完整藏文原文 · 德格版页 当前仅加载第 46 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་འདི་ལྟ་བུ་འདི་དག་སྨྲས་ཤིང་དམ་བཅའ་བ་ཡང་བྱས་པ་ནི་ཡང་ཁྱོད་ལེགས་སོ། །ཁྱོད་སྙིང་རྗེ་ཆེན་པོ་འདི་ལྟ་བུ་འདིས་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་དགོད་ནུས་པར་འགྱུར་གྱིས་ཁྱོད་ཀྱིས་དེ་བཞིན་དུ་གྱིས་ཤིག །དེ་ནས་ལྷ་མོ་
D98.046.0271b01.01ཆེན་མོ་དུང་ཅན་མས་བཅོམ་ལྡན་འདས་ལ་མེ་ཏོག་སྣ་ཚོགས་དང་། སྤོས་སྣ་ཚོགས་དག་གིས་མཆོད་པ་བྱས་ཏེ་བསྐོར་བ་བྱས་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་
D98.046.0271b02.01དེ་བཞིན་གཤེགས་པའི་བྱིན་གྱིས་བརླབས་ཀྱིས་དེ་བཞིན་གཤེགས་པའི་བསྟན་པ་ཡུན་རིང་དུ་གནས་པར་བགྱི་བ་དང་། ཆོས་སྨྲ་བ་དེ་དག་ཀྱང་བསྲུང་བའི་སླད་དུ་དམ་བཅའ་བར་བགྱི་ཞིང་རེ་བ་ཐམས་ཅད་ཡོངས་སུ་རྫོགས་པར་བགྱིད་པའི་གསང་སྔགས་གཞི་རྣམས་སྩལ་བར་བགྱི་
D98.046.0271b03.01ལགས་ཀྱིས། དེའི་སླད་དུ་བཅོམ་ལྡན་འདས་ཀྱིས་བདག་ལ་རྗེས་སུ་གནང་བར་མཛད་དུ་གསོལ། ན་མཿསརྦ་ཏ་ཐཱ་ག་ཏཱ་ནཱ་ན། ཏདྱ་ཐཱ། ཨོཾ་ཤང་ཁི་ནི་དེ་བི། ཨཱ་གཙྪ། ཨཱ་གཙྪ། ཏིཥྛ་དྷ་ནེ། དྷ་ན་ཛ་ཡེ། བྲི་བྲི། བྲི་དྷཱི་ཀ་རི། དྷྲི་དྷྲི། དྷྲི་ཏི་ཀ་རི། ནཱ་ནཱ་བི་བི་དྷ།
D98.046.0271b04.01བེ་ཤ་བསྟ། ཨཱ་ཡུ་དྷ་དྷཱ་རི་ཎི། ཡུ་ཡུ་ཨཱ་ཡུཥྤཱ་ལ་ནེ། ཏ་ཐཱ་ག་ཏཱ་ནཱཾ། སྨ་ར་བོ་དྷི་ཙིཏ་ཏཾ། མཱ་བི་ལམ་བ། དེ་ཧི་མེ་བ་རན། ཤཾ་ཁི་ནི་སྭཱ་ཧཱ། བཅོམ་ལྡན་འདས་གསང་སྔགས་གཞི་འདི་དག་ལུས་ལ་གནས་པར་བགྱིས་ན། དེའི་སྙན་པ་འཕེལ་བར་འགྱུར་ཞིང་། གཟི་བརྗིད་
D98.046.0271b05.01འཕེལ་བ་དང་། ལོངས་སྤྱོད་འཕེལ་བ་དང་། དབང་ཕྱུག་འཕེལ་བ་དང་། ཚེ་རིང་བ་དང་། དགྲ་རྣམས་དབང་དུ་བགྱི་བ་ཡང་འཕེལ་བར་འགྱུར་ལགས་སོ། །ས་ཕྱོགས་གཙང་མའམ་ལྷའི་གནས་སུ་ཅི་འབྱོར་པའི་གཏོར་མ་ཕྱོགས་བཞིར་སྩལ་ལ། དེ་བཞིན་གཤེགས་པ་ལ་བདུག་སྤོས་
D98.046.0271b06.01དང་། པོག་དཀར་པོ་དག་གིས་མཆོད་པ་རྒྱ་ཆེར་བགྱི་ཞིང་ཞུགས་མར་དག་ཀྱང་ཕུལ་ལ། དགུང་ཉི་ཤུ་རྩ་གཅིག་ཏུ་བྱམས་པ་ལ་གནས་པ་དང་། ངེས་པར་གནས་ཤིང་བཟླས་བརྗོད་ལན་བརྒྱ་རྩ་བརྒྱད་བགྱིས་ན། དམ་པའི་ཆོས་སྤོང་བ་མ་གཏོགས་པ་རྣམས་ཀྱི་བསམས་པ་ཐམས་ཅད་
D98.046.0271b07.01