བར་མ་ཕྱིན་པ་མེད་དོ། །སེ་གོལ་ཐབས་ཅིག་གཏོགས་པའི་སྲིད་གཅིག་ཆོས་ཀྱི་སྒོ་འདི་ཁྱེར་ཏེ། ཕྱི་མའི་བསྐལ་པ་ཐ་མའི་ཚེ་མ་ལོབས་པ་ལ་འབྱུང་ཞིང་བསྟན་ན་མི་དེའི་ཁ་ན་མ་ཐོ་བའི་སྡིག་སེམས་ཀྱི་སྐད་
D236.064.0286b06.01ཅིག་ཙམ་གྱི་བར་དུ་ཚངས་ཤིང་འབྱང་སྟེ། སེམས་ཅན་དམྱལ་བའི་སྡུག་བསྔལ་གྱི་རྒྱུ་ལས་ཐར་ནས་བདེ་བའི་ཞིང་དུ་སྐྱེ་བར་འགྱུར་ཏེ། བསོད་ནམས་ཐོབ་པ་ནི་སྔ་མའི་སྦྱིན་པའི་བསོད་ནམས་ཀྱི་བརྒྱའི་ཆ་དང་། སྟོང་གི་ཆ་དང་། འབུམ་ཕྲག་ཁྲིའི་ཆ་དང་། དེ་བཞིན་དུ་རྩིས་
D236.064.0286b07.01