完整藏文原文 · 德格版页 当前仅加载第 55 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
ལོ། །དེའི་ཚེ་དབང་ཆེ་བ་དབང་ཆེ་བར་གྲགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དང་། ཉན་ཐོས་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དང་།
D131.055.0233b01.01དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྟེང་དུ་སྲིད་པའི་རྩེ་མོ་མན་ཆད་ས་ཕྱོགས་གང་ཡང་མ་གང་བ་མེད་དེ། ཐ་ན་སྐྲའི་རྩེ་མོའི་ཆ་བཞག་པ་ཙམ་ཡང་མ་གང་བ་མེད་པར་གྱུར་ཏོ། །དེ་ནས་གནས་བརྟན་
D131.055.0233b02.01ཤ་ར་དྭ་ཏིའི་བུ་དང་། མཽད་གལ་གྱི་བུ་ཆེན་པོ་དང་། གནས་བརྟན་གསུས་པོ་ཆེ་དང་། ཀཱ་ཏྱཱའི་བུ་ཆེན་པོ་དང་། འོད་སྲུང་ཆེན་པོ་དང་། ཚེ་དང་ལྡན་པ་བྱམས་མའི་བུ་གང་པོ་དང་། གནས་བརྟན་རབ་འབྱོར་དང་། ཉན་ཐོས་ཆེན་པོ་དེ་དག་ཐམས་ཅད་འཇམ་དཔལ་གཞོན་ནུར་གྱུར་པ་ག་ལ་བ་དེར་
D131.055.0233b03.01དོང་སྟེ་ཕྱིན་ནས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་དེ་བཞིན་གཤེགས་པ་ད་ལྟར་གང་ན་བཞུགས། དེ་བཞིན་གཤེགས་པའི་སྐུའི་ཚུལ་འདི་ཅི་འདྲ། དེ་བཞིན་གཤེགས་པའི་བཞུགས་པ་དེ་ཅི་འདྲ། དེ་སྐད་ཅེས་སྨྲས་པ་དང་། འཇམ་དཔལ་གཞོན་
D131.055.0233b04.01ནུར་གྱུར་པས་ཉན་ཐོས་ཆེན་པོ་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་ཁྱེད་ཅག་ཐམས་ཅད་ཀྱང་ཉན་ཐོས་ཆེན་པོ་ཤེས་རབ་དང་ལྡན་པ། རྫུ་འཕྲུལ་ཆེན་པོ་དང་ལྡན་པ། མཐུ་ཆེ་བ། དབང་ཆེ་བ། མཁས་པ་ཆེན་པོའི་ཏིང་ངེ་འཛིན་ལ་དབང་ཐོབ་པ། ཡུན་རིང་པོ་ནས་ཚངས་
D131.055.0233b05.01པར་སྤྱོད་པ་སྤྱད་པ་ཡིན་ན། ཚེ་དང་ལྡན་པ་དག་སོ་སོ་ནས་ཏིང་ངེ་འཛིན་ལ་སྙོམས་པར་ཞུགས་ལ། དེ་བཞིན་གཤེགས་པའི་སྐུ་དང་། དེ་བཞིན་གཤེགས་པ་བཞུགས་པ་ཡོངས་སུ་ཚོལ་ཅིག །དེ་བཞིན་གཤེགས་པའི་སྐུ་དེ་ག་ལ་ཡོད་པ་དང་། དེ་བཞིན་གཤེགས་པའི་སྐུ་དེ་ཅི་འདྲ་བ་
D131.055.0233b06.01དང་། དེ་བཞིན་གཤེགས་པའི་བཞུགས་པ་ཅི་འདྲ་བ་ཡོངས་སུ་ཚོལ་ཅིག །དེ་ནས་ཉན་ཐོས་ཆེན་པོ་དེ་དག་རང་རང་གི་ཏིང་ངེ་འཛིན་ལ་སྙོམས་པར་ཞུགས་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་དུ་བརྟགས་ཏེ། བརྟགས་ནས་ཀྱང་དེ་བཞིན་གཤེགས་
D131.055.0233b07.01