完整藏文原文 · 德格版页 当前仅加载第 55 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་གང་འདུས་བྱས་པ་དེ་དག་གི་དེ་ཡང་ཕྱི་མའི་ཚེ་ཕྱི་མའི་དུས་ན་མདོག་ངན་པར་གྱུར་པ་ཙམ་གྱིས་བྱང་བར་འགྱུར། གདུལ་དཀའ་བ་ཙམ་གྱིས་བྱང་བར་འགྱུར། ནད་མང་བ་ཙམ་གྱིས་བྱང་བར་འགྱུར། གཟི་བརྗིད་ཆུང་བས་བྱང་བར་འགྱུར། དམའ་བའི་རིགས་
D131.055.0247a01.01སུ་སྐྱེས་པས་བྱང་བར་འགྱུར། མ་གྲགས་པའི་རིགས་སུ་སྐྱེས་པས་བྱང་བར་འགྱུར། ཁྱད་དུ་བསད་པའི་རིགས་སུ་སྐྱེས་པས་བྱང་བར་འགྱུར། དབུལ་པོའི་རིགས་སུ་སྐྱེས་པས་བྱང་བར་འགྱུར། མཐའ་འཁོབ་ཀྱི་སྐྱེ་བོའི་རིགས་སུ་སྐྱེས་པས་བྱང་བར་འགྱུར། ངན་པའི་རིགས་སུ་སྐྱེས་
D131.055.0247a02.01པས་བྱང་བར་འགྱུར། ཕོངས་པའི་རིགས་སུ་སྐྱེས་པས་བྱང་བར་འགྱུར། ལོག་པར་ལྟ་བའི་རིགས་སུ་སྐྱེས་པས་བྱང་བར་འགྱུར། བྲན་ཕོ་དང་། བྲན་མོ་དང་། ཀླ་ཀློའི་རིགས་སུ་སྐྱེས་པས་བྱང་བར་འགྱུར། སེམས་ཅན་སྐལ་བ་མི་མཉམ་པ་དང་ཕྲད་པས་བྱང་བར་འགྱུར། འཕགས་
D131.055.0247a03.01པ་མ་ཡིན་པའི་སེམས་ཅན་དང་ཕྲད་པས་བྱང་བར་འགྱུར། སེམས་ལ་མྱ་ངན་མང་བས་བྱང་བར་འགྱུར། རྒྱལ་སྲིད་འཁྲུགས་པ་དང་། ཡུལ་འཁྲུགས་པ་དང་། ལྗོངས་འཁྲུགས་པ་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་འཁྲུགས་པ་དང་།
D131.055.0247a04.01ཁྱིམ་འཁྲུགས་པ་དང་། སྡུག་པ་དང་བྲལ་བས་འཁྲུགས་པ་དང་། མུ་གེས་འཁྲུགས་པ་དང་། དགེ་བའི་བཤེས་གཉེན་མི་མཐོང་བ་དང་། རྒྱུན་ཏུ་ཆོས་མཉན་པ་མི་ཐོབ་པ་དང་། གོས་དང་། ཟས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་ཡུན་རིང་པོས་རྙེད་པ་དང་། ངན་
D131.055.0247a05.01པ་རྙེད་པ་དང་། ཆུང་ངུ་རྙེད་པ་དང་། སྐྱེ་བོ་ཕལ་པ་དགའ་བ་དང་། སྐྱེ་བོ་ཡ་རབས་ལ་མ་མོས་པ་དང་། དགེ་བའི་རྩ་བ་ལ་བརྩོན་པའི་བར་ཆད་འབྱུང་བ་དང་། རྟོག་པ་ཆུང་བ་དང་། བསམ་གཏན་ལ་སེམས་གཡེང་བ་དང་། སེམས་ཀྱི་གནས་མ་རྙེད་པ་དང་། བྱང་ཆུབ་ཀྱི་ཡན་ལག་རྣམས་
D131.055.0247a06.01མ་རྙེད་པ་དང་། ཆོས་ཀྱི་མཚམས་སྦྱར་བ་ཁོང་དུ་མ་ཆུད་པས་ཀྱང་ལས་ཀྱི་སྒྲིབ་པ་དེ་བྱང་བར་འགྱུར་རོ། །ཐ་ན་རྨི་ལམ་ན་སྡིག་པ་མཐོང་བ་རྨིས་པས་ཀྱང་ལས་ཀྱི་སྒྲིབ་པ་དེ་དག་བྱང་བར་འགྱུར་རོ། །ལས་ཀྱི་སྒྲིབ་པ་དེས་ཉེན་པར་གྱུར་ན་ནི་བདུད་སྡིག་ཅན་གྱི་ཟིལ་གྱིས་ནོན་པར་འགྱུར་རོ། །དེ་དག་
D131.055.0247a07.01