完整藏文原文 · 德格版页 当前仅加载第 42 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། བདག་ཕངས་པར་སེམས་པ་དང་ལྡན་པ་བཞིན་དུ་བྱམས་པ་བསྐྱེད་པ་དེ་ལྟ་དེ་ལྟ་བུར་དེས་སེམས་བསྐྱེད་པར་བྱའོ། །དེས་ཡང་འདི་ལྟར་འདི་ཡང་གུད་ནས་འོངས་ལ་བདག་ཀྱང་གུད་ནས་འོངས་མོད་ཀྱི། སེམས་ཅན་ཐམས་ཅད་ཀྱང་སྔོན་བདག་གི་བུར་གྱུར་ལ་བདག་ཀྱང་སེམས་ཅན་
D63.042.0269b01.01ཐམས་ཅད་ཀྱི་བུར་གྱུར་ཏེ། འདི་ལ་ནི་བདག་གིའམ། གཞན་གྱིའམ། སུའི་སེམས་ཅན་གང་ཡང་མེད་དོ་སྙམ་དུ་ཚུལ་བཞིན་བརྟག་པར་བྱའོ། །དེ་ཅིའི་ཕྱིར་ཞེ་ན། མི་འཐུན་པའི་ཕྱིར་ཏེ། འགྲོ་བ་ལྔ་རྣམས་སུ་མཛའ་བ་ལས་ཀྱང་མི་མཛའ་བར་འགྱུར་བས་བདག་ནི་ཇི་ལྟར་སུ་དང་ཡང་མཛའ་བའམ་
D63.042.0269b02.01མི་མཛའ་བར་མི་འགྱུར་བ་དེ་ལྟར་བྱའོ། །དེ་ཅིའི་ཕྱིར་ཞེ་ན། མི་མཛའ་བ་བཟུང་ན་ནི་ཐམས་ཅད་ཀྱི་ཐམས་ཅད་དུ་བྱེད་མི་འདོད་པར་འགྱུར། མཛའ་བ་བཟུང་ན་ནི་ཧ་ཅང་བྱེད་འདོད་པར་འགྱུར་ཏེ། རྗེས་སུ་ཆགས་པ་དང་། ཁོང་ཁྲོ་བའི་སེམས་གཉིས་ཀྱིས་ནི་ཆོས་མཉམ་པ་ཉིད་ཁོང་དུ་ཆུད་པར་བྱེད་མི་
D63.042.0269b03.01ནུས་སོ། །དེ་ཅིའི་ཕྱིར་ཞེ་ན། མི་མཉམ་པར་སྤྱོད་པ་ནི་མི་མཉམ་པར་འགྲོ་བར་འགྱུར། མཉམ་པར་སྤྱོད་པ་ནི་མཉམ་པར་འགྱུར་བའོ། །དེ་ལ་བདག་གིས་ནི་མི་མཉམ་པར་སྤྱོད་པ་མི་བྱའི་སེམས་ཅན་ཐམས་ཅད་ལ་མཉམ་པར་སྤྱོད་ན་ཐམས་ཅད་མཁྱེན་པ་ཉིད་ཁོང་དུ་ཆུད་པར་འགྱུར་རོ། །ཁྱིམ་
D63.042.0269b04.01བདག་དེ་ལྟར་བྱང་ཆུབ་སེམས་དཔའ་ཁྱིམ་པས་དངོས་པོ་གང་ལ་ཡང་བདག་གི་སྙམ་དུ་ཡོངས་སུ་གཟུང་བར་མི་བྱ། ཆགས་པར་མི་བྱའོ། །གཡོ་དང་སྲེད་པའི་བག་ལ་ཉལ་མི་བྱའོ། །ཁྱིམ་བདག་གལ་ཏེ་བྱང་ཆུབ་སེམས་དཔའ་ཁྱིམ་པའི་དྲུང་དུ་སློངས་མོ་པ་འོངས་ལ་དངོས་པོ་ཞིག་བསླངས་པ་
D63.042.0269b05.01ལས་གལ་ཏེ་དེས་དངོས་པོ་མ་བཏང་ན་དེས་འདི་ལྟར་དངོས་པོ་འདི་བཏང་ཡང་རུང་། མ་བཏང་ཡང་རུང་སྟེ། བདག་ནི་དངོས་པོ་འདི་དང་གདོན་མི་ཟ་བར་འབྲལ་བར་ཡང་འགྱུར། མི་འདོད་བཞིན་དུ་འཆི་བར་ཡང་འགྱུར་ཞིང་དངོས་པོ་འདིས་ཀྱང་བདག་འདོར། བདག་གིས་ཀྱང་དངོས་པོ་འདི་
D63.042.0269b06.01འདོར་གྱི། དངོས་པོ་འདི་བཏང་ལ་ཡིད་དགའ་བ་དང་། སྙིང་པོ་བླངས་ཏེ་འཆི་བའི་དུས་བྱའོ། །འདི་ཡོངས་སུ་བཏང་ན་བདག་འཆི་བའི་དུས་ཀྱི་ཚེ་སེམས་ཀུན་ནས་ཟིན་ཏེ་གནས་པར་མི་འགྱུར། འདིས་ནི་བདག་འཆི་བའི་དུས་ཀྱི་ཚེ་དགའ་བ་དང་། མཆོག་ཏུ་དགའ་བ་དང་རངས་པ་དང་། འགྱོད་
D63.042.0269b07.01