完整藏文原文 · 德格版页 当前仅加载第 58 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། འཇིགས་པས་སྦྱིན་པའོ། །གཞན་ཡང་བཞི་སྟེ། བརྗོད་པས་སྦྱིན་པ་དང་། གྲགས་པས་སྦྱིན་པ་དང་། སྒྲས་སྦྱིན་པ་དང་། ཚིགས་སུ་བཅད་པས་སྦྱིན་པའོ། །གཞན་ཡང་བཞི་སྟེ། ངོར་བལྟ་བའི་སྦྱིན་པ་དང་། སྐབས་{ཆུང་ཟད་,ཅུང་ཟད་}ཀྱི་ཕྱིར་
D152.058.0070a01.01སྦྱིན་པ་དང་། བརྙས་ཐབས་སུ་སྦྱིན་པ་དང་། རང་གི་ལག་ནས་སྦྱིན་པ་མ་ཡིན་པའོ། །གཞན་ཡང་བཞི་སྟེ། ངན་པ་སྦྱིན་པ་དང་། མི་བཟོད་པའི་སྦྱིན་པ་དང་། གུས་པར་མ་བྱས་པའི་སྦྱིན་པ་དང་། མངོན་པའི་ང་རྒྱལ་གྱིས་སྦྱིན་པའོ། །གཞན་ཡང་བཞི་སྟེ། མཚོན་
D152.058.0070a02.01ཆ་སྦྱིན་པ་དང་། དུག་སྦྱིན་པ་དང་། རུང་བ་མ་ཡིན་པའི་སྦྱིན་པ་དང་། མི་ཆོག་པར་སྦྱིན་པའོ། །གཞན་ཡང་བཞི་སྟེ། ཚུལ་ཁྲིམས་དང་ལྡན་པ་རྣམས་ལ་ཞེ་སྡང་བ་དང་། ཚུལ་ཁྲིམས་འཆལ་པ་རྣམས་ལ་གནོད་པ་དང་ཐ་བའི་སེམས་དང་ལྡན་པ་དང་། བདག་ཉིད་ལྷོད་པ་
D152.058.0070a03.01དང་། ཚུལ་ཁྲིམས་དང་སྡོམ་པའི་གཏམ་ལ་གསོད་པ་ལྟ་བུར་འདུ་ཤེས་པའོ། །གཞན་ཡང་བཞི་སྟེ། ཡང་བའི་རྙེད་པ་ཡོངས་སུ་ཚོལ་བ་དང་། ཆོས་ཀྱིས་རྙེད་པ་ཀུན་ཏུ་འགེད་པར་མི་བྱེད་པ་དང་། གཞན་གྱི་འཐོབ་པ་གཅོད་པ་དང་། རང་གིས་འཐོབ་པས་ཆོག་མི་ཤེས་པའོ། །
D152.058.0070a04.01གཞན་ཡང་བཞི་སྟེ། སྤྱོད་ལམ་གྱིས་ལུས་ཚུལ་འཆོས་པ་དང་། ལོག་པར་སྨྲ་བས་ངག་ཚུལ་འཆོས་པ་དང་། སྡིག་པ་འདོད་པས་སེམས་ཚུལ་འཆོས་པ་དང་། འཚོ་བ་ཡོངས་སུ་མ་དག་པས་ཐམས་ཅད་དུ་ཚུལ་འཆོས་པའོ། །གཞན་ཡང་བཞི་སྟེ། ཐེག་པ་མཚུངས་
D152.058.0070a05.01པ་ལ་ཡང་དག་པར་ཞུགས་པ་རྣམས་ལ་ཞེ་སྡང་བ་དང་། བདུད་ཀྱི་ལས་ཁོང་དུ་མ་ཆུད་པས་མངོན་པའི་ང་རྒྱལ་ཅན་དང་། དེ་དག་གི་བསྔགས་པ་མ་ཡིན་པ་བརྗོད་པ་དང་། དེ་དག་གི་བསྔགས་པ་དང་ཡོན་ཏན་གྱིས་ཡིད་མི་བདེ་བར་འགྱུར་བའོ། །གཞན་ཡང་བཞི་སྟེ། ང་རྒྱལ་
D152.058.0070a06.01གྱིས་ཁེངས་ནས་ཆོས་རྣམས་ལ་རིམ་གྲོ་མེད་པ་དང་། ཆོས་སྨྲ་བ་རྣམས་ལ་མི་གུས་པ་དང་། ཕ་མ་དང་སློབ་དཔོན་དང་མཁན་པོ་རྣམས་ལ་མི་འདུད་པ་རྣམས་དང་། ལུས་དང་སེམས་རྩུབ་པས་རྟག་པར་རྒྱུན་དུ་མི་འཐུན་པར་གནས་པའོ། །གཞན་ཡང་བཞི་སྟེ། བདག་གི་ཡོན་ཏན་
D152.058.0070a07.01