完整藏文原文 · 德格版页 当前仅加载第 64 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཚོར་ཏེ། བདུད་ཀྱིས་བསླུས་པ་ལ་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། །སྤྲུལ་འདོད་པའི་རིགས་ཀྱི་བུ་དག་གི་ཐད་དུ་འོངས་ནས་གདིང་བ་བཏིང་སྟེ། ཆོས་བཤད་ནས་མི་དག་གི་ལག་པས་མི་དེའི་འོད་འཛིན་དུ་
D236.064.0274a01.01བཅུག་སྟེ། འོད་དེས་ཆོས་ཉན་པ་སྡེ་བཞིའི་མགོའི་སྟེང་དུ་གཏོད་པ་དང་། ཆོས་ཉན་པ་དེ་དག་གི་མགོའི་སྟེང་དུ་འོད་ཁ་དོག་དུ་མར་འབར་ཡང་། ཚ་བའི་རང་བཞིན་ཡང་མེད། ཚིག་པ་ཡང་མེད་དོ། །བར་བར་ནི་ཆུའི་སྟེང་ན་ས་ལ་འགྲོ་བ་བཞིན་དུ་འགྲོའོ། །བར་བར་
D236.064.0274a02.01ནི་ནམ་མཁའ་ལ་མི་གཡོ་བར་འདུག་གོ། །བར་བར་ནི་རིལ་བའི་ནང་དང་རྐྱལ་པའི་ནང་དུ་ཡང་འདུག་གོ། །བར་བར་ནི་རྩིག་པ་ལ་ཡང་ཐོགས་པ་མེད་པར་འགྲོ་སྟེ། མཚོན་ཆ་དང་དམག་ལ་རང་དབང་ཐོབ་བོ། །བདག་ཉིད་སངས་རྒྱས་ཡིན་ནོ་ཞེས་སྨྲས་ཏེ། གོས་སྐྱ་བོ་ལུས་ལ་གྱོན་
D236.064.0274a03.01ནས། དགེ་སློང་དག་ཕྱག་འཚལ་དུ་འཇུག །བསམ་གཏན་དང་། ཚུལ་ཁྲིམས་ལ་ནི་སྐུར་པ་འདེབས། དགེ་འདུན་ལ་ནི་ཁ་ངན་ཟེར། མི་དག་ལ་ཀླན་ཀ་ཚོལ་ཡང་གཞན་གྱིས་དཔྱས་སུ་བྱ་བར་མི་དོགས་ཏེ། ཚིག་ཏུ་ནི་རྫུ་འཕྲུལ་གྱི་དབང་གི་གཏམ་དག་སྨྲའོ། །བར་
D236.064.0274a04.01བར་ནི་མི་དག་ལ་སངས་རྒྱས་ཀྱི་ཞིང་མཐོང་བར་སྟོན་ཏེ། དེ་ནི་{ཡི་དགས་,ཡི་དྭགས་}ཀྱིས་བྱིན་གྱིས་བརླབས་ཏེ་བདེ་བ་མ་ཡིན་ནོ། །གཡེམ་པ་སྤྱོད་པ་ལ་བསྟོད། ཁ་ན་མ་ཐོ་བའི་སྡིག་ཆེན་པོ་ཡང་མི་འཛེམ་སྟེ། མི་ཚངས་པར་སྤྱོད་པ་ལ་ཆོས་གཏམས་པ་ཡིན་ནོ་ཞེས་ཟེར་ཏེ། དེའི་
D236.064.0274a05.01མིང་ནི་ནམ་མཁའ་དང་སའི་ལྷ་མཐུ་བོ་ཆེ་དང་། རིའི་ལྷ་དང་། མཚོའི་ལྷ་དང་། རླུང་གི་ལྷ་དང་། ཆུ་ཀླུང་གི་ལྷ་དང་། ས་རྡོའི་ལྷ་དང་། རྩྭ་དང་རྩི་དང་། ཤིང་ཐམས་ཅད་ཀྱི་ལྷ་དང་། བསྐལ་པ་བརྩེགས་པའི་ལྷ་དང་། སེམས་སྒྱུར་བའི་ལྷ་དང་། སེམས་སྒྱུར་
D236.064.0274a06.01བའི་ཀླུ་འབྲུག་དང་། དྲང་སྲོང་ཚེ་རིངས་པོ་ཚེ་ཟད་ནས། {ཡི་དགས་,ཡི་དྭགས་}སུ་གྱུར་པ་དང་། དྲང་སྲོང་ཚེ་ཟད་པ་ལོ་གྲངས་ཀྱིས་འཆི་བ་ལ་ཐུག་པ་ལུས་མ་རྗེས་པ་དང་། གུད་ནས་ལྟས་ངན་གྱི་{ཡི་དགས་,ཡི་དྭགས་}རྣམས་དེའི་ཁོང་དུ་ཞུགས་ཏེ་རྒས་ཟིན་ནས་བདུད་དུ་གྱུར་ཏེ་མི་དེ་ལ་གནོད་
D236.064.0274a07.01