完整藏文原文 · 德格版页 当前仅加载第 46 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་འདབ་མ་འདྲ་བར་ཡང་འགྱུར་རོ། །དེ་དག་གིས་ཉིན་མཚན་དུ་སངས་རྒྱས་དང་བྱང་ཆུབ་སེམས་དཔའ་དག་མཐོང་བར་ཡང་འགྱུར་རོ། །མཚམས་མེད་པ་ལྔ་ལ་སོགས་པའི་སྒྲིབ་པ་ཐམས་ཅད་ཟད་པར་ཡང་འགྱུར་རོ། །དེ་དག་ལ་ལྷ་རྣམས་སྲུང་བར་ཡང་འགྱུར་རོ། །དེ་དག་
D98.046.0261b01.01འཆི་བའི་དུས་ན་སངས་རྒྱས་དང་བྱང་ཆུབ་སེམས་དཔའ་དག་མཐོང་བར་ཡང་འགྱུར་རོ། །ཕྲག་དོག་མེད་པ་དང་། སེམས་རྣམ་པར་གཡེངས་པ་མེད་པར་འཆི་བའི་དུས་བྱེད་པར་ཡང་འགྱུར་རོ། །ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བའི་བར་དུ་འགྱུར་རོ། །རིགས་
D98.046.0261b02.01ཀྱི་བུ་གང་དག་ཆོས་ཀྱི་རྣམ་གྲངས་འདི་འཛིན་པ་དང་། བསྙེན་བཀུར་བྱས་ཏེ་ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། ཀློག་པ་དང་། མཆོད་པར་བྱེད་པ་དང་། འཆང་བ་དང་། མིང་ཙམ་ཐོས་པར་འགྱུར་བ་དེ་དག་ནི་ངས་མངོན་སུམ་དུ་ལུང་བསྟན་པས་ལུང་བསྟན་པ་ཡིན་ཏེ།
D98.046.0261b03.01དེ་དག་གིས་ང་མཐོང་ཞིང་བསྙེན་བཀུར་བྱས། རི་མོར་བྱས། མཆོད་པ་བྱས་པ་ཡང་ཡིན་པས། དེ་དག་གིས་ནི་སངས་རྒྱས་ཀྱི་བྱང་ཆུབ་ལ་ཐེ་ཙོམ་བསྐྱེད་པར་མི་བྱའོ། །གང་དག་རྣ་ལམ་དུ་གྲག་པར་གྱུར་པ་དེ་དག་ཀྱང་བྱང་ཆུབ་སེམས་དཔའ་ཡིན་པར་ཡིད་ལ་བྱས་ལ་བསྙེན་བཀུར་
D98.046.0261b04.01བྱའོ། །དེའི་སྔོན་གྱི་ལས་ཀྱི་རྣམ་པར་སྨིན་པས་གཟུགས་མི་མཛེས་པ་དང་། ལོངས་སྤྱོད་མེད་པ་དང་། བློ་མེད་པ་དང་། སྲེད་པ་ཆེ་བ་དང་། སྡུག་པ་དང་བྲལ་བ་དང་། རྒྱལ་སྲིད་འཁྲུགས་པར་གྱུར་པ་གང་ཡིན་པ་དེ་དག་དང་། {གླད་པ་,ཀླད་པ་}ན་བ་གང་ཡིན་པ་དང་། ཟན་ཆད་པ་གང་ཡིན་
D98.046.0261b05.01པ་དང་། གོས་ངན་པར་གྱུར་པ་གང་ཡིན་པ་དང་། ལུས་དང་སེམས་ལ་གནོད་པ་གང་ཡིན་པ་དང་། རེག་ན་མི་བདེ་བའི་མལ་བཅས་པ་གང་ཡིན་པ་དང་། སྤྱོ་བ་གང་ཡིན་པའི་ལས་ཀྱི་སྒྲིབ་པ་དེ་དག་ཐམས་ཅད་ཀྱང་ཏིང་ངེ་འཛིན་འདི་ཐོས་པའི་མཐུས་ཡོངས་སུ་ཟད་པར་འགྱུར་རོ། །དེས་ཀྱང་
D98.046.0261b06.01འདི་ལྟར་སེམས་བསྐྱེད་པར་བྱ་སྟེ། བདག་གིས་སྔོན་འཁོར་བ་ན་འཁོར་བའི་ཚེ་སེམས་ཅན་རྣམས་ལ་སྡིག་པ་མི་དགེ་བ་རྣམ་པ་སྣ་ཚོགས་བསགས་པ་དེ་དག་སོ་སོར་བཤགས་པར་བྱའོ། །བསལ་བར་བྱའོ། །མི་བཅབ་པར་བྱའོ། །སངས་རྒྱས་དང་། ཆོས་དང་། དགེ་འདུན་ལ་དད་པ་
D98.046.0261b07.01