完整藏文原文 · 德格版页 当前仅加载第 59 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་འགྱུར་བ་ཞེས་བྱ་བའི་འོད་ཟེར་དེས་ནི་སེམས་ཅན་ལོག་པར་ལྟ་བ་ཅན་རྣམས་ཡང་དག་པར་ལྟ་བ་ཐོབ་པར་འགྱུར་རོ། །རབ་ཏུ་གཏོང་བ་ཞེས་བྱ་བའི་འོད་ཟེར་དེས་ནི་སེམས་ཅན་སེར་སྣ་ཅན་རྣམས་གཏོང་བ་ཐོབ་པར་འགྱུར་རོ། །ཡོངས་སུ་གདུང་བ་
D160.059.0025a01.01མེད་པ་ཞེས་བྱ་བའི་འོད་ཟེར་དེས་ནི་སེམས་ཅན་ངན་པའི་ངང་ཚུལ་ཅན་རྣམས་ཚུལ་ཁྲིམས་ཐོབ་པར་འགྱུར་རོ། །ཕན་པ་དང་ལྡན་པ་ཞེས་བྱ་བའི་འོད་ཟེར་དེས་ནི་སེམས་ཅན་གནོད་པར་སེམས་པ་རྣམས་བཟོད་པ་དང་དེས་པ་ཐོབ་པར་འགྱུར་རོ། །འབར་བ་ཅན་ཞེས་བྱ་བའི་
D160.059.0025a02.01འོད་ཟེར་དེས་ནི་སེམས་ཅན་ལེ་ལོ་ཅན་རྣམས་བརྩོན་འགྲུས་ཐོབ་པར་འགྱུར་རོ། །རྩེ་གཅིག་པ་ཞེས་བྱ་བའི་འོད་ཟེར་དེས་ནི་སེམས་ཅན་དྲན་པ་ཉམས་པ་རྣམས་བསམ་གཏན་ཐོབ་པར་འགྱུར་རོ། །ཡེ་ཤེས་ཞེས་བྱ་བའི་འོད་ཟེར་དེས་ནི་སེམས་ཅན་འཆལ་པའི་ཤེས་རབ་
D160.059.0025a03.01ཅན་རྣམས་ཤེས་རབ་ཐོབ་པར་འགྱུར་རོ། །རྙོག་པ་མེད་པ་ཞེས་བྱ་བའི་འོད་ཟེར་དེས་ནི་སེམས་ཅན་མ་དད་པ་རྣམས་དད་པ་ཐོབ་པར་འགྱུར་རོ། །ཀུན་འཛིན་པ་ཞེས་བྱ་བའི་འོད་ཟེར་དེས་ནི་སེམས་ཅན་ཐོས་པ་ཉུང་བ་རྣམས་ཐོས་པ་ཐོབ་པར་འགྱུར་རོ། །སྤྱོད་པ་དང་ལྡན་
D160.059.0025a04.01པ་ཞེས་བྱ་བའི་འོད་ཟེར་དེས་ནི་སེམས་ཅན་ངོ་ཚ་བ་དང་འཛེམ་པ་མེད་པ་རྣམས་ངོ་ཚ་ཤེས་པ་དང་། ཁྲེལ་ཡོད་པ་ཐོབ་པར་འགྱུར་རོ། །སྐྱོ་བ་ཞེས་བྱ་བའི་འོད་ཟེར་དེས་ནི་སེམས་ཅན་འདོད་ཆགས་སྤྱོད་པ་རྣམས་ཀྱི་འདོད་ཆགས་འཇོམས་པར་འགྱུར་རོ། །དགའ་བ་ཞེས་བྱ་
D160.059.0025a05.01བའི་འོད་ཟེར་དེས་ནི་སེམས་ཅན་ཞེ་སྡང་སྤྱོད་པ་རྣམས་ཀྱི་ཞེ་སྡང་འཇོམས་པར་འགྱུར་རོ། །སྣང་བ་ཅན་ཞེས་བྱ་བའི་འོད་ཟེར་དེས་ནི་སེམས་ཅན་གཏི་མུག་སྤྱོད་པ་རྣམས་རྟེན་ཅིང་འབྲེལ་པར་འབྱུང་བ་ཁོང་དུ་ཆུད་པར་འགྱུར་རོ། །ཀུན་ཏུ་འགྲོ་བ་ཞེས་བྱ་བའི་འོད་ཟེར་དེས་ནི་སེམས་
D160.059.0025a06.01ཅན་ཆ་མཉམ་པ་སྤྱོད་པ་རྣམས་ཆ་མཉམ་པ་སྤྱོད་པ་སྤོང་བར་འགྱུར་རོ། །དྲ་བ་ཅན་གྱི་འོད་དེ་བཞིན་གཤེགས་པ་ལ་གཟུགས་ཐམས་ཅད་སྟོན་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས་རེག་པའི་སེམས་ཅན་རྣམས་དེ་བཞིན་གཤེགས་པའི་སྐུ་ཁ་དོག་སྣ་ཚོགས་ཁ་དོག་དུ་མ།
D160.059.0025a07.01