完整藏文原文 · 德格版页 当前仅加载第 59 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བཟུང་བའོ། །དགེ་བའི་རྩ་བ་ཐམས་ཅད་ཡང་དག་པར་བསྐྱེད་པའོ། །བདུད་དང་ཕྱིར་རྒོལ་བ་ཚར་གཅོད་པའོ། །བར་དུ་གཅོད་པ་ཐམས་ཅད་དང་བྲལ་བའོ། །དང་བ་སྐྱེ་བར་བྱེད་པའོ། །དད་པ་དང་ལྡན་པ་རྣམས་དགའ་ཞིང་མགུ་བར་བྱེད་པའོ། །སངས་རྒྱས་
D160.059.0095a01.01ཐམས་ཅད་ཀྱིས་ཤིན་ཏུ་ཡོངས་སུ་གཟུང་བའོ། །ཆོས་ཀྱི་རྣམ་གྲངས་འདི་ནི་ལྷ་དང་བཅས་པའི་འཇིག་རྟེན་གྱིས་ལེགས་པར་བསྲུངས་པའོ། །ཆོས་ཀྱི་རྣམ་གྲངས་འདི་ནི་གཅིག་ཏུ་ངེས་པ་སྟེ་ཕྱིར་མི་ལྡོག་པའོ། །ཆོས་ཀྱི་རྣམ་གྲངས་འདི་ནི་བྱང་ཆུབ་ཀྱི་སྙིང་པོ་ལ་མི་སླུ་བའོ། །ཆོས་ཀྱི་རྣམ་
D160.059.0095a02.01གྲངས་འདི་ནི་སངས་རྒྱས་ཀྱི་ཆོས་རྣམས་ཀྱི་བདེན་པའི་འབྱུང་གནས་སོ། །ཆོས་ཀྱི་རྣམས་གྲངས་འདི་ནི་ཆོས་ཀྱི་འཁོར་ལོ་བསྐོར་བའོ། །ཆོས་ཀྱི་རྣམ་གྲངས་འདི་ནི་འགྱོད་པ་རྣམས་སེལ་བར་བྱེད་པའོ། །ཆོས་ཀྱི་རྣམ་གྲངས་འདི་ནི་འཕགས་པའི་ལམ་རྣམ་པར་སྦྱོང་བའོ། །ཆོས་ཀྱི་རྣམ་གྲངས་
D160.059.0095a03.01འདི་ནི་ཐར་བར་འདོད་པ་རྣམས་ཀྱིས་ལེགས་པར་ཐོས་པའོ། །ཆོས་ཀྱི་རྣམ་གྲངས་འདི་ནི་གཟུངས་འདོད་པ་རྣམས་ཀྱིས་ལེགས་པར་བཟུང་བའོ། །ཆོས་ཀྱི་རྣམ་གྲངས་འདི་ནི་བསོད་ནམས་འདོད་པ་རྣམས་ཀྱིས་ལེགས་པར་རབ་ཏུ་བསྟན་པའོ། །ཆོས་ཀྱི་རྣམ་གྲངས་འདི་ནི་ཆོས་འདོད་པ་
D160.059.0095a04.01རྣམས་ཀྱིས་ལེགས་པར་བསྲུང་བའོ། །ཆོས་ཀྱི་རྣམ་གྲངས་འདི་ནི་མྱ་ངན་ལས་འདས་པར་འགྲོ་བའི་ཕྱིར་གྲངས་མེད་པའོ། །ཆོས་ཀྱི་རྣམ་གྲངས་འདི་ནི་ཕ་རོལ་གྱི་རྒོལ་བ་དམིགས་པ་ཅན་གྱིས་མི་འཕྲོགས་པའོ། །ཆོས་ཀྱི་རྣམ་གྲངས་འདི་ནི་སྦྱིན་པར་འོས་པ་རྣམས་དང་འཐུན་པའོ། །ཆོས་ཀྱི་
D160.059.0095a05.01རྣམ་གྲངས་འདི་ནི་མཁས་པ་རྣམས་དགའ་བར་བྱེད་པའོ། །ཆོས་ཀྱི་རྣམ་གྲངས་འདི་ནི་ལྟ་བ་ངན་པ་དང་བྲལ་བས་ཤེས་རབ་སྐྱེད་པའོ། །ཆོས་ཀྱི་རྣམ་གྲངས་འདི་ནི་གཏི་མུག་འཇོམས་པར་བྱེད་པས་ཡེ་ཤེས་བསྐྱེད་པའོ། །ཆོས་ཀྱི་རྣམ་གྲངས་འདི་ནི་ཡི་གེའི་ཚིག་ངེས་པས་ཤིན་ཏུ་ངེས་པའི་ཚིག་
D160.059.0095a06.01གོ། །ཆོས་ཀྱི་རྣམ་གྲངས་འདི་ནི་འབྲུ་འབྲེལ་བས་ལེགས་པར་བསྟན་པའོ། །ཆོས་ཀྱི་རྣམ་གྲངས་འདི་ནི་དོན་དམ་པ་ཡང་དག་པར་སྟོན་པས་དོན་ཡང་དག་པར་བསྐྱེད་པའོ། །ཆོས་ཀྱི་རྣམ་གྲངས་འདི་ནི་ཆོས་བརྗོད་པ་རྣམས་ཀྱིས་ཡོངས་སུ་མ་བཏང་བའོ། །ཆོས་ཀྱི་རྣམ་གྲངས་འདི་ནི་ཤེས་པ་
D160.059.0095a07.01