完整藏文原文 · 德格版页 当前仅加载第 59 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་གང་མ་བརྗོད། མ་སྨྲས། མ་བསྟན་པ་དེ་བཤད་པར་ནུས་སམ། ཁྱད་པར་སེམས་ཀྱིས་སྨྲས་པ། འཇམ་དཔལ་ཁྱོད་སེམས་ཅན་གཞན་དང་གང་ཟག་གཞན་དག་ལ་ཆོས་མི་སྟོན་ཏམ། སྨྲས་པ། ཚངས་པ་ཅི་ཆོས་ཀྱི་དབྱིངས་གཉིས་སུ་རབ་ཏུ་ཕྱེ་བ་ཡིན་
D160.059.0063a01.01ནམ། སྨྲས་པ། དེ་མ་ཡིན་ནོ། །སྨྲས་པ། ཆོས་ཐམས་ཅད་ཆོས་ཀྱི་དབྱིངས་སུ་ངེས་པ་མ་ཡིན་ནམ། སྨྲས་པ། ངེས་པ་ཡིན་ནོ། །སྨྲས་པ། ཚངས་པ་གལ་ཏེ་ཆོས་ཀྱི་དབྱིངས་ཀྱང་གཉིས་སུ་མེད་པ་ཡིན་ལ་ཆོས་ཐམས་ཅད་ཀྱང་ཆོས་ཀྱི་དབྱིངས་སུ་ངེས་ན་སེམས་ཅན་གཞན་
D160.059.0063a02.01དང་གང་ཟག་གཞན་དག་ལ་ཇི་ལྟར་ཆོས་བསྟན་པར་བྱ། སྨྲས་པ། འཇམ་དཔལ་གཉིས་ཀྱང་མ་ཡིན་ལ་ཆོས་བསྟན་པ་ཡོད་དམ། སྨྲས་པ། ཚངས་པ་གལ་ཏེ་སྟོན་པའམ་ཉན་པ་འགའ་ཞིག་རྙེད་ན་ནི་ཡོད་དོ། །སྨྲས་པ། འཇམ་དཔལ་དེ་བཞིན་གཤེགས་པས་ཆོས་མ་
D160.059.0063a03.01བསྟན་ནམ། སྨྲས་པ། ཚངས་པ་བསྟན་མོད་ཀྱི་གཉིས་སུ་མ་ཡིན་ནོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་གཉིས་སུ་མེད་པར་ཆོས་སྟོན་ཏེ་གཉིས་སུ་མི་མཛད་དོ། །སྨྲས་པ། འཇམ་དཔལ་གལ་ཏེ་ཆོས་ཐམས་ཅད་གཉིས་སུ་མེད་པ་ཡིན་ན། དེ་ཇི་ལྟར་བྱིས་པ་སོ་
D160.059.0063a04.01སོའི་སྐྱེ་བོ་རྣམས་གཉིས་སུ་མེད་པ་གཉིས་སུ་བྱེད། སྨྲས་པ། བདག་གི་རྒྱུད་ལ་བདག་ཏུ་འཛིན་པས་བྱིས་པ་སོ་སོའི་སྐྱེ་བོ་རྣམས་གཉིས་སུ་བྱེད་དེ། གཉིས་སུ་མེད་པ་ནི་ནམ་ཡང་གཉིས་སུ་མི་འགྱུར་རོ། །ཇི་ཙམ་དུ་མང་དུ་གཉིས་སུ་བྱས་ཀྱང་གཉིས་སུ་མེད་པའི་མཐའ་ལ་
D160.059.0063a05.01གཉིས་སུ་མེད་དོ། །སྨྲས་པ། འཇམ་དཔལ་གཉིས་སུ་མེད་པ་ཅི་རྣམ་པར་རིག་པར་བྱེད། སྨྲས་པ། གལ་ཏེ་རྣམ་པར་རིག་པར་བྱེད་ན་གཉིས་སུ་མེད་པ་མ་ཡིན་པར་འགྱུར་ཏེ། གཉིས་སུ་མེད་པ་ནི་རྣམ་པར་རིག་པ་མེད་པའོ། །ཚངས་པ་གཉིས་ཞེས་བྱ་བ་ནི་རྣམ་པར་རིག་
D160.059.0063a06.01པའོ། །དེ་བཞིན་གཤེགས་པས་ནི་རྣམ་པར་རིག་པ་མེད་པར་ཆོས་སྟོན་ཏེ། ཆོས་དེ་ཡང་ཇི་ལྟར་སྟོན་པ་དེ་བཞིན་དུ་མ་ཡིན་ནོ། །དེ་ཅིའི་ཕྱིར་ཞེ་ན། ཆོས་དེ་ཡི་གེ་མེད་པའི་ཕྱིར་རོ། །སྨྲས་པ། འཇམ་དཔལ་དེ་བཞིན་གཤེགས་པས་ཆོས་བསྟན་པ་གང་དུ་འགྲོ། སྨྲས་པ། ཚངས་པ་
D160.059.0063a07.01