完整藏文原文 · 德格版页 当前仅加载第 42 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་ཚར་གཅད་པའི་འདུ་ཤེས་དང་། རྣམ་པར་སྨིན་པ་ལ་རེ་བ་མེད་པའི་འདུ་ཤེས་ཏེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་
D63.042.0265b01.01བསྐྱེད་པར་བྱ་སྟེ། གསུམ་གང་ཞེ་ན། སློང་བ་ལ་གཡོག་ཏུ་འདུ་ཤེས་པ་དང་། བསྡུ་བའི་དངོས་པོས་མི་གཏང་བར་འདུ་ཤེས་པ་དང་། དམ་པ་མ་ཡིན་པ་ཡོངས་སུ་འཛིན་པ་ལས་འབྱུང་བར་འདུ་ཤེས་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་
D63.042.0265b02.01པོ་དེ་དག་བསྐྱེད་པར་བྱའོ། །ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འདོད་ཆགས་དང་བྲལ་བའི་འདུ་ཤེས་དང་། བྱམས་པ་བསྒོམ་པའི་འདུ་ཤེས་དང་། གཏི་མུག་ལ་མི་འཇུག་པའི་འདུ་ཤེས་ཏེ། ཁྱིམ་
D63.042.0265b03.01བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། །དེ་ཅིའི་ཕྱིར་ཞེ་ན། ཁྱིམ་བདག་འདི་ལྟར་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདོད་ཆགས་དང་། ཞེ་སྡང་དང་། གཏི་མུག་སྲབ་མོར་འགྱུར་རོ། །ཁྱིམ་བདག་ཇི་ལྟར་བྱང་ཆུབ་
D63.042.0265b04.01སེམས་དཔའ་ཁྱིམ་པས་སློང་བ་མཐོང་ན་འདོད་ཆགས་དང་། ཞེ་སྡང་དང་། གཏི་མུག་སྲབ་མོར་འགྱུར་ཞེ་ན། གང་དེའི་དངོས་པོ་ལ་བཏང་སྙོམས་ཤིང་ཡོངས་སུ་གཏོད་བ་འདི་ནི་དེའི་འདོད་ཆགས་སྲབ་པའོ། །གང་སློང་བ་དེ་དག་ལ་བྱམས་པ་ཉེ་བར་སྒྲུབ་པ་འདི་ནི་དེའི་ཞེ་སྡང་སྲབ་པའོ། །གང་དངོས་པོ་
D63.042.0265b05.01བྱིན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་འདི་ནི་དེའི་གཏི་མུག་སྲབ་པའོ། །ཁྱིམ་བདག་དེ་ལྟར་ན་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདོད་ཆགས་དང་། ཞེ་སྡང་དང་། གཏི་མུག་སྲབ་མོར་འགྱུར་རོ། །ཁྱིམ་བདག་གཞན་ཡང་བྱང་ཆུབ་སེམས་
D63.042.0265b06.01དཔའ་ཁྱིམ་པས་སློང་བ་མཐོང་ན་ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་ཏེ། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པས་དངོས་པོ་གང་ཡང་རུང་བ་ཞིག་བསླངས་མ་ཐག་ཏུ་དངོས་པོ་དེ་ལ་སེམས་ཀྱིས་འཛིན་པར་མི་བྱེད་དེ། དེ་ལྟར་ན་དེའི་སྦྱིན་པའི་ཕ་རོལ་ཏུ་ཕྱིན་པ་བསྒོམ་
D63.042.0265b07.01