完整藏文原文 · 德格版页 当前仅加载第 59 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ནི་སྨོན་པ་མ་མཆིས་པ། དུས་གསུམ་ལས་འདས་པ། ཉེ་བར་མི་མཆི་བ་ལགས་ཏེ། བཅོམ་ལྡན་འདས་བྱང་ཆུབ་སེམས་དཔའ་གང་འདུ་ཤེས་གཉིས་སུ་བགྱིས་ནས་བྱང་ཆུབ་ཀྱང་གཞན་ལ་འཁོར་བ་ཡང་གཞན་ནོ། །བྱང་ཆུབ་ཀྱང་གཞན་ལ་ལྟ་བར་གྱུར་པ་ཡང་གཞན་ནོ། །བྱང་ཆུབ་
D160.059.0081b01.01ཀྱང་གཞན་ལ་མྱ་ངན་ལས་འདས་པ་ཡང་གཞན་ནོ་ཞེས་སྨོན་པར་བགྱིད་ན་བྱང་ཆུབ་སེམས་དཔའ་དེ་དག་ནི་བྱང་ཆུབ་ལ་སྤྱོད་པ་མ་ལགས་སོ། །དེ་ནས་ཚངས་པ་ཁྱད་པར་སེམས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བྱང་ཆུབ་སེམས་དཔའ་ཇི་ལྟར་སྤྱོད་
D160.059.0081b02.01ན་བྱང་ཆུབ་ལ་སྤྱོད་པ་ཡིན། སྨྲས་པ། ཚངས་པ་བྱང་ཆུབ་སེམས་དཔའ་གང་ཆོས་ཐམས་ཅད་ལ་ཡང་སྤྱོད་ལ་ཆོས་གང་ལ་ཡང་མི་སྤྱོད་ན་བྱང་ཆུབ་སེམས་དཔའ་དེ་བྱང་ཆུབ་ལ་སྤྱོད་དེ། ཚངས་པ་སྤྱད་པ་ཡུལ་ལས་འདས་པའི་བྱང་ཆུབ་སེམས་དཔའ་ནི་བྱང་ཆུབ་ཏུ་སྤྱོད་དོ། །སྨྲས་པ། འཇམ་
D160.059.0081b03.01དཔལ་ཇི་ལྟར་ན་བྱང་ཆུབ་སེམས་དཔའ་སྤྱད་པའི་ཡུལ་ལས་འདས་པ་བྱང་ཆུབ་ལ་སྤྱོད། སྨྲས་པ། དམིགས་པའི་མཚན་མ་ཐམས་ཅད་དང་བྲལ་ཞིང་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་བྲལ་བ་དེ་ལྟར་ན་སྤྱད་པའི་ཡུལ་ཐམས་ཅད་ལས་ཤིན་ཏུ་འདས་པ་ཡིན་ནོ། །སྨྲས་པ།
D160.059.0081b04.01འཇམ་དཔལ་ཡང་དག་པར་འདས་པ་ཞེས་བྱ་བ་ཅི་ལ་བསམ། སྨྲས་པ། མཉམ་པ་ཉིད་ལས་མི་འདའ་བའོ། །དེ་ཅིའི་ཕྱིར་ཞེ་ན། ཚངས་པ་བྱང་ཆུབ་ནི་ཆོས་ཐམས་ཅད་ཀྱི་མཉམ་པ་ཉིད་དོ། །སྨྲས་པ། འཇམ་དཔལ་བྱང་ཆུབ་སེམས་དཔས་ཇི་ལྟར་ན་བྱང་ཆུབ་ཏུ་འཇུག་པར་བྱ། སྨྲས་པ། བྱང་ཆུབ་
D160.059.0081b05.01ཇི་ལྟ་བ་བཞིན་དུའོ། །སྨྲས་པ། བྱང་ཆུབ་ཇི་ལྟ་བུ་ཡིན། སྨྲས་པ། ཚངས་པ་བྱང་ཆུབ་དེ་ནི་འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། དེ་བས་ན་བྱང་ཆུབ་སེམས་དཔས་དུས་གསུམ་ཡོངས་སུ་དག་པའི་རྣམ་པ་དང་། འཁོར་གསུམ་ཡོངས་སུ་དག་
D160.059.0081b06.01པས་བྱང་ཆུབ་ཏུ་ཡང་དག་པར་འཇུག་པར་བྱའོ། །འདས་པ་ཇི་ལྟ་བ་དང་། མ་འོངས་པ་ཇི་ལྟ་བ་དང་། ད་ལྟར་བྱུང་བ་ཇི་ལྟ་བ་དང་། མ་བྱུང་བ་ཇི་ལྟ་བ་དང་། མ་བྱུང་བ་གང་ཡིན་པ་དེ་ལ་རབ་ཏུ་དབྱེ་བ་མེད་དེ། གང་དེ་ལྟར་རབ་ཏུ་ཞུགས་པ་དེ་གང་ལ་ཡང་ཞུགས་པ་མེད་དོ། །དེ་ཅིའི་ཕྱིར་ཞེ་ན།
D160.059.0081b07.01