完整藏文原文 · 德格版页 当前仅加载第 40 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ། དབང་པོ་ཡང་དག་པར་སྡོམ་པའོ། །དེ་ལ་དབང་པོ་ཡང་དག་པར་སྡོམ་པ་གང་ཞེ་ན། གང་མིག་གིས་གཟུགས་མཐོང་ནས་མཚན་མར་མི་འཛིན། མངོན་རྟགས་སུ་མི་འཛིན། གཟུགས་ལ་ཆགས་པ་དང་། ཉེས་དམིགས་དང་། འབྱུང་བ་ཡང་
D56.040.0286b01.01ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་རྣ་བས་སྒྲ་དང་། སྣས་དྲི་དང་། ལྕེས་རོ་དང་། ལུས་ཀྱིས་རེག་བྱ་དང་། ཡིད་ཀྱིས་ཆོས་ཤེས་ནས་མཚན་མར་མི་འཛིན། མངོན་རྟགས་སུ་མི་འཛིན། ཆོས་རྣམས་ལ་ཆགས་པ་དང་། ཉེས་དམིགས་ཀྱང་
D56.040.0286b02.01ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་འདི་ནི་བག་ཡོད་པ་ཞེས་བྱའོ། །གཞན་ཡང་ཤཱ་རིའི་བུ་བག་ཡོད་པ་ཞེས་བྱ་བ་ནི་གང་བདག་གི་སེམས་འདུལ་བ་དང་། གཞན་གྱི་སེམས་བསྲུང་བ་དང་། ཉོན་མོངས་པ་ལ་དགའ་བ་སྤོང་བ་དང་། ཆོས་ལ་དགའ་བའི་རྗེས་སུ་འགྲོ་བ་དང་།
D56.040.0286b03.01འདོད་པ་ལ་རྣམ་པར་རྟོག་པ་དང་། གནོད་སེམས་ཀྱི་རྣམ་པར་རྟོག་པ་རྣམས་མི་འབྱུང་བ་དང་། རྣམ་པར་འཚེ་བའི་རྣམ་པར་རྟོག་པ་རྣམས་མི་འབྱུང་བ་དང་། ཆགས་པའི་མི་དགེ་བའི་རྩ་བ་རྣམས་མི་འབྱུང་བ་དང་། ཞེ་སྡང་གི་མི་དགེ་བའི་རྩ་བ་རྣམས་མི་འབྱུང་བ་དང་། གཏི་མུག་
D56.040.0286b04.01གི་མི་དགེ་བའི་རྩ་བ་རྣམས་མི་འབྱུང་བ་དང་། ལུས་ཀྱིས་ཉེས་པར་སྤྱོད་པ་དང་། ངག་གིས་ཉེས་པར་སྤྱོད་པ་དང་། ཡིད་ཀྱིས་ཉེས་པར་སྤྱོད་པ་མི་འབྱུང་བ་དང་། ཚུལ་བཞིན་མ་ཡིན་པ་ཡིད་ལ་བྱེད་པ་མི་འབྱུང་བ་དང་། སྡིག་པ་མི་དགེ་བའི་ཆོས་ཐམས་ཅད་མི་འབྱུང་བ་དེ་ནི་བག་ཡོད་པ་
D56.040.0286b05.01ཞེས་བྱའོ། །དེ་ལྟར་ཤཱ་རིའི་བུ་བག་ཡོད་པའི་བྱང་ཆུབ་སེམས་དཔའ་ཚུལ་བཞིན་ཡིད་ལ་བྱེད་པ་ལ་རབ་ཏུ་སྦྱོར་བ་ནི་གང་ཡོད་པ་དེ་ཡང་ཡོད་པར་རབ་ཏུ་ཤེས། གང་མེད་པ་དེ་ཡང་མེད་པར་རབ་ཏུ་ཤེས་སོ། །དེ་ལ་ཅི་ཡོད་ཅི་མེད་ཅེ་ན། ཡང་དག་པ་ལ་རབ་ཏུ་སྦྱོར་བ་ལ་ནི་འཕགས་པའི་
D56.040.0286b06.01རྣམ་པར་གྲོལ་བ་ཡོད་དོ། །ལོག་པ་ལ་རབ་ཏུ་སྦྱོར་བ་ལ་ནི་འཕགས་པའི་རྣམ་པར་གྲོལ་བ་མེད་དོ། །ལས་ཀྱི་རྣམ་པར་སྨིན་པ་ནི་ཡོད་དོ། །གང་གི་ལས་རྣམ་པར་སྨིན་པ་དེ་ནི་མེད་དོ། །གཞན་ཡང་མིག་ནི་ཡོད་དོ། །གང་གི་མིག་དེ་ནི་མེད་དོ། །རྣ་བ་དང་། སྣ་དང་། ལྕེ་དང་།
D56.040.0286b07.01