完整藏文原文 · 德格版页 当前仅加载第 42 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་ཐོབ་པ་དེ་དག་གིས་གཞན་ལ་འཚེ་བར་མི་བྱེད་དེ། མི་རྟག་པའི་འདུ་ཤེས་སྒོམ་པ་མང་ཞིང་སྙིང་པོ་ལེན་ཏོ། །འདི་ལྟ་སྟེ། ཕ་མ་ལ་བསྙེན་བཀུར་བྱེད་པ་དང་། བུ་དང་། ཆུང་མ་དང་། བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་རྣམས་ཡང་དག་པར་ལོངས་སྤྱོད་དང་མཛའ་
D63.042.0260b01.01བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་རྣམས་ལ་བཀུར་སྟི་དང་། གང་དུ་ཡང་ཆོས་ལ་འཛུད་པས་གཏོང་བ་འཕེལ་བར་བྱེད་དོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ནི་འདི་ལྟ་སྟེ། སེམས་ཅན་ཐམས་ཅད་ཀྱི་ཕུང་པོ་ལྔའི་ཁུར་ཁྱེར་བས་ཁུར་བླངས་པ་
D63.042.0260b02.01བཀུར་བའི་ཕྱིར་བརྩོན་འགྲུས་རྩོམ་མོ། །འདི་ལྟ་སྟེ། ཉན་ཐོས་དང་། རང་སངས་རྒྱས་ཀྱི་ཐེག་པ་མི་འདོར་བས་ཁུར་བླངས་པ་བཀུར་བའི་ཕྱིར་བརྩོན་འགྲུས་རྩོམ་མོ། །སེམས་ཅན་ཡོངས་སུ་སྨིན་པར་བྱ་བས་ཡོངས་སུ་མི་སྐྱོ་བ། བདག་བདེ་བ་ལ་མི་ཆགས་པ། སེམས་ཅན་ཐམས་ཅད་བདེ་བ་ཐོབ་པར་
D63.042.0260b03.01བྱེད་པ། རྙེད་པ་དང་། མ་རྙེད་པ་དང་། གྲགས་པ་དང་། མ་གྲགས་པ་དང་། བསྟོད་པ་དང་། སྨད་པ་དང་། བདེ་བ་དང་། སྡུག་བསྔལ་གྱིས་མི་བསྐྱོད་པས་དེ་འཇིག་རྟེན་གྱི་ཆོས་ལས་ཡང་དག་པར་འདའ་བ་དང་། རྙེད་པ་དང་། ལོངས་སྤྱོད་ཕུན་སུམ་ཚོགས་པས་མི་སྙེམས་པ་དང་། རྙེད་པ་དང་། གྲགས་པ་དང་།
D63.042.0260b04.01བརྗོད་པའི་སྒྲའི་སྙན་པ་མེད་པ་ལ་ཡི་མི་ཆད་པ་དང་། ཤིན་དུ་བརྟགས་ཏེ་ལས་བྱེད་པ་དང་། ཡང་དག་པར་སྒྲུབ་པ་ཀུན་ཏུ་སྲུང་བ་དང་། ལོག་པར་སྒྲུབ་པ་ལ་ཡིད་མི་མོས་པ་དང་། མི་གནས་པའི་བློས་འབྱུང་བ་མཐོང་བ་དང་། ཤིང་བལ་གྱི་འདའ་བ་ལྟ་བུའི་སེམས་མེད་དེ། ཇི་ལྟར་དམ་བཅས་པ་ཡོངས་སུ་རྫོགས་པར་
D63.042.0260b05.01བྱེད་པ་དང་། གཞན་གྱི་བྱ་བ་བྱེད་པ་དང་། རང་གི་བྱ་བ་ཡོངས་སུ་འདོར་བ་དང་། གཞན་ལ་བྱས་པ་ལ་ལན་ཏུ་ཕན་འདོགས་པར་མི་རེ་བ་དང་། གནོད་པ་བྱས་པ་ལ་ཤ་མི་ལྡོན་པ་དང་། བྱས་པ་གཟོ་བ་དང་། བྱས་པ་ཚོར་བ་དང་། ལེགས་པར་བྱ་བའི་ལས་བྱེད་པ་དང་། དབུལ་པོ་རྣམས་ལ་ལོངས་སྤྱོད་ཡང་
D63.042.0260b06.01དག་པར་བགེད་པ་དང་། སྟོབས་དང་ལྡན་པ་རྣམས་ལ་ང་རྒྱལ་བཅག་པ་དང་། འཇིགས་པ་རྣམས་མི་འཇིགས་པར་དབུགས་འབྱིན་པ་དང་། མྱ་ངན་གྱིས་ཉམ་ཐག་པ་རྣམས་ལ་མྱ་ངན་གྱི་ཟུག་རྔུ་སེལ་བ་དང་། མཐུ་ཆུང་བ་རྣམས་ལ་བཟོད་ཅིང་དང་དུ་ལེན་པ་དང་། ང་རྒྱལ་ལས་ཀྱང་ང་རྒྱལ་རྣམ་པར་སྤོང་བ་དང་།
D63.042.0260b07.01