完整藏文原文 · 德格版页 当前仅加载第 46 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་བཞག་ལ། བདུག་སྤོས་དང་། ཙན་དན་དང་། པོག་དཀར་པོ་དང་། ག་བུར་དག་ཀྱང་གཞག །མར་མེ་ཁ་བཞི། མེ་ཏོག་དང་། བདུག་སྤོས་དང་། གདུགས་དང་། རྒྱལ་མཚན་དང་། དར་དང་། བ་དན་སྣ་ཚོགས་དག་
D98.046.0269a01.01དང་། གསེར་དངུལ་གྱི་སྣོད་དག་གིས་ལེགས་པར་བརྒྱན་ལ། སྦྲང་རྩི་དང་སྦྱར་བའི་འོ་ཐུག་དང་། ཞོ་དང་། འབྲས་ཆན་དང་། གཞན་ཡང་ཅི་འབྱོར་པའི་ལྷ་བཤོས་དང་། གཏོར་མ་དག་ཀྱང་ཕྱོགས་བཞིར་གཞག་གོ། །སྣ་མའི་མེ་ཏོག་བརྒྱ་རྩ་བརྒྱད་ལ་སྔ་མ་
D98.046.0269a02.01བཞིན་དུ་བཟླས་བརྗོད་ལན་རེ་བྱས་ལ་ཕྱོགས་བཞིར་དོར་རོ། །དེ་ནས་སྣ་མའི་མེ་ཏོག་བརྒྱ་རྩ་བརྒྱད་ཕྲག་གསུམ་ལ་བཟླས་བརྗོད་ལན་རེ་བྱས་ལ། རེ་རེ་ནས་འཕགས་པ་སྤྱན་རས་གཟིགས་དབང་ཕྱུག་གི་གཟུགས་ལ་བསྣུན་པར་བྱའོ། །དེ་ནས་གཟུགས་དེ་འགུལ་བར་
D98.046.0269a03.01འགྱུར་ཞིང་སྒྲ་སྐད་ཆེན་པོ་ཡང་འབྱུང་བར་འགྱུར་རོ། །འོད་ཟེར་དག་ཀྱང་འབྱུང་བར་འགྱུར། ས་ཡང་གཡོ་བར་འགྱུར་རོ། །དེ་ནས་ལས་ཐམས་ཅད་དང་། དགོས་པ་ཐམས་ཅད་ཀྱང་འགྲུབ་པར་འགྱུར་ཞིང་། དེ་བཞིན་གཤེགས་པ་མཐོང་བ་དང་། བྱང་ཆུབ་
D98.046.0269a04.01སེམས་དཔའི་ས་ཐོབ་པར་ཡང་འགྱུར། སེམས་ཅན་ཐམས་ཅད་ཀྱིས་ཕྱག་བྱ་བའི་འོས་སུ་ཡང་འགྱུར། ནོར་དང་། འབྲུ་དང་། མཛོད་དང་། བང་བ་རྣམས་འབྱོར་བར་ཡང་འགྱུར། ནད་ཐམས་ཅད་ཡོངས་སུ་སྤངས་པ་དང་། ཚེ་རིང་བར་ཡང་འགྱུར། དགྲ་ཐམས་
D98.046.0269a05.01ཅད་དང་། རྒྱལ་པོ་དང་། རྒྱལ་བུ་དང་། བློན་པོ་རྣམས་ཀྱང་དེ་ལ་ལྟ་འདོད་ཅིང་གཅེས་སྤྲས་བྱེད་པར་ཡང་འགྱུར། ཉོན་མོངས་པ་ཐམས་ཅད་དང་། འདོད་ཆགས་དང་། ཞེ་སྡང་དང་། གཏི་མུག་སྤངས་པར་ཡང་འགྱུར། ནམ་དུའང་སྡུག་པ་དང་མི་འབྲལ་བར་འགྱུར་
D98.046.0269a06.01རོ། །བརྟན་པ་དང་། སྟོབས་དང་། བརྩོན་འགྲུས་ཆེན་པོ་དང་ལྡན་པ་དང་། གཟི་བརྗིད་དང་ལྡན་པ་དང་། དབང་པོ་རྣོ་བ་དང་། བློ་དང་ལྡན་པ་དང་། སེམས་ཅན་ཐམས་ཅད་ལ་སྙིང་བརྩེ་བའི་སེམས་དང་ལྡན་པ་དང་། ཆོག་ཤེས་པ་དང་། འཆི་བའི་ཚེ་ན་སངས་རྒྱས་བཅོམ་ལྡན་
D98.046.0269a07.01