完整藏文原文 · 德格版页 当前仅加载第 59 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
རངས་པར་ཡང་མི་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་དེ་བཞིན་གཤེགས་པའི་སྤྲུལ་པས་དེ་བཞིན་གཤེགས་པའི་སྤོབས་པ་ཐོས་ན་དགའ་བར་མི་བྱེད། རངས་པར་མི་འགྱུར་རོ། །རིགས་ཀྱི་བུ་དེ་བཞིན་དུ་ཆོས་རྣམས་སྤྲུལ་པའི་རང་བཞིན་དུ་ཤེས་
D160.059.0048a01.01ནས། དེ་བཞིན་གཤེགས་པ་ལ་ལྷག་པར་དགའ་བ་ཡང་མི་སྐྱེའོ། །སེམས་ཅན་གཞན་དག་ལ་ཡང་དམན་པར་མི་འཛིན་ཏོ། །དྲ་བ་ཅན་གྱི་འོད་ཀྱིས་སྨྲས་པ། ཚངས་པ་ཁྱོད་ཀྱི་ཆོས་ཐམས་ཅད་སྒྱུ་མས་སྤྲུལ་པའི་རང་བཞིན་དུ་ཤེས་སམ་སྨྲས་པ། རིགས་ཀྱི་བུ་གང་
D160.059.0048a02.01རྣམས་གཉིས་སུ་རྣམ་པར་བཞག་པ་སྤྱོད་པ་དེ་དག་ལ་དྲིས་ཤིག །སྨྲས་པ། ཚངས་པ་ཁྱོད་གང་ལ་སྤྱོད། སྨྲས་པ། གང་ལ་བྱིས་པ་སོ་སོའི་སྐྱེ་བོ་ཐམས་ཅད་སྤྱོད་པ་དེ་ལ་ང་ཡང་སྤྱོད་དོ། །སྨྲས་པ། ཚངས་པ་བྱིས་པ་སོ་སོའི་སྐྱེ་བོ་རྣམས་ནི་འདོད་ཆགས་དང་། ཞེ་
D160.059.0048a03.01སྡང་དང་། གཏི་མུག་རྣམས་ལ་སྤྱོད་དོ། །འཇིག་ཚོགས་ལ་ལྟ་བ་དང་། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང་། ཐེ་ཙོམ་དང་། ངར་འཛིན་པ་དང་། ང་ཡིར་འཛིན་པ་དང་། འདོད་པ་དང་། འདོད་ཆེན་དང་། ལོག་པར་སྦྱོར་བ་རྣམས་ལ་སྤྱོད་པ་ན་ཇི་ཁྱོད་ཀྱང་
D160.059.0048a04.01དེ་དག་ལ་སྤྱོད་དམ། སྨྲས་པ། རིགས་ཀྱི་བུ་ཁྱོད་སོ་སོའི་སྐྱེ་བོ་རྣམས་ཀྱི་སོ་སོའི་སྐྱེ་བོའི་ཆོས་ཡོངས་སུ་གྲུབ་པར་འདོད་དམ། སྨྲས་པ། སོ་སོའི་སྐྱེ་བོ་ཉིད་ཀྱང་ང་མི་འདོད་ན་དེ་དག་གི་ཆོས་ཡོངས་སུ་གྲུབ་པར་ག་ལ་འདོད། སྨྲས་པ། རིགས་ཀྱི་བུ་གང་འདི་ཆོས་ཡོངས་སུ་
D160.059.0048a05.01མ་གྲུབ་པའི་ཆོས་དེ་ལ་ཆགས་པའམ། ཞེ་སྡང་བའམ། གཏི་མུག་པར་བྱ་བ་ཁྱོད་འདོད་དམ། སྨྲས་པ་དེ་ནི་མ་ཡིན་ནོ། །སྨྲས་པ། རིགས་ཀྱི་བུ་ཆོས་ཐམས་ཅད་ནི་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་བའི་སྤྱོད་པ་ཡང་དེའི་མཚན་ཉིད་དོ། །རིགས་ཀྱི་
D160.059.0048a06.01བུ་དེ་ལྟར་སྤྱོད་པ་གཉིས་སུ་མེད་པའི་ཕྱིར་སོ་སོའི་སྐྱེ་བོའི་སྤྱོད་པ་གང་ཡིན་པ་དེ་ཉིད་འཕགས་པ་རྣམས་ཀྱི་སྤྱོད་པའོ། །རིགས་ཀྱི་བུ་ཡང་སྤྱོད་པ་ཐམས་ཅད་ནི་སྤྱོད་པ་མ་ཡིན་ནོ། །འདོགས་པ་ཐམས་ཅད་ནི་འདོགས་པ་མ་ཡིན་ནོ། །འགྲོ་བ་ཐམས་ཅད་ནི་འགྲོ་བ་མ་ཡིན་པའོ། །སྨྲས་
D160.059.0048a07.01