完整藏文原文 · 德格版页 当前仅加载第 40 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཏེ། རེག་པ་ཞེས་བྱ་བ་གང་ཞེ་ན། འདི་ལྟ་སྟེ། མིག་གི་འདུས་ཏེ་རེག་པ་དང་། རྣ་བ་དང་སྣ་དང་ལྕེ་དང་ལུས་དང་ཡིད་ཀྱི་འདུས་ཏེ་རེག་པ་སྟེ། དེ་ནི་རེག་པ་ཞེས་བྱའོ། །སྐྱེ་མཆེད་དྲུག་ཡོད་ན་རེག་པ་གདགས་པར་འགྱུར་གྱི། སྐྱེ་མཆེད་དྲུག་མེད་ན་རེག་པར་གདགས་པར་མི་འགྱུར་ཏེ།
D56.040.0267b01.01སྐྱེ་མཆེད་དྲུག་ཅེས་བྱ་བ་གང་ཞེ་ན། འདི་ལྟ་སྟེ། མིག་གི་སྐྱེ་མཆེད་དང་། རྣ་བའི་སྐྱེ་མཆེད་དང་། སྣའི་སྐྱེ་མཆེད་དང་། ལྕེའི་སྐྱེ་མཆེད་དང་། ལུས་ཀྱི་སྐྱེ་མཆེད་དང་། ཡིད་ཀྱི་སྐྱེ་མཆེད་དེ། དེ་ནི་སྐྱེ་མཆེད་དྲུག་ཅེས་བྱའོ། །མིང་དང་གཟུགས་ཡོད་ན་སྐྱེ་མཆེད་དྲུག་གདགས་པར་འགྱུར་གྱི།
D56.040.0267b02.01མིང་དང་གཟུགས་མེད་ན་སྐྱེ་མཆེད་དྲུག་ཏུ་གདགས་པར་མི་འགྱུར་ཏེ། མིང་དང་གཟུགས་ཞེས་བྱ་བ་གང་ཞེ་ན། འདི་ལྟ་སྟེ། ཚོར་བ་དང་། འདུ་ཤེས་དང་། སེམས་པ་དང་། རེག་པ་དང་། ཡིད་ལ་བྱེད་པ་དང་། འབྱུང་བ་ཆེན་པོ་བཞི་དང་། འབྱུང་བ་ཆེན་པོ་བཞི་ལ་གནས་པའི་མིང་དང་
D56.040.0267b03.01གཟུགས་ཏེ། དེ་ནི་མིང་དང་གཟུགས་ཞེས་བྱའོ། །རྣམ་པར་ཤེས་པ་ཡོད་ན་མིང་དང་གཟུགས་གདགས་པར་འགྱུར་གྱི། རྣམ་པར་ཤེས་པ་མེད་ན་མིང་དང་གཟུགས་སུ་གདགས་པར་མི་འགྱུར་ཏེ། རྣམ་པར་ཤེས་པ་ཞེས་བྱ་བ་གང་ཞེ་ན། འདི་ལྟ་སྟེ། མིག་གི་རྣམ་པར་ཤེས་པ་དང་། རྣ་བའི་
D56.040.0267b04.01རྣམ་པར་ཤེས་པ་དང་། སྣའི་རྣམ་པར་ཤེས་པ་དང་། ལྕེའི་རྣམ་པར་ཤེས་པ་དང་། ལུས་ཀྱི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་སྟེ། དེ་ནི་རྣམ་པར་ཤེས་པ་ཞེས་བྱའོ། །འདུ་བྱེད་རྣམས་ཡོད་ན་རྣམ་པར་ཤེས་པར་གདགས་པར་འགྱུར་གྱི། འདུ་བྱེད་རྣམས་མེད་ན་
D56.040.0267b05.01རྣམ་པར་ཤེས་པར་གདགས་པར་མི་འགྱུར་ཏེ། འདུ་བྱེད་རྣམས་ཤེས་བྱ་བ་གང་ཞེ་ན། འདི་ལྟ་སྟེ། གཟུགས་ལ་ཀུན་སེམས་པ་དང་། སྒྲ་ལ་ཀུན་སེམས་པ་དང་། དྲི་ལ་ཀུན་སེམས་པ་དང་། རོ་ལ་ཀུན་སེམས་པ་དང་། རེག་བྱ་ལ་ཀུན་སེམས་པ་དང་། ཆོས་ལ་ཀུན་སེམས་པ་སྟེ།
D56.040.0267b06.01དེ་དག་ནི་འདུ་བྱེད་རྣམས་ཞེས་བྱའོ། །མ་རིག་པ་ཡོད་ན་འདུ་བྱེད་རྣམས་གདགས་པར་འགྱུར་ཏེ། མ་རིག་པ་མེད་ན་འདུ་བྱེད་རྣམས་སུ་གདགས་པར་མི་འགྱུར་ཏེ། མ་རིག་པ་ཞེས་བྱ་བ་གང་ཞེ་ན། འདི་ལྟ་སྟེ། སྔོན་གྱི་མཐའ་མི་ཤེས་པ་དང་། ཕྱི་མའི་མཐའ་མི་ཤེས་པ་དང་། སྔོན་དང་
D56.040.0267b07.01