完整藏文原文 · 德格版页 当前仅加载第 42 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
དཔུང་གཉེན་བྱའོ། །དེས་ལྗོངས་དང་ལྗོངས་ཀྱི་ཕྱོགས་དེ་དག་ཐམས་ཅད་དང་ཇི་ལྟར་འཐུན་པར་སེམས་ཅན་འགའ་ཡང་ལོག་པར་ལྟུང་བར་མི་འགྲོ་བ་དེ་ལྟར་ཆོས་ཀྱིས་བསྲུང་བར་བྱའོ། །ཁྱིམ་བདག་གལ་ཏེ་བྱང་ཆུབ་སེམས་དཔའ་ཁྱིམ་པས་ལན་གཅིག་ལན་གཉིས་ལན་གསུམ་
D63.042.0263a01.01ནས་ལན་བདུན་གྱི་བར་དུ་རྗེས་སུ་བསྟན་པས་སེམས་ཅན་རྣམས་ཡོན་ཏན་དག་ལ་བཀོད་པ་ལས་ཡོན་ཏན་གང་ཡང་རུང་བ་ལ་གནས་པར་མ་གྱུར་ན་ཁྱིམ་བདག་དེའི་ཚེ་བྱང་ཆུབ་སེམས་དཔའ་ཁྱིམ་པ་དེས་སེམས་ཅན་དེ་དག་ལ་སྙིང་རྗེ་ཆེན་པོ་བསྐྱེད་དེ། དེས་ཐམས་ཅད་མཁྱེན་པ་ཉིད་ཀྱི་གོ་ཆ་སྲ་བ་ཡང་
D63.042.0263a02.01བགོ་ཞིང་ཚིག་འདི་སྐད་ཅེས་ཇི་སྲིད་དུ་སེམས་ཅན་གདུལ་དཀའ་བ་དམུ་རྒོད་དེ་དག་ཡོངས་སུ་སྨིན་པར་མ་གྱུར་པ་དེ་སྲིད་དུ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་མི་རྒྱའོ་ཞེས་བརྗོད་པར་བྱའོ། །དེ་ཅིའི་ཕྱིར་ཞེ་ན། བདག་གིས་ནི་དེ་དག་གི་ཕྱིར་གོ་ཆ་བགོས་ཏེ།
D63.042.0263a03.01སེམས་ཅན་དྲང་པོ་རྣམས་ཀྱི་ཕྱིར་མ་ཡིན། གཡོ་མེད་པ་རྣམས་ཀྱི་ཕྱིར་མ་ཡིན། སྒྱུ་མེད་པ་རྣམས་ཀྱི་ཕྱིར་མ་ཡིན་ཚུལ་ཁྲིམས་དང་ལྡན་པ་རྣམས་ཀྱི་ཕྱིར་མ་ཡིན་ཏེ། ཡོན་ཏན་དང་ལྡན་པ་རྣམས་ཀྱི་ཕྱིར་བདག་གིས་གོ་ཆ་མ་བགོས་ཀྱིས། ཅི་ནས་བདག་གི་རྩོལ་བ་དོན་ཡོད་པར་འགྱུར་བ་དང་། སེམས་ཅན་གྱིས་
D63.042.0263a04.01བདག་མཐོང་མ་ཐག་ཏུ་དགའ་བ་དང་། དད་པ་ཐོབ་པར་འགྱུར་བ་དེ་ལྟར་བྱའོ། །དེ་ལྟར་བསྒྲུབ་བོ། །དེ་ལྟར་བརྩོན་འགྲུས་བརྩམ་པར་བྱའོ་སྙམ་མོ། །ཁྱིམ་བདག་གལ་ཏེ་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་གནས་པའི་བྱང་ཆུབ་སེམས་དཔའ་དེས་ཕྱོགས་དེར་
D63.042.0263a05.01མ་བསྐུལ་ཏམ། དྲན་པར་མ་བྱས་ཏེ་སེམས་ཅན་རྣམས་ངན་འགྲོ་གང་ཡང་རུང་བ་ཞིག་ཏུ་སྐྱེས་པར་གྱུར་ན་བྱང་ཆུབ་སེམས་དཔའ་དེ་ནི་དེ་བཞིན་གཤེགས་པ་རྣམས་ཀྱིས་སྨད་པ་ཡིན་ནོ། །ཁྱིམ་བདག་འདི་ལྟ་སྟེ་དཔེར་ན་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་
D63.042.0263a06.01སྨན་པ་མཁས་པ་ཞིག་གནས་པ་དེས་ཐ་ན་སེམས་ཅན་འགའ་ཞིག་གི་དུག་ཞི་བར་མ་ནུས་ཏེ་འཆི་བའི་དུས་བྱེད་པར་གྱུར་ན་སྨན་པ་དེ་སྐྱེ་བོ་མང་པོས་སྨད་པར་འགྱུར་རོ། །ཁྱིམ་བདག་དེ་བཞིན་དུ་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་བྱང་ཆུབ་སེམས་དཔའ་གནས་པ་
D63.042.0263a07.01