完整藏文原文 · 德格版页 当前仅加载第 58 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
དེང་སླན་ཆད་བདུད་ཀྱི་སུག་ལས་ཐམས་ཅད་འདོར་རོ། །གང་དག་ན་ཆོས་ཀྱི་རྣམ་གྲངས་འདི་སྟོན་པ་དང་། ཡང་དག་པར་རབ་ཏུ་སྟོན་པར་འགྱུར་བའི་གྲོང་ངམ། གྲོང་ཁྱེར་རམ། གྲོང་རྡལ་ལམ། གཙུག་ལག་ཁང་དེར་ཆོས་མཉན་པའི་
D152.058.0112a01.01སླད་དུ་བདག་ང་རྒྱལ་མ་མཆིས་པ་དང་། གུས་པ་དང་བཅས་ཤིང་ཞེ་ས་དང་བཅས་པས་མཆིས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། སྡིག་ཅན་ལེགས་སོ་ལེགས་སོ། །ཁྱོད་ཆོས་ལ་གུས་པའི་རྣམ་པར་སྨིན་པ་འདིས་རིམ་གྱིས་བདུད་ཀྱི་ལས་
D152.058.0112a02.01ཐམས་ཅད་ལས་ཤིན་ཏུ་འདས་ཏེ། གང་སྐྱེས་བུ་དམ་པ་དེ་དག་གིས་ཐོབ་པའི་ཆོས་དེ་དག་རྗེས་སུ་འཐོབ་པར་འགྱུར་རོ། །བློ་གྲོས་རྒྱ་མཚོ་གཞན་ཡང་མི་མཇེད་ཀྱི་བདག་པོ་ཚངས་པ་དགུག་པའི་སྔགས་ཀྱི་ཚིག་རྣམས་བརྗོད་པར་བྱ་སྟེ། དགུག་པའི་སྔགས་ཀྱི་ཚིག་དེ་
D152.058.0112a03.01དག་གིས་ཚངས་པ་བཀུག་ནས་ཆོས་སྨྲ་བའི་གན་དུ་འོང་བར་འགྱུར་རོ། །སྔགས་ཀྱི་ཚིག་དེ་དག་གང་ཞེ་ན། འདི་ལྟ་སྟེ། མཻ་ཏྲེ་ཀ་རེ། ཀ་རུ་ཎ་ཀ་རེ། མུ་དི་ཏ་ཀ་རེ། ཨུ་པེ་ཀྵ་ཀ་རེ། བུདྡྷ་ཀ་རེ། དྷརྨ་ཀ་རེ། སཾ་གྷ་ཀ་རེ། སུ་ཀྲྀ་ཏ་བི་ཛ་ཡེ།
D152.058.0112a04.01མ་ཧཱ་བི་ཏཱ་ནེ། ནི་སྥ་རེ། དཱ་གྷེ། ཨོ་ཛོ་བ་ཏི། ཨོ་ཛོ་ག་མེ། དྷརྨཱ་ན། ནད་ནེ། ས་ཏྱ་པྲ་ཏིཥྛཱ་ནེ། ཨུ་པ་པ་ཏི། བི་ཤུ་དྡྷེ། སྭ་ཙིཏྟ་ཨུ་པ་ཤ་མེ། བྱ་བ་ལོ་ཀ་ཡ་བྲ་ཧྨ་ཎ། བྱུ་ཏིཥྛ་ནམ་སྟེ། ཨ་བེ་ཀྵ། སྭ་དྷརྨ་ཙ་ར་ཎཱྃ། ཀུ་རུ་སདྡྷརྨ་པ་རི་
D152.058.0112a05.01གྲཱ་ཧ་ཎ། ཀྲི་ཏ་མ་ནུ་བཱ་ལ་ཡ། བུདྡྷ་ནེ། ཏྲཱི་མ་མ་བྱ་བ་ཙྪེ། བ་སི། སྨ་ར་ཏ། དྷརྨ་ཙཀྲ་པྲ་བནྟཱ་ནཱྃ།། ཀུ་རུ་ས་ཏྭ་བི་ཤོ་དྷ་ནཱྃ། པྲ་ཏི་གྲྀ་ཧཱ་ན། དྷརྨཱ་ནཱ་ག་ར་མཱ་ལཱ་ནཱྃ། བུདྡྷ་ཨ་དྷིཥྛཱ་ནཱྃ། མཱ་བི་ཀ་ཨུ་པ་ཡ། བློ་གྲོས་རྒྱ་མཚོ་མི་མཇེད་
D152.058.0112a06.01ཀྱི་བདག་པོ་ཚངས་པ་དགུག་པའི་ཚིག་འདི་དག་ཆོས་སྨྲ་བ་དེས་ལེགས་པར་ཁ་ཏོན་དུ་བྱས་ལ་ཚངས་པའི་ལམ་ལ་ཤིན་ཏུ་གནས་ཏེ། ཞེ་འགྲས་པ་མེད་པའི། སེམས་ཀྱི་རྒྱུད་དང་། དབང་པོ་ཤིན་ཏུ་སྦས་པ་དང་། ཤིན་ཏུ་བསྲུངས་པའི་དྲན་པ་དང་། ཤིན་ཏུ་དཀར་
D152.058.0112a07.01