完整藏文原文 · 德格版页 当前仅加载第 64 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
མིག་དང་ལྡན་པས་ནི་ཕྱོགས་བཅུར་ས་ལེར་སྣང་སྟེ། ཅི་ཡང་ལུས་པ་མེད་དེ། དེའི་མིང་ནི་གཟུགས་ཀྱི་ཕུང་པོ་ཟད་དེ། མི་དེ་ནི་བསྐལ་པའི་སྙིགས་མ་ལས་འདས་སོ། །དོན་དེ་ལ་བརྟགས་ན་ཡང་དག་མ་ཡིན་པའི་འདུ་ཤེས་ཀྱི་རྩ་བ་བསྲབ་པའི་ཕྱིར་རོ། །དགའ་བོ་དེ་ལྟ་བུ་
D236.064.0265a01.01ལ་གནས་ཤིང་སྦྱངས་ན་གསལ་ཞིང་དངས་ཏེ། ཁམས་བཞི་མ་འཁྲུགས་པ་ལས་སེམས་སྐད་ཅིག་ཙམ་ཞིག་ལུས་ཐོགས་པ་མེད་པར་སྣང་སྟེ། དེའི་མིང་ནི་དང་ཞིང་གསལ་བ་མངོན་དུ་ལུང་པར་འབབ་པར་བསྒོམས་པ་ལས། ཡུད་ཙམ་ཞིག་བྱུང་བ་ཡིན་གྱི་འཕགས་པར་གྱུར་པ་ནི་
D236.064.0265a02.01མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དགེ་བའི་མངོན་རྟགས་སུ་ནི་རུང་གི་དེ་ལ་འཕགས་པའོ་སྙམ་དུ་བསམས་ན་དེ་ལོག་པའི་ཁམས་སུ་ལྟུང་ངོ་། །དགའ་བོ་ཡང་སེམས་དེ་ཉིད་སྦྱངས་ཤིང་དང་སྟེ། ལུས་ཀྱི་ནང་དངས་ཤིང་གསལ་བ་ལས་ཡུད་ཙམ་ཞིག་མི་དེའི་
D236.064.0265a03.01ལུས་ཀྱི་ནང་ནས་སྲིན་གྲོལ་མ་གློ་བུར་དུ་བྱུང་ཡང་ལུས་ཀྱི་རང་བཞིན་ཇི་བཞིན་ཏེ། སྨས་ཤིང་ཉམས་པ་ཡང་མེད་པར་མཐོང་ངོ་། །དེའི་མིང་ནི་གཟུགས་ཀྱི་ཡན་ལག་དང་། གསལ་བའི་ལུང་པར་འབབ་པའི་བརྩོན་འགྲུས་ལས་གྱུར་པ་ཡིན་གྱི། འཕགས་པའི་འབྲས་བུར་གྱུར་པ་ནི་
D236.064.0265a04.01མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་དགེ་བའི་ལྟས་སུ་ནི་རུང་གི །དེ་ལ་འཕགས་པའོ་སྙམ་དུ་བསམས་ན་དེ་ལོག་པའི་ཁམས་སུ་ལྟུང་ངོ་། །དགའ་བོ་ཡང་སེམས་དེ་ཉིད་ཀྱིས་སྦྱངས་ཤིང་དང་ན་དེའི་ཚེ་སེམས་དང་། ཡིད་དང་། རྣམ་པར་ཤེས་པ་རྣམས་
D236.064.0265a05.01འགྲོན་དང་། སྦྱིན་བདག་ཇི་བཞིན་པ་ལ་མི་འགྱུར་བ་ལ་སྤྱོད་པས་འཛིན་པའི་ལུས་མ་གཏོགས་པར་གཞན་ཐམས་ཅད་གཅིག་ཏུ་བསྡུས་ཤིང་མཉམ་པར་གཞག་པ་ལས་སེམས་སྐད་ཅིག་ཙམ་ཞིག་ནམ་མཁའ་སྟོང་པ་ལས་ཅིག་ཅར་དུ་ཕྱོགས་བཅུ་ནས་ཆོས་ཟབ་མོའི་དོན་འཆང་བ་ལྟ་བུའི་སྒྲ་ཐོས་
D236.064.0265a06.01སོ། །དེའི་མིང་ནི་སེམས་དང་། ཡིད་དང་། རྣམ་པར་ཤེས་པ་ལྡང་དུབ་ལས་དགེ་བའི་རྒྱུ་གྲུབ་པ་ཡིན་ཏེ། དགེ་བའི་མཚན་མ་ནི་ཡིན་གྱི་འཕགས་པའི་འབྲས་བུ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་སེམས་ན་ལམ་ལོག་པར་ལྟུང་ངོ་། །དགའ་བོ་ཡང་སེམས་དེ་གསལ་ཞིང་ས་ལེ་བའི་ནང་
D236.064.0265a07.01