完整藏文原文 · 德格版页 当前仅加载第 64 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སེམས་སྐད་ཅིག་འོད་བྱུང་སྟེ། ཕྱོགས་བཅུ་ཁྱབ་པར་འཛམ་བུ་གསེར་གྱི་ཁ་དོག་ཏུ་གྱུར་ཏེ། རྣམ་པ་སྣ་ཚོགས་ཐམས་ཅད་ཀྱང་དེ་བཞིན་གཤེགས་པའི་སྐུར་གྱུར་ནས་རྣམ་པར་སྣང་མཛད་དེ་བཞིན་གཤེགས་པའི་ལྷའི་འོད་བརྩེགས་པའི་ཁང་པ་ན་བཞུགས་ཏེ། སངས་
D236.064.0265b01.01རྒྱས་བཅུའི་འཁོར་གྱིས་བསྐོར་ཅིང་ས་ཡ་ཕྲག་བརྒྱའི་ཞིང་དང་པད་མོར་བཅས་པ་ལྟ་བུར་བྱུང་བར་སྣང་སྟེ། དེའི་མིང་ནི་ཡིད་ཀྱི་རྣམ་པར་ཤེས་པས་ཆུད་ཅིང་འཇུག་པའི་ཆགས་པ་སྟེ། སེམས་སྦྱངས་པའི་འོད་ལས་འཇིག་རྟེན་ཐམས་ཅད་སྣང་བ་དེ་ཡང་ཐང་ཅིག་ཏུ་ཟད་དེ་དགེ་བའི་
D236.064.0265b02.01མཚན་མར་ནི་རུང་གི་འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་འཛིན་ན་ལམ་འོག་མའི་ཁམས་སུ་ལྟུང་ངོ་། །ཡང་སེམས་དེ་དང་ཞིང་གསལ་བར་སྦྱངས་པ་ལས་དཔྱོད་པ་རྒྱུན་མི་འཆད་པར་བརྙས་ཤིང་བཏུལ། འདུལ་བཅིལ་ཏེ་འཕར་ནས་དེའི་ཚེ་སེམས་
D236.064.0265b03.01སྐད་ཅིག་ཙམ་ཞིག་ཕྱོགས་བཅུའི་ནམ་མཁའ་ལས་རིན་པོ་ཆེ་སྣ་བདུན་གྱི་ཁ་དོག་ཏུ་གྱུར་ཏེ། བར་བར་ནི་ཁ་དོག་སྣ་བརྒྱད་པར་འགྱུར་རོ། །ཡང་ཁྱབ་པར་གང་བ་ནི་སྔོན་པོ་སེར་པོ་དམར་པོ་དཀར་པོ་དག་སོ་སོ་ནས་མ་འདྲེས་པ་ལྟ་བུར་སྣང་སྟེ་དེ་ནི་བརྙས་ཤིང་བཏུལ་བཅིལ་ཏེ་འཕར་
D236.064.0265b04.01བ་ལས་གྱུར་ཏེ། དེ་ཡང་ཐང་ཅིག་ཏུ་ཟད་པས་འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དེ་དགེ་བའི་མཚན་མར་ནི་རུང་གི་དེ་ལ་འཕགས་པའོ་སྙམ་དུ་བཟུང་ན། ལམ་ལོག་པའི་ཁམས་སུ་ལྟུང་ངོ་། །ཡང་སེམས་དེ་ཡུན་རིང་དུ་སྦྱངས་ཏེ།
D236.064.0265b05.01མ་འཕྲོགས་ཤིང་དང་བ་ལས་སེམས་སྐད་ཅིག་ཙམ་ཞིག་མཚན་མོའི་མུན་གནག་ནང་ནས་རྫས་སྣ་ཚོགས་མཐོང་སྟེ། ཉིན་མོ་མཐོང་བ་དང་མཚུངས་སོ་འདི་ལྟར་མཐོང་བ་དེའི་མིང་ནི་སེམས་ཕྲ་བའི་ཡང་ཕྲ་བའི་དང་བ་ལས་གྱུར་པ་ཡིན་ཏེ། དགེ་བའི་མཚན་མ་ཡིན་གྱི་འཕགས་པར་གྱུར་པ་མ་
D236.064.0265b06.01ཡིན་ནོ། །དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །ཡང་སེམས་དེ་ནམ་མཁར་རྒྱས་པར་བསྒོམས་པ་ལས་སེམས་སྐད་ཅིག་ཙམ་ཞིག་ཁམས་བཞི་ཡང་རྩྭ་ཤིང་དང་འདྲ་བར་མཐོང་སྟེ། མེས་བསྲེགས་མཚོན་ཆས་གཏུབས་ཀྱང་མི་ཚོར་རོ། །
D236.064.0265b07.01