完整藏文原文 · 德格版页 当前仅加载第 42 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་དེའི་ཕྱོགས་སུ་ཐ་ན་སེམས་ཅན་འགའ་ཙམ་ལ་ཡང་མ་བསྐུལ་ཏམ་དྲན་པར་མ་བྱས་ཏེ་ངན་འགྲོ་གང་ཡང་རུང་བ་ཞིག་ཏུ་སྐྱེས་པར་གྱུར་ན་བྱང་ཆུབ་སེམས་དཔའ་དེ་དེ་བཞིན་གཤེགས་པ་རྣམས་ཀྱིས་སྨད་པ་ཡིན་ནོ། །ཁྱིམ་བདག་དེ་བས་ན་འདི་ལ་བྱང་ཆུབ་སེམས་དཔའ་ཁྱིམ་པ་ཅི་ནས་གྲོང་ངམ། གྲོང་ཁྱེར་
D63.042.0263b01.01རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་གནས་པ་དེས་བདག་གིས་སེམས་ཅན་འགའ་ཡང་ལོག་པར་ལྟུང་བར་འགྲོ་བར་མི་འགྱུར་བ་དེ་ལྟར་བྱའོ། །དེ་ལྟར་བསྒྲུབ་བོ། །དེ་ལྟར་བརྩོན་འགྲུས་བརྩམ་མོ་སྙམ་པའི་གོ་ཆ་དེ་ལྟ་བུ་བགོ་བར་བྱའོ། །ཁྱིམ་བདག་གཞན་ཡང་བྱང་ཆུབ་
D63.042.0263b02.01སེམས་དཔའ་ཁྱིམ་པ་ཁྱིམ་ན་གནས་པས་ཁྱིམ་ན་གནས་པའི་ཉེས་པ་ལ་མཁས་པར་བྱའོ། །དེས་འདི་ལྟར་སོ་སོར་བསླབ་པར་བྱ་སྟེ། ཁྱིམ་ཞེས་བྱ་བ་འདི་ནི་དགེ་བའི་རྩ་བ་རྣམས་འཇོམས་པར་བྱེད་པ། འབྱུང་བ་སུན་འབྱིན་པ། དགེ་བའི་སྡོང་པོ་འགྱེལ་བར་བྱེད་པ་སྟེ། དེའི་ཕྱིར་ཁྱིམ་ཞེས་བྱའོ། །ཁྱིམ་
D63.042.0263b03.01ན་གནས་པ་ཞེས་བྱ་བ་འདི་ནི་ཉོན་མོངས་པ་ཐམས་ཅད་ཀྱི་གནས། མི་དགེ་བའི་རྩ་བ་ལ་རྣམ་པར་རྟོག་པ་རྣམས་ཀྱི་གནས། བྱིས་པ་སོ་སོའི་སྐྱེ་བོ་མ་དུལ་བ་མ་སྦས་པ་རྣམས་ཀྱི་གནས། མི་དགེ་བ་སྤྱོད་པ་རྣམས་ཀྱི་གནས། སྐྱེ་བོ་ངན་པ་འདུས་པ་ཡིན་ཏེ། དེའི་ཕྱིར་ཁྱིམ་ན་གནས་པ་ཞེས་བྱའོ། །ཁྱིམ་ན་
D63.042.0263b04.01གནས་པ་ཞེས་བྱ་བ་འདི་ནི་སྡུག་བསྔལ་གྱི་ཆོས་ཐམས་ཅད་ཀྱི་གནས་ཞེས་བརྗོད་པའོ། །འདི་ནི་སྔོན་གོམས་པར་བྱས་པའི་དགེ་བའི་རྩ་བ་རྣམས་ཉམས་པར་བྱེད་པ་སྟེ། དེའི་ཕྱིར་ཁྱིམ་ན་གནས་པ་ཞེས་བྱའོ། །ཁྱིམ་ཞེས་བྱ་བ་འདི་ནི་དེར་གནས་ནས་བྱ་བའི་མི་རིགས་པ་བྱེད་པའོ། །དེར་གནས་ནས་ཕ་མ་
D63.042.0263b05.01དང་། དགེ་སྦྱོང་དང་། བྲམ་ཟེ་ལ་གུས་པར་མི་འགྱུར་བ་ཡིན་ཏེ། དེའི་ཕྱིར་ཁྱིམ་ཞེས་བྱའོ། །ཁྱིམ་ཞེས་བྱ་བ་འདི་ནི་སྲིད་པའི་འཁྲི་ཤིང་ལ་མངོན་པར་དགའ་བའི་ཕྱིར་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་སྟེ། དེའི་ཕྱིར་ཁྱིམ་ཞེས་བྱའོ། །
D63.042.0263b06.01ཁྱིམ་ཞེས་བྱ་བ་འདི་ནི་གསད་པ་དང་། བཅིང་བ་དང་། བརྡེག་པ་དང་། བསྡིགས་པ་དང་། འཚེ་བ་དང་། མི་སྙན་པ་དང་། གཤེ་བ་དང་། ངན་དུ་བརྗོད་པ་དང་། ངན་དུ་བྱ་བའི་ཚིག་གི་ལམ་རྣམས་འདུ་བ་སྟེ། དེའི་ཕྱིར་ཁྱིམ་ཞེས་བྱའོ། །ཁྱིམ་ཞེས་བྱ་བ་འདི་ནི་དགེ་བའི་རྩ་བ་མ་བྱས་པ་མི་འཛུགས་པའོ། །དགེ་བའི་
D63.042.0263b07.01