完整藏文原文 · 德格版页 当前仅加载第 46 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་པ། ཚེ་ཐུང་བ། ལོངས་སྤྱོད་ཆུང་བ། ལུས་ཡོངས་སུ་མ་བསྒོམས་པ་དག་འབྱུང་བར་མཆིས་ཏེ། དེ་དག་ནི་སེར་སྣ་དང་། འཆལ་པའི་ཚུལ་ཁྲིམས་ཀྱི་སེམས་ཀྱིས་གཅིག་ལ་གཅིག་འགུམ་པར་འགྱུར་ལ། གཅིག་གིས་གཅིག་གི་ནོར་
D98.046.0260a01.01དང་། ལོངས་སྤྱོད་དང་། དབང་ཕྱུག་དག་འཕྲོག་པར་འགྱུར་ཞིང་། གད་མོ་དང་། འཇོ་སྒེག་དང་། བྲོ་གར་དང་། རྩེད་མོ་དག་གིས་མངོན་པར་རྩེ་བ་དང་། མི་རྟག་པ་ལ་རྟག་པར་འདུ་ཤེས་པ་དང་། མི་སྡུག་པ་ལ་སྡུག་པར་འདུ་ཤེས་པར་བགྱིད་ལགས་སོ། །
D98.046.0260a02.01དེ་ཅིའི་སླད་དུ་ཞེ་ན། དེ་དག་རྒྱུ་དེ་དང་གཞི་དེས་སེམས་ཅན་རྣམས་ལ་མི་དགེ་བ་རྣམ་པ་སྣ་ཚོགས་དག་གིས་གཙེས་ནས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ཡང་སྐྱེ་བར་འགྱུར་ལགས་པས། བཅོམ་ལྡན་འདས་དེའི་སླད་དུ་
D98.046.0260a03.01བདག་དེ་དག་གི་དོན་དང་། སྨན་པ་དང་། བདེ་བ་དང་། རེ་བ་ཐམས་ཅད་ཡོངས་སུ་རྫོགས་པར་བགྱི་བ་དང་། དེ་བཞིན་གཤེགས་པའི་ཡེ་ཤེས་ཐོབ་པར་བགྱི་བའི་བར་དང་། སངས་རྒྱས་ཀྱི་ཞིང་དུ་སྐྱེ་བར་བགྱི་བ་དང་། སྡིག་པ་ཐམས་ཅད་བཟློག་པར་བགྱི་བའི་སླད་དུ། དེ་
D98.046.0260a04.01བཞིན་གཤེགས་པ་ལ་གསོལ་བ་འདེབས་པར་འཚལ་གྱིས། བཅོམ་ལྡན་འདས་དེ་བཞིན་གཤེགས་པ་ལ་ནི་མི་མཁྱེན་པ་དང་། མ་རྟོགས་པ་དང་། མ་གཟིགས་པ་དང་། མ་གསན་པ་དང་། རྣམ་པར་མི་མཁྱེན་པ་ཅི་ཡང་མི་མངའ་བས་ཆོས་ཀྱི་འབེལ་བའི་གཏམ་ཉན་པར་
D98.046.0260a05.01འཚལ་བ་དང་། སྔོན་གྱི་སངས་རྒྱས་ལ་བསྙེན་བཀུར་བགྱིས་པ་དང་། ཤེས་རབ་དང་ལྡན་པའི་རང་བཞིན་ཅན་གྱི་བྱང་ཆུབ་སེམས་དཔའ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་
D98.046.0260a06.01ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་མང་པོ་ལྷགས་པ་འདི་དག་རེ་བ་མ་མཆིས་པར་གྱུར་ཅིང་། སླར་མཆི་བར་མི་འགྱུར་བར་བཅོམ་ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། དེ་ནས་ཐམས་ཅད་དང་
D98.046.0260a07.01