完整藏文原文 · 德格版页 当前仅加载第 58 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲུབ་པ་ནི་ཚུལ་ཁྲིམས་ཀྱི་ཡོན་ཏན་གྱིས་རློམ་སེམས་སུ་མི་བྱེད་པའོ། །གཞན་ཡང་རྩོམ་པ་ནི་ལུས་ཡོངས་སུ་དག་པའོ། །རྟུལ་བ་ནི་ངག་ཡོངས་སུ་དག་པའོ། །སོ་སོར་རྟོག་པ་ནི་སེམས་ཡོངས་སུ་དག་པའོ། །སྒྲུབ་པ་ནི་ཆོས་ཡོངས་སུ་དག་པའོ། །
D152.058.0042a01.01གཞན་ཡང་རྩོམ་པ་ནི་གནོད་སེམས་ཀྱི་སེམས་ཀྱི་སྐབས་མེད་པའོ། །རྟུལ་བ་ནི་བཟོད་པའི་སྟོབས་རྣམས་རྣམ་པར་རིག་པའོ། །སོ་སོར་རྟོག་པ་ནི་བདག་དང་གཞན་སྲུང་བའོ། །སྒྲུབ་པ་ནི་བཟོད་པའི་རློམ་སེམས་སུ་མི་བྱེད་པའོ། །གཞན་ཡང་རྩོམ་པ་ནི་གཤེ་བ་དང་།
D152.058.0042a02.01སྡང་བ་དད་པར་བྱེད་པའོ། །རྟུལ་བ་ནི་གཤེ་བ་དང་སྡང་བ་འདྲིས་པར་མི་བྱེད་པའོ། །སོ་སོར་རྟོག་པ་ནི་ནང་ཡོངས་སུ་གདུང་བ་མེད་པར་བྱེད་པའོ། །སྒྲུབ་པ་ནི་བདག་དང་གཞན་མི་དམིགས་པའོ། །གཞན་ཡང་རྩོམ་པ་ནི་ལེ་ལོའི་དྲི་མ་སེལ་བའོ། །རྟུལ་བ་ནི་བརྩོན་འགྲུས་ཀྱི་དྲི་
D152.058.0042a03.01མ་ལས་དབེན་པའོ། །སོ་སོར་རྟོག་པ་ནི་སེམས་ཅན་ལེ་ལོ་ཅན་ཡོངས་སུ་སྨིན་པར་བྱེད་པའོ། །སྒྲུབ་པ་ནི་དེའི་བྱ་བ་བྱེད་པའོ། །གཞན་ཡང་རྩོམ་པ་ནི་བྱ་བ་ཡང་དག་པར་སྒྲུབ་པའོ། །རྟུལ་བ་ནི་བྱ་བ་ཉམས་འོག་ཏུ་ཆུད་པར་བྱེད་པའོ། །སོ་སོར་རྟོག་པ་ནི་ཐེག་པ་གཞན་ལ་མི་རེ་
D152.058.0042a04.01བའོ། །སྒྲུབ་པ་ནི་ལས་ཀྱི་རྣམ་པར་སྨིན་པ་ཆུད་མི་གཟོན་པའོ། །གཞན་ཡང་རྩོམ་པ་ནི་དྲན་པའོ། །རྟུལ་བ་ནི་རྟོགས་པའོ། །སོ་སོར་རྟོག་པ་ནི་བློ་གྲོས་སོ། །སྒྲུབ་པ་ནི་མོས་པའོ། །གཞན་ཡང་རྩོམ་པ་ནི་རིག་པའོ། །རྟུལ་བ་ནི་ཚུལ་ལོ། །སོ་སོར་རྟོག་པ་ནི་སྒོའོ། །
D152.058.0042a05.01སྒྲུབ་པ་ནི་འབྱུང་བའོ། །གཞན་ཡང་རྩོམ་པ་ནི་ཚིག་འབྲུ་ཀུན་ཆུབ་པར་བྱེད་པའོ། །རྟུལ་བ་ནི་ཚིག་འབྲུ་འཛིན་པའོ། །སོ་སོར་རྟོག་པ་ནི་ཚིག་འབྲུ་སེལ་བའོ། །སྒྲུབ་པ་ནི་ཆོས་བརྗོད་དུ་མེད་པར་རྟོགས་པའོ། །གཞན་ཡང་རྩོམ་པ་ནི་དགེ་བའི་བཤེས་གཉེན་ལ་རྟེན་པའོ། །རྟུལ་བ་
D152.058.0042a06.01ནི་སྡིག་པའི་གྲོགས་པོ་ཡོངས་སུ་སྤོང་བའོ། །སོ་སོར་རྟོག་པ་ནི་མཛའ་བ་དང་མི་མཛའ་བ་རྣམས་ལ་སེམས་སྙོམས་པའོ། །སྒྲུབ་པ་ནི་ཇི་སྐད་སྨྲས་པའི་ཚིག་དང་མི་འགལ་བར་བྱེད་པའོ། །གཞན་ཡང་རྩོམ་པ་ནི་རབ་ཏུ་བྱུང་བའི་སེམས་སོ། །རྟུལ་བ་ནི་དགའ་བ་དང་མི་དགའ་བ་ལ་མི་ལྟ་བའོ། །
D152.058.0042a07.01