完整藏文原文 · 德格版页 当前仅加载第 58 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
ལེན་པའི་ཆོས་ཀྱི་གཏམ་མོ། །གཞན་ཡང་ཆོས་གཅིག་སྟེ། ཀླན་ཀ་མི་ཚོལ་བའི་སེམས་ཀྱིས་ཆོས་མཉན་པའོ། །གཞན་ཡང་ཆོས་གཅིག་སྟེ། དགེ་སྦྱོང་གི་དྲི་མ་དང་བྲལ་བའི་དགེ་སྦྱོང་ཉིད་དོ། །གཞན་ཡང་ཆོས་གཅིག་སྟེ། འདྲེ་བ་མེད་པར་
D152.058.0061a01.01གྲོང་དང་གྲོང་ཁྱེར་དང་གྲོང་རྡལ་དུ་འཇུག་པའོ། །གཞན་ཡང་ཆོས་གཅིག་སྟེ། རང་གི་འཁྲུལ་པ་ལ་སོ་སོར་རྟོག་པས་སེམས་ཅན་ཐམས་ཅད་ཀུན་སྲུང་བའོ། །གཞན་ཡང་ཆོས་གཅིག་སྟེ། འཇིག་རྟེན་གྱི་སྣ་ཚོགས་ལ་བཏང་སྙོམས་སུ་བྱེད་པའོ། །གཞན་ཡང་ཆོས་
D152.058.0061a02.01གཅིག་སྟེ། དགེ་བའི་བཤེས་གཉེན་རྣམས་ལ་མི་སླུ་བའོ། །གཞན་ཡང་ཆོས་གཅིག་སྟེ། རང་གི་སེམས་ཡོངས་སུ་དག་པས་སེམས་ཅན་ཐམས་ཅད་ཀྱི་སེམས་ཡོངས་སུ་དག་པར་ཤེས་པའོ། །གཞན་ཡང་ཆོས་གཅིག་སྟེ། བཅོས་མ་མ་ཡིན་པས་བསམ་པ་དག་པའོ། །གཞན་ཡང་ཆོས་
D152.058.0061a03.01གཅིག་སྟེ། ཁྱད་པར་དུ་འགྲོ་བས་ལྷག་པའི་བསམ་པ་དག་པའོ། །གཞན་ཡང་ཆོས་གཅིག་སྟེ། ལེགས་པར་བྱེད་པའི་ལས་བྱེད་པས་སྦྱོར་བ་དག་པའོ། །གཞན་ཡང་ཆོས་གཅིག་སྟེ། བསོད་ནམས་ཡོངས་སུ་དག་པས་མཚན་ཡོངས་སུ་དག་པའོ། །གཞན་ཡང་ཆོས་གཅིག་སྟེ། ཤེས་པ་ཡོངས་སུ་དག་
D152.058.0061a04.01པས་ཉོན་མོངས་པ་ཡོངས་སུ་དག་པའོ། །གཞན་ཡང་ཆོས་གཅིག་སྟེ། སེམས་ཅན་ཡོངས་སུ་དག་པས་ཞིང་ཡོངས་སུ་དག་པའོ། །གཞན་ཡང་ཆོས་གཅིག་སྟེ། མཚན་མ་མེད་པ་ལ་སོ་སོར་བརྟགས་ཏེ་ཡོངས་སུ་བསྔོ་བ་ལ་མཁས་པའོ། །གཞན་ཡང་ཆོས་གཅིག་སྟེ།
D152.058.0061a05.01རྗེས་སུ་འཐུན་པའི་ཆོས་ཀྱི་བཟོད་པའོ། །གཞན་ཡང་ཆོས་གཅིག་སྟེ། རྣམ་པར་ཐར་པའི་སྒོ་གསུམ་ཡོངས་སུ་བསྒོམས་ནས་ངེས་པར་གྱུར་པ་ལ་སོ་སོར་རྟོག་པའོ། །གཞན་ཡང་ཆོས་གཅིག་སྟེ། གནས་མེད་པ་ལ་གནས་པས་གནས་བརྟན་པའོ། །གཞན་ཡང་ཆོས་
D152.058.0061a06.01གཅིག་སྟེ། མངོན་པར་ཤེས་པས་རྣམ་པར་རྩེན་ཞིང་ཟག་པ་ཟད་པ་ཤེས་པ་ལ་འཇུག་པའོ། །གཞན་ཡང་ཆོས་གཅིག་སྟེ། ཞི་གནས་དང་ལྷག་མཐོང་གིས་ཡོངས་སུ་སྦྱང་བ་བྱས་པའི་རིགས་པ་དང་རྣམ་པར་གྲོལ་བའོ། །གཞན་ཡང་ཆོས་གཅིག་སྟེ། ཐབས་ཀྱིས་ཡང་
D152.058.0061a07.01