完整藏文原文 · 德格版页 当前仅加载第 55 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཏིང་ངེ་འཛིན་གང་ལ་བཞུགས་པས་དེ་བཞིན་གཤེགས་པའི་སྐུ་དེ་ཉན་ཐོས་ཆེན་པོ་རྣམས་ཀྱི་ཤེས་རབ་ཀྱི་མིག་གིས་མི་མཐོང་བའི་ཏིང་ངེ་འཛིན་འདི་ཅི་འདྲ། བཅོམ་ལྡན་འདས་དེ་བཞིན་གཤེགས་པའི་བཞུགས་པ་དེ་ཅི་འདྲ། དེ་སྐད་ཅེས་གསོལ་པ་དང་། བཅོམ་ལྡན་འདས་
D131.055.0234b01.01ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་ཏིང་ངེ་འཛིན་འདི་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ས་མ་ཡིན་གྱི། ཤ་ར་དྭ་ཏིའི་བུ་འདི་ནི་དེ་བཞིན་གཤེགས་པའི་ས་སྟེ། སངས་རྒྱས་ཀྱི་རྣམ་པར་འཕྲུལ་པ་དང་། ཆོ་འཕྲུལ་ཆེན་པོ་འདི་ནི་
D131.055.0234b02.01བསམ་གྱིས་མི་ཁྱབ་བོ། །འོན་ཀྱང་ཤ་ར་དྭ་ཏིའི་བུ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། དེ་བཞིན་གཤེགས་པའི་སྐུའི་ཕྱོགས་ཙམ་ཞིག་ངས་ཁྱོད་ལ་བཤད་དེ་བསྟན་ཏོ། །བཅོམ་ལྡན་འདས་ལེགས་སོ་ཞེས་གསོལ་ཏེ། ཚེ་དང་ལྡན་པ་ཤ་ར་དྭ་ཏིའི་བུ་བཅོམ་ལྡན་འདས་ཀྱི་ལྟར་
D131.055.0234b03.01ཉན་པ་དང་། དེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་དེ་བཞིན་གཤེགས་པའི་སྐུ་ཡང་དག་པ་ཉིད་དེ་ནི་མིག་ཐམས་ཅད་ཀྱི་ལམ་ལས་ཡང་དག་པར་འདས་པ་ནམ་མཁའ་དང་མཚུངས་པ་སྟེ། དེ་ནི་ལུས་མེད་པ། མ་བྱས་པ། མ་སྐྱེས་པ། མ་
D131.055.0234b04.01འགགས་པ། མ་བྱུང་བ། ཡང་དག་པར་མ་བྱུང་བ། རབ་ཏུ་མ་བྱུང་བ། ཐོབ་པ་མེད་པ། གདགས་པ་མེད་པ། མ་ཞུགས་པ། མངོན་པར་མ་གྲུབ་པ། མཐའ་མེད་པ། མུ་མེད་པ། ཞི་བ། རབ་ཏུ་ཞི་བ། ཉེ་བར་ཞི་བ། གནས་མེད་པ། སྐྱེ་བ་མེད་པ། ཚིག་གི་ལམ་མ་
D131.055.0234b05.01ཡིན་པ། རྣམ་པར་རིག་པ་མེད་པ། ཀུན་ཏུ་འབྱུང་བ་མེད་པ། རྒྱུ་བ་མེད་པ། རབ་ཏུ་རྒྱུ་བ་མེད་པ། རྒྱུ་བ་དང་བྲལ་བ། ཤིན་ཏུ་རྣམ་པར་དག་པ། ཅི་ཡང་མ་ཡིན་པ། ཅི་ཡང་མེད་པ། ལེན་པ་མེད་པ། བླང་བ་མེད་པ། གཡོ་བ་མེད་པ། སྤྱོད་པ་མེད་པ། རྟེན་པ་མེད་པ།
D131.055.0234b06.01མ་སྐྱེས་པ། མ་བྱུང་བ། ལས་མེད་པ། རྣམ་པར་སྨིན་པ་མེད་པ། མ་མཐོང་བ། མ་ཐོས་པ། རྣམ་པར་མ་ཤེས་པ། མ་ཆགས་པ། མ་བཅིངས་པ། མ་གྲོལ་བ། ཡོད་པ་མ་ཡིན་པ། དྲན་པ་མ་ཡིན་པ། མ་བསྣམས་པ། མ་མྱངས་པ། མ་མཐོང་བ། རྣམ་
D131.055.0234b07.01