完整藏文原文 · 德格版页 当前仅加载第 55 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་འདི་ཡོངས་སུ་འཛིན་པར་འགྱུར་བ་དང་ལེན་པར་འགྱུར་བ་དེ་དག་ཇི་སྙེད་ཅིག་འབྱུང་བར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་འདི་སྐད་ཅེས་བཀའ་སྩལ་ཏོ། །
D131.055.0245b01.01བྱམས་པ་ཕྱི་མའི་ཚེ་ཕྱི་མའི་དུས་ན། སྡུག་བསྔལ་བ། མཆོག་ཏུ་སྡུག་བསྔལ་བ། གཟུ་ལུམས་ཅན། མཆོག་ཏུ་གཟུ་ལུམས་ཅན། བཟོད་པར་དཀའ་བ། མོས་པར་དཀའ་བ། དགེ་བའི་རྩ་བ་རྣམ་པར་འཇིག་པར་བྱེད་པ་འབྱུང་བར་འགྱུར་རོ། །བྱམས་པ་གལ་ཏེ་མ་འོངས་པའི་ཚེ་མ་
D131.055.0245b02.01འོངས་པའི་དུས་ན་བྱང་ཆུབ་སེམས་དཔའ་རྣམས་ཀྱི་རྣམ་པར་འཇིག་པར་འགྱུར་བ་ཅི་འདྲ་བ་འབྱུང་བ། དེ་ཐམས་ཅད་ཁྱོད་ལ་བསྟན་ཀྱང་དེ་དག་བྱམས་པ་ཁྱོད་ལ་སྣང་བར་མི་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་
D131.055.0245b03.01ཅེས་གསོལ་ཏོ། །བདག་ཅག་ཐམས་ཅད་ལ་ཐུགས་བརྩེ་བར་དགོངས་ཏེ། བཅོམ་ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། བཅོམ་ལྡན་འདས་བྱང་ཆུབ་སེམས་དཔའ་གང་དག་ཡང་དག་པར་སློབ་པར་འཚལ་བར་འགྱུར་བ་དེ་དག་ནི་ཐོས་ནས་དེ་བཞིན་ཉིད་དུ་སློབ་པར་འགྱུར་
D131.055.0245b04.01ཞིང་དེ་བཞིན་ཉིད་དུ་བསླབས་ནས་ཀྱང་དེ་བཞིན་ཉིད་དུ་སྒྲུབ་པར་འགྱུར་ཏེ། ཇི་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཡོངས་སུ་ཉམས་པར་མི་འགྱུར་བ་དེ་ལྟར་སྒྲུབ་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་
D131.055.0245b05.01ཆེན་པོ་བྱམས་པ་ལ་འདི་སྐད་ཅེས་བཀའ་སྩལ་ཏོ། །བྱམས་པ་སེམས་ཅན་གང་དག་སྔོན་སངས་རྒྱས་བརྒྱ་ལ་བྱང་ཆུབ་ཏུ་སེམས་བསྐྱེད་ཅིང་དགེ་བའི་རྩ་བ་བསྐྱེད་པར་གྱུར་པ་དེ་དག་ནི་ཕྱི་མའི་ཚེ་ཕྱི་མའི་དུས་ན་བྱང་ཆུབ་ཀྱི་སེམས་ཉམས་པར་འགྱུར་ཏེ། ཤིན་ཏུ་རྒྱས་པ་ལ་ཡང་མི་མོས་ཤིང་
D131.055.0245b06.01སྤོང་བར་འགྱུར་རོ། །བྱམས་པ་སེམས་ཅན་གང་དག་སྔོན་གྱི་སངས་རྒྱས་སྟོང་ལ་བྱང་ཆུབ་ཏུ་སེམས་བསྐྱེད་ཅིང་དགེ་བའི་རྩ་བ་ཡང་བསྐྱེད་པར་གྱུར་པ་དེ་དག་ནི་ཕྱི་མའི་ཚེ་ཕྱི་མའི་དུས་ན་བྱང་ཆུབ་ཀྱི་སེམས་སྐྱེ་ཡང་ཤིན་ཏུ་རྒྱས་པ་སྤོང་བར་འགྱུར་གྱིས་མོས་པར་མི་འགྱུར། ཡི་གེར་འདྲི་བར་མི་འགྱུར།
D131.055.0245b07.01