完整藏文原文 · 德格版页 当前仅加载第 40 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
གཙེ་བ་དང་། སྡུག་བསྔལ་གྱིས་གཙེ་བ་དང་། ཡིད་མི་བདེ་བས་གཙེ་བ་དང་། འཁྲུག་པས་གཙེ་བ་དང་། འཁོར་བའི་གཙེ་བ་ལས་བཅོམ་ལྡན་འདས་བདག་ཅག་ཐར་བར་འཚལ་ལོ། །དེ་བཞིན་དུ་འཁོར་བའི་འབྲོག་དགོན་པའི་བར་དུ་ཆོས་བཅུ་པོ་འདི་དག་ལས་ཐམས་ཅད་རྒྱས་པར་
D56.040.0265b01.01བྱའོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་ལྔ་བརྒྱ་ཙམ་པོ་དེ་དག་ལ་བཀའ་སྩལ་པ། ཁྱིམ་བདག་རྣམས་མིག་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། མིག་ནི་བྱེད་པ་མེད་པ་གཡོ་བ་མེད་པ་སྟེ། མིག་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་རྣམས་མིག་ལ་
D56.040.0265b02.01བདག་མེད་དོ་ཞེས་གནས་པར་བྱའོ། ཁྱིམ་བདག་རྣམས་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། ཡིད་ནི་བྱེད་པ་མེད་པ་གཡོ་བ་མེད་པ་སྟེ། ཡིད་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་རྣམས་ཡིད་
D56.040.0265b03.01ལ་ཡང་བདག་མེད་དོ་ཞེས་གནས་པར་བྱའོ། །ཁྱིམ་བདག་རྣམས་གཟུགས་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། གཟུགས་ནི་བྱེད་པ་མེད་པ་གཡོ་བ་མེད་པ་སྟེ། གཟུགས་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་རྣམས་གཟུགས་ལ་ཡང་བདག་
D56.040.0265b04.01མེད་དོ་ཞེས་གནས་པར་བྱའོ། །ཁྱིམ་བདག་རྣམས་སྒྲ་དང་། དྲི་དང་། རོ་དང་། རེག་བྱ་དང་། ཆོས་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། ཆོས་ཀྱི་བར་དུ་བྱེད་པ་མེད་པ་གཡོ་བ་མེད་པ་སྟེ། ཆོས་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་རྣམས་ཆོས་
D56.040.0265b05.01ཀྱི་བར་དུ་ཡང་བདག་མེད་དོ་ཞེས་གནས་པར་བྱའོ། །ཁྱིམ་བདག་རྣམས་གཟུགས་ཀྱི་ཕུང་པོ་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། གཟུགས་ཀྱི་ཕུང་པོ་ནི་བྱེད་པ་མེད་པ་གཡོ་བ་མེད་པ་སྟེ། གཟུགས་ཀྱི་ཕུང་པོ་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་
D56.040.0265b06.01རྣམས་གཟུགས་ཀྱི་ཕུང་པོ་ལ་ཡང་བདག་མེད་དོ་ཞེས་གནས་པར་བྱའོ། །ཁྱིམ་བདག་རྣམས་ཚོར་བའི་ཕུང་པོ་དང་། འདུ་ཤེས་ཀྱི་ཕུང་པོ་དང་། འདུ་བྱེད་ཀྱི་ཕུང་པོ་དང་། རྣམ་པར་ཤེས་པའི་ཕུང་པོ་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། རྣམ་པར་ཤེས་པའི་ཕུང་པོ་ནི་བྱེད་པ་མེད་
D56.040.0265b07.01