完整藏文原文 · 德格版页 当前仅加载第 40 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་ཚང་བར་ནི། །ཚངས་པར་སྤྱད་པ་སྤྱོད་པར་འགྱུར། །འདི་ལྟ་བུ་ཡི་རྣམ་གྲངས་ཀྱིས། །སྦྱིན་དང་ཚུལ་ཁྲིམས་ཡང་དག་སྤྱོད། །གང་གཱའི་བྱེ་མ་ཇི་སྙེད་པ། །དེ་སྙེད་བསྐལ་པར་སྤྱོད་པར་འགྱུར། །དཔེར་གསུངས་པ་ནི་དེ་སྙེད་དུ། །དེ་དག་ཁྱེད་ཀྱིས་
D56.040.0278a01.01ཤེས་པར་གྱིས། །དེ་དག་དཔེར་ཡང་ཤེས་ནས་ནི། །དེ་བས་ལྷག་པར་སྤྱད་པར་གྱིས། །སྔར་ནི་དཔེ་རྣམས་གང་བརྗོད་པ། །གང་གཱ་ཡི་ནི་བྱེ་སྙེད་ཀྱི། །དེ་སྙེད་སངས་རྒྱས་མཐོང་གྱུར་ནས། །དེ་དག་ཀུན་ལ་བསྟི་སྟང་བྱེད། །ཨེ་མའོ་ཡེ་ཤེས་ཨེ་མ་ཤེས། །ཨེ་མའོ་
D56.040.0278a02.01བླ་ན་མེད་པའི་སེམས། །སེམས་ཅན་ཀུན་གྱི་འདྲེན་པ་ནི། །དེ་ལྟར་ཞུམ་པར་མི་འགྱུར་རོ། །དེ་ཕྱིས་སེམས་ཅན་ཀུན་གྱི་མཆོག །སངས་རྒྱས་སུ་ཡང་དེ་འགྱུར་ཏེ། །དེ་ནི་དེ་ཡི་མཚན་བཏགས་པ། །སྨན་པའི་རྒྱལ་པོར་རྣམ་པར་གྲགས། །ལོ་ནི་བྱེ་བ་བདུན་ཅུར་
D56.040.0278a03.01ཡང་། །སྲོག་ཆགས་རྣམས་ལ་ཆོས་བསྟན་ཏེ། །ཕྱིས་གདོད་རྐང་གཉིས་གཙོ་བོ་ནི། །དེ་ནས་མྱ་ངན་འདས་པར་འགྱུར། །རབ་ཏུ་དུལ་བའི་སེམས་རྣམས་ཀྱི། །འདུས་པ་དག་ནི་ཉི་ཤུར་འགྱུར། །དེ་ལ་ཐ་མ་གཅིག་པོ་ནི། །དགེ་སློང་བྱེ་བ་ཉི་ཤུར་འགྱུར། །འདུས་པ་
D56.040.0278a04.01རྣམས་ནི་གང་བརྗོད་པའི། །ཉན་ཐོས་དཔག་ཏུ་མེད་པ་སྟེ། །དེ་ཡི་ཉན་ཐོས་ཇི་སྙེད་པ། །བྱང་ཆུབ་ཞུགས་པའང་དེ་སྙེད་དོ། །སེམས་ཅན་རྣམས་ཀྱི་དོན་མཛད་ནས། །དེ་བཞིན་གཤེགས་པ་མྱ་ངན་འདས། །ལོ་ནི་བརྒྱ་ཕྲག་སྟོང་དག་ཏུ། །དེ་ཡི་དམ་ཆོས་གནས་པར་འགྱུར། །
D56.040.0278a05.01བསྐལ་པ་ལྔ་བརྒྱ་ཚང་བར་ནི། །སངས་རྒྱས་མང་པོ་འབྱུང་བར་འགྱུར། །བསྐལ་པ་གཅིག་ལའང་འབྱུང་བ་ནི། །དེ་ན་སྟོང་རྣམས་འབྱུང་བར་འགྱུར། །མི་རྣམས་མཁས་པ་གང་དག་ནི། །སངས་རྒྱས་ཆོས་རྣམས་བསྙེན་འདོད་པ། །ཚུལ་བཞིན་མང་དུ་ཐོས་པ་དང་། །རབ་ཏུ་
D56.040.0278a06.01འདུན་པ་ཉིད་དུ་བྱ། །ཚུལ་བཞིན་མ་ཡིན་རྣམ་པར་སྤོངས། །ཚུལ་བཞིན་ལ་ནི་རྟག་ཏུ་སྒོམས། །མང་དུ་ཐོས་པ་རབ་ཏུ་བྱ། །དེས་ནི་ཤེས་རབ་རྣམ་པར་འཕེལ། །བྱང་ཆུབ་སེམས་དཔའ་སྐྱོབ་པ་ཡི། །རྩ་བའི་དོན་ནི་ཆོས་བཞི་སྟེ། །སྦྱིན་དང་ཚུལ་ཁྲིམས་ཐོས་
D56.040.0278a07.01