完整藏文原文 · 德格版页 当前仅加载第 58 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ཡང་རྡུལ་བྲལ་བསམ་གཏན་ཕ་རོལ་ཕྱིན་ལ་སྦྱོར། །བདག་གི་ལུས་ནི་བདག་མེད་རྨི་ལམ་གློག་དང་འདྲ། །འདི་ལ་བྱེད་པ་པོ་མེད་ཚོར་བ་པོ་ཡང་མེད། །ལུས་ཀྱི་གཟིངས་པས་བཅིངས་པའི་སེམས་ཅན་བདག་གིས་དགྲོལ། །ཤེས་རབ་
D152.058.0019a01.01འདི་ནི་ཁྱད་འཕགས་ཕ་རོལ་ཕྱིན་པ་མཆོག །གང་ཞིག་འདི་ལ་སྦྱོར་ཞིང་ཚུལ་བཞིན་ཆོས་སེམས་ལ། །ལུས་ཀྱི་གནོད་པ་བཟོད་ཅིང་རབ་སྡང་མི་བྱེད་དེ། །མི་སྙན་པ་དང་སྨད་དང་བཤུང་བའི་ཚིག་ཐོས་ཀྱང་། །དེ་ནི་ཞེ་སྡང་མི་འགྱུར་བྱམས་ལྡན་སེམས་ཀྱང་དུལ། །ཐ་བ་
D152.058.0019a02.01རབ་ཏུ་ཞེ་སྡང་བོར་འདི་སྦྱིན་པ་དག །བྱམས་པའི་ཡིད་དུ་གྱུར་པ་འདི་ནི་ཚུལ་ཁྲིམས་དག །བཟོད་པའི་སྟོབས་བསྐྱེད་འདི་ནི་བཟོད་པ་དག་པ་ཡིན། །སངས་རྒྱས་ཡེ་ཤེས་འདོད་ནས་བརྩོན་འགྲུས་ཕྱིར་ཞིང་སྐྱེད། །སེམས་དང་ཡིད་རབ་ཞི་བ་འདི་ནི་བསམ་གཏན་དག །སྒྲ་སྐད་
D152.058.0019a03.01མི་རྙེད་འདི་ནི་ཤེས་རབ་དག་པ་ཡིན། །མི་ཡི་ཚིག་ཐོས་ནས་ནི་གང་ཆོས་འདི་སེམས་པ། །དེ་འདིར་གནོད་བཟོད་དག་གི་སྐྱོན་ལ་ཆགས་པ་མེད། །བདུད་དང་མུ་སྟེགས་ཅན་གྱི་ལྟ་གྱུར་བརྒྱ་སྟོང་གིས། །གནས་འདི་རྙེད་དཀས་སྦྱོར་བ་འོང་བརྗོད་ཀྱང་། །མི་སྐྲག་ཞུམ་པ་མེད་ཅིང་
D152.058.0019a04.01ཕྱི་ཕྱིར་མཐུ་བསྐྱེད་དེ། །མཁས་པ་དེ་ནི་གནོད་དང་སེམས་གནོད་མཐའ་ཡས་བཟོད། །གང་ཞིག་བཟོད་དང་བརྩོན་འགྲུས་རབ་གནས་རི་རབ་འདྲ། །སེམས་ཅན་ཀུན་ནང་དཔའ་བོ་དེ་འདིར་གནོད་པ་བཟོད། །སྟོབས་བཅུ་རྣམས་ཀྱི་སྦྱང་བ་དང་ནི་གནོད་ཤེས་ནས། །བྱང་ཆུབ་རྗེས་སུ་
D152.058.0019a05.01འགྲོ་བས་ཕྱི་ནས་ལུང་སྟོན་ཏོ། །བློ་གྲོས་རྒྱ་མཚོ་དེ་ལ་ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེའི་འབིགས་པ་གང་ཞེ་ན། བློ་གྲོས་རྒྱ་མཚོ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེས་རློམ་སེམས་སུ་མི་བྱེད་
D152.058.0019a06.01དེ། ཐམས་ཅད་མཁྱེན་པའི་སེམས་དེ་ལ་བརྟེན་པར་མི་བྱེད་གནས་པར་མི་བྱེད། ལེན་པར་མི་བྱེད། འདོར་བར་མི་བྱེད། སྤྲོས་པར་མི་བྱེད། རྟོག་པར་མི་བྱེད། རྣམ་པར་རྟོག་པར་མི་བྱེད་ཀྱི་རྣམ་པར་རྟོག་པར་ཉེ་བར་ཞི་བ་ལ་གནས་པ་ཡིན་ཏེ། དེ་ཆོས་ཟབ་
D152.058.0019a07.01