完整藏文原文 · 德格版页 当前仅加载第 55 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་ཐམས་ཅད་སངས་རྒྱས་དེ་ལ་ཕུལ། །གྲོང་ཁྱེར་ཀུན་ཏུ་དེ་བཞིན་གཤེགས་པ་ཡིས། །གཙུག་ལག་ཁང་ནི་ཙན་དན་རྒྱུས་བསྒྲུབས་བྱས། །དེས་ནི་ཐམས་ཅད་རྩེ་རྒོད་བཅས་པར་ཕུལ། །འཆག་པའི་ས་ནི་གསེར་གྱི་གྱིམ་བག་གཡོགས། །ལོ་ནི་སྟོང་ཕྲག་བརྒྱད་ཅུར་ཚང་བར་ཡང་། །
D131.055.0242a01.01རྒྱལ་པོ་ལས་གཞན་མི་བྱེད་མཆོད་པ་བྱེད། །རྒྱལ་པོ་ནམ་དུའང་རྨུགས་དང་གཉིད་མི་བསྐྱེད། །འདོད་ལ་མི་འདུན་རྒྱལ་སྲིད་སྲིད་མ་ཡིན། །ཏིང་ངེ་འཛིན་འདི་རབ་ཏུ་འདོད་པའི་ཕྱིར། །དེ་བཞིན་གཤེགས་པ་ཉི་མ་རེ་རེ་ཞིང་། །བཀོད་པ་གང་དག་ཕུལ་བར་གྱུར་པ་ནི། །ཐམས་ཅད་ཚིག་གིས་བཤད་པར་མི་
D131.055.0242a02.01ནུས་སོ། །ལྐོག་ཏུ་སོང་ནས་རྟོག་པ་སྐྱེད་གྱུར་པ། །ཏིང་འཛིན་འདི་ནི་མཆོག་ཏུ་ཟབ་པ་སྟེ། །ཟང་ཟིང་འཛིན་པས་ཡེ་ཤེས་ཕྱག་རྒྱ་ཡི། །ཏིང་འཛིན་འདི་ནི་བསྒྲུབ་པར་མི་ནུས་སྙམ། །དེ་ནི་རབ་བྱུང་རྒྱལ་སྲིད་ཐམས་ཅད་སྤངས། །ཤ་ན་ཀ་ཡི་རས་གྱོན་བསོད་སྙོམས་སྤྱོད། །ལོ་ནི་སྟོང་ཕྲག་བརྒྱད་
D131.055.0242a03.01ཅུ་ཚང་བར་ཡང་། །གཉིད་ཀྱིས་མ་ནོན་ཏིང་ངེ་འཛིན་སྒོམ་མོ། །སྐབས་དེར་སངས་རྒྱས་ཀྱིས་ནི་ཇི་ཙམ་གང་། །རབ་ཏུ་བཤད་པའི་ཆོས་རྣམས་དེས་བཟུང་ནས། །བདེ་གཤེགས་ཡོངས་སུ་མྱ་ངན་འདས་འོག་དེས། །མཆོད་རྟེན་བྱེ་བ་དྲུག་ཅུ་རྩ་བཞི་བྱས། །རིན་ཆེན་བདུན་གྱིས་སྤྲས་ཤིང་
D131.055.0242a04.01མཛེས་བྱས་པའི། །གདུགས་ནི་ལྔ་བརྒྱ་ཀུན་ལ་རབ་ཏུ་ཕུལ། །ཀུན་ལ་སིལ་སྙན་ཁྲོལ་བ་བརྒྱ་རྣམས་དང་། །མར་མེ་སྟོང་ཕྲག་བརྒྱ་ཡང་རབ་ཏུ་ཕུལ། །ཡོ་བྱད་བསྙུངས་པའི་ཚུལ་ལ་གནས་ནས་སུ། །ལོ་ནི་བྱེ་བ་སྟོང་ཕྲག་བདུན་ཅུ་གསུམ། །ཟང་ཟིང་མེད་པའི་སེམས་ཀྱིས་གནས་ནས་ནི། །
D131.055.0242a05.01ཏིང་ངེ་འཛིན་འདི་འཁོར་ལ་རབ་ཏུ་བཤད། །ལེགས་ཤེས་བྱ་བའང་འདོད་པ་མ་ཡིན་ན། །ཤེས་ཀྱི་ཁེ་འདོད་པར་ལྟ་ག་ལ་འགྱུར། །དེའི་ཚེ་ཆོས་བསྲུང་བ་ཡི་བསམ་པ་ཡིས། །མགྲོན་དུ་བོས་པ་ཐམས་ཅད་རྣམ་པར་སྤངས། །དེ་བཞིན་གཤེགས་པ་བྱེ་བ་བརྒྱད་ཅུ་དང་། །ཁྲག་ཁྲིག་བདུན་ཅུ་དེས་
D131.055.0242a06.01ནི་མཉེས་པར་བྱས། །དེ་དག་ཀུན་ལ་དེ་འདྲའི་བཀོད་པ་བྱས། །ཐམས་ཅད་ལས་ཀྱང་ཏིང་འཛིན་འདི་ཐོབ་བོ། །གང་དག་བྱང་ཆུབ་འདི་ནི་བསྲུང་འདོད་པ། །དེ་དག་འདོད་པ་མེད་ཅིང་མོས་པ་དང་། །གཡོ་མེད་ལྷག་པའི་བསམ་པས་སྒོམ་པ་ཡིས། །རྒྱལ་པོ་དེ་འདྲ་བར་ནི་བསླབ་པར་གྱིས། །
D131.055.0242a07.01