完整藏文原文 · 德格版页 当前仅加载第 46 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་ཡོངས་སུ་རྫོགས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་གང་ཡིན་པ་དེ་དག་ཐམས་ཅད་ལ་ཡང་བསྐུལ་ནས་ཐམས་ཅད་ཆོས་མཉན་པའི་ཕྱིར། བཅོམ་ལྡན་འདས་ག་ལ་བ་དེར་ལྷགས་ཏེ། སེམས་ཅན་
D98.046.0259a01.01གང་དག་ལྷ་རྣམས་ཀྱི་ནང་དུ་སྐྱེས་པ་དེ་དག་ཐམས་ཅད་ཀྱིས་ནི་ལྷའི་བདེ་བ་ཡོངས་སུ་སྤངས་ནས་སངས་རྒྱས་རྗེས་སུ་དྲན་པར་བྱས་ཏེ་ཆོས་མཉན་པའི་ཕྱིར། བཅོམ་ལྡན་འདས་ག་ལ་བ་དེར་ལྷགས་སོ། །སེམས་ཅན་གང་དག་མི་རྣམས་ཀྱི་ནང་དུ་སྐྱེས་པ་དེ་དག་གིས་ཀྱང་མིའི་བདེ་བ་
D98.046.0259a02.01ཡོངས་སུ་སྤངས་ནས་ཆོས་མཉན་པའི་ཕྱིར། བཅོམ་ལྡན་འདས་ག་ལ་བ་དེར་ལྷགས་སོ། །སེམས་ཅན་གང་དག་ཀླུ་དང་། གནོད་སྦྱིན་དང་། སྲིན་པོ་དང་། {ཡི་དགས་,ཡི་དྭགས་}དང་། ཤ་ཟ་རྣམས་ཀྱི་ནང་ན་སྐྱེས་པ་དེ་དག་གིས་ཀྱང་སངས་རྒྱས་རྗེས་སུ་དྲན་པ་སོ་སོར་ཐོབ་ནས་སེམས་
D98.046.0259a03.01ཅན་ཐམས་ཅད་ལ་བྱམས་པར་གནས་པ་དང་། ལུས་དང་སེམས་བདེ་བར་གྱུར་ནས་ཆོས་མཉན་པའི་ཕྱིར། བཅོམ་ལྡན་འདས་ག་ལ་བ་དེར་ལྷགས་སོ། །སེམས་ཅན་གང་དག་གཤིན་རྗེའི་འཇིག་རྟེན་རྣམས་སུ་མུན་པ་མུན་ནག་གི་ནང་དུ་སྐྱེས་པ་དེ་དག་ཀྱང་སངས་རྒྱས་ཀྱི་མཐུས་
D98.046.0259a04.01ཡུད་ཙམ་ཞིག་དྲན་པ་སོ་སོར་ཐོབ་ནས་གཅིག་གིས་གཅིག་ཀུན་ཏུ་ཤེས་པར་གྱུར་ཏེ། དེ་དག་མུན་པ་ཆེན་པོ་དེ་ནས་ཡོངས་སུ་ཐར་བར་གྱུར་ཏོ། །སེམས་ཅན་ཐམས་ཅད་གཅིག་ལ་གཅིག་བྱམས་པར་གནས་ཤིང་ཉེ་བའི་ཉོན་མོངས་པ་རྣམས་དང་བྲལ་བར་གྱུར་ཏོ། །དེ་ནས་དེའི་
D98.046.0259a05.01ཚེ་ས་ཆེན་པོ་འདི་རྣམ་པ་དྲུག་ཏུ་རབ་ཏུ་གཡོས་ཏེ་མཐོ་བ་དང་དམའ་བར་གྱུར་ཏོ། །དེ་ནས་འཁོར་འདུས་པ་དེར་འཇམ་དཔལ་གཞོན་ནུར་གྱུར་པ་འདུས་ཏེ་འདུག་པར་གྱུར་ནས། དེས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་
D98.046.0259a06.01སྐད་ཅེས་སྨྲས་སོ། །རིགས་ཀྱི་བུ་བྱང་ཆུབ་སེམས་དཔའི་འདུས་པ་ཆེན་པོ་ཀུན་ཏུ་སྣང་ཞིང་འདུས་པ་ཆེན་པོའི་སྔ་ལྟས་ཀྱང་ཀུན་ཏུ་སྣང་ལ། རིགས་ཀྱི་བུ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་མང་པོ་དག་ལུང་སྟོན་པ་ཡང་ཀུན་ཏུ་སྣང་ཞིང་ཆོས་ཀྱི་འབེལ་བའི་
D98.046.0259a07.01