完整藏文原文 · 德格版页 当前仅加载第 64 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡིད་ཀྱི་རྣམ་པར་ཤེས་པའི་ནང་ན་ཐོག་མ་ནས་གནས་མེད་དེ་རང་བཞིན་རྟག་པའི་ཕྱིར་སྤྱད་ཅིང་སྦྱངས་ན་གདོད་ཤེས་སོ། །བསྐལ་པ་བརྒྱད་ཁྲིའི་བར་དུ་སེམས་ཅན་ཐམས་ཅད་འཁོར་ཏེ། དེ་ཡེ་ནས་རྟག་པ་ལ་གནས་པས་གྱེས་ཤིང་སྟོར་བ་མ་མྱོང་སྟེ། དེ་ལྟར་རྟག་གོ་སྙམ་
D236.064.0277b01.01མོ། །དེ་ལ་བཞིན་ནི་མི་དེས་འདུ་ཤེས་ཀྱི་རྩ་བ་ཟད་ནས་འཁོར་བའི་སྐྱེ་ཤི་མེད་དེ། སྐྱེ་བ་དང་འཆི་བའི་འཁོར་བའི་རྒྱུ་བ་འགོག་པ་དང་འདུ་ཤེས་སེམས་ནི་ཡོངས་ནས་ཟད་པས་དེ་ནི་ཡང་མོས་མེད་དོ། །དེའི་དོན་གྱིས་ནང་ན་རང་གི་སྐྱེ་ཤི་མེད་པར་གྲུབ་སྟེ། རྟག་གོ་སྙམ་
D236.064.0277b02.01དུ་རྟོག་པའི་ཕྱིར་ཡང་དག་པར་ཤེས་པའི་གྲལ་སྟོར་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ལམ་ནི་འཁྲུལ་ཏོ། །དེའི་མིང་ནི་རྟག་པར་ཁྱབ་པའི་མུ་སྟེགས་ཅན་གཉིས་པའོ། །རིགས་ཀྱི་བུ་དག་ཡང་དག་པ་ཉིད་ལ་ཏིང་ངེ་འཛིན་ལ་རྩེ་གཅིག་ཏུ་བར་ཆད་མེད་ན།
D236.064.0277b03.01བདུད་ཀྱི་ཐབས་ཀྱིས་མི་སླུས་སོ། །རང་གི་རྩ་བའི་རྒྱུ་ཤེས་ཏེ། ཟབ་མོ་དང་བ་དེ་ལས་བསྟན་ནས་རྟག་པར་བདག་དང་གཞན་དུ་རྟོག་པ་སྐྱེས་ཏེ། དེ་ནི་ཕྱིན་ཅི་ལོག་བཞིའི་ནང་ན་ལངས་ནས། ཁ་ཅིག་ནི་མི་རྟག །ཁ་ཅིག་ནི་རྟག་པར་མཐོང་ངོ་། །དེ་ལ་གཅིག་ནི་མི་
D236.064.0277b04.01དེས་སེམས་ཅན་གྱི་མཐོང་བ་ལ་ཞིག་ཏུ་བལྟས་ན། ཕྱོགས་བཅུའི་ཁམས་སུ་ངས་རྟག་པར་ཁྱབ་སྟེ། ཡོད་ནས་མི་གཡོ་སྙམ་ནས་ང་ནི་ཕྱོགས་བཅུར་ཁྱབ་ཅིང་སྨད་ལ་མི་གཡོ། །སེམས་ཅན་ཐམས་ཅད་ངའི་ནང་ནས་རང་སྐྱེ། རང་འཆི་སྟེ། ངའི་རང་བཞིན་ནི་རྟག་
D236.064.0277b05.01པ་ཡིན་ནོ། །ངའི་ནང་ནས་སྐྱེ་ཞིང་འཆི་བ་དེ་ནི་མི་རྟག་པའི་རང་བཞིན་སྙམ་མོ། །དེ་ལ་གཉིས་པ་ནི་མི་དེ་སེམས་ཅན་ལ་མི་ལྟ་བར་ཕྱོགས་བཅུའི་ཁམས་ལ་ཁྱབ་པར་བལྟས་ན། གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ནི་བསྐལ་པས་འཇིག་པའི་གནས་སུ་
D236.064.0277b06.01མཐོང་སྟེ། ད་ནི་ཡོང་ནས་མི་རྟག་པ་ཡིན་ནོ། །སྣ་ཚོགས་ཀྱི་རང་བཞིན་གྱི་གནས་སྐབས་མ་ཞིག་པ་དེ་ནི་ཡེ་ནས་རྟག་པ་སྙམ་མོ། །གསུམ་པ་ནི་མི་དེས་སེམས་ཅན་ལ་བལྟས་ན་ང་དང་ཞིང་ཕྲ་བ་ནི་རྡུལ་ཕྲ་མོ་དང་འདྲ་སྟེ། ཕྱོགས་བཅུའི་ཁམས་ནས་འཁོར་ཞིང་རང་
D236.064.0277b07.01