完整藏文原文 · 德格版页 当前仅加载第 40 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཡོ་བ་མེད་པ་སྟེ། རྣམ་པར་ཤེས་པའི་ཕུང་པོ་ནི་མི་སེམས་ཤིང་། རྣམ་པར་མི་རིག་གོ །དེ་བས་ན་ཁྱིམ་བདག་རྣམས་རྣམ་པར་ཤེས་པའི་ཕུང་པོ་ལ་ཡང་བདག་མེད་དོ་ཞེས་གནས་པར་བྱའོ། །ཁྱིམ་བདག་རྣམས་སའི་ཁམས་ནི་ཐར་བར་མི་འདོད་དོ། །དེ་ཅིའི་ཕྱིར་
D56.040.0266a01.01ཞེ་ན། སའི་ཁམས་ནི་བྱེད་པ་མེད་པ་གཡོ་བ་མེད་པ་སྟེ། སའི་ཁམས་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་རྣམས་སའི་ཁམས་ལ་ཡང་བདག་མེད་དོ་ཞེས་གནས་པར་བྱའོ། །ཁྱིམ་བདག་རྣམས་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་།
D56.040.0266a02.01ནམ་མཁའི་ཁམས་དང་། རྣམ་པར་ཤེས་པའི་ཁམས་ནི་ཐར་བར་མི་འདོད་དོ། །དེ་ཅིའི་ཕྱིར་ཞེ་ན། རྣམ་པར་ཤེས་པའི་ཁམས་ནི་བྱེད་པ་མེད་པ་གཡོ་བ་མེད་པ་སྟེ། རྣམ་པར་ཤེས་པའི་ཁམས་ནི་མི་སེམས་ཤིང་རྣམ་པར་མི་རིག་གོ །དེ་བས་ན་ཁྱིམ་བདག་རྣམས་རྣམ་པར་ཤེས་པའི་
D56.040.0266a03.01ཁམས་ལ་ཡང་བདག་མེད་དོ་ཞེས་གནས་པར་བྱའོ། །དེ་ལྟར་ན་ཁྱིམ་བདག་རྣམས་ཆོས་ཐམས་ཅད་ནི་ཡང་དག་པ་མ་ཡིན་པ་ཡོངས་སུ་རྟོག་པ་ལས་བྱུང་སྟེ། རྐྱེན་ལ་རག་ལས་པ། སྟོབས་མེད་པ། ཉམ་ཆུང་བ། རྐྱེན་རྣམས་ལས་བྱུང་བ། རྐྱེན་རྣམས་ཡོད་ན་ཆོས་རྣམས་གདགས་པར་
D56.040.0266a04.01འགྱུར་གྱི། རྐྱེན་མེད་ན་ཆོས་རྣམས་གདགས་པར་མི་འགྱུར་རོ། །ཁྱིམ་བདག་རྣམས་ཆོས་ཐམས་ཅད་ནི་བཏགས་པ་ཙམ་སྟེ། འདི་ལ་ལམ་ཆད་པ་མྱ་ངན་ལས་འདས་པ་མ་གཏོགས་པར་སྐྱེ་བའམ། རྒ་བའམ། འཆི་བའམ། འཕོ་བའམ། འབྱུང་བ་གང་ཡང་མེད་དོ། །དེ་ལྟར་ཁྱིམ་
D56.040.0266a05.01བདག་རྣམས་ཁྱེད་རྣམ་གྲངས་འདིས་ཆོས་ཐམས་ཅད་ནི་ཡང་དག་པ་མ་ཡིན་པ། ཀུན་བརྟགས་པ་ལས་བྱུང་བ། རྐྱེན་ལ་རག་ལས་པ། སྟོབས་མེད་པ། ཉམ་ཆུང་བ། རྐྱེན་རྣམས་ལས་བྱུང་བ་སྟེ། རྐྱེན་རྣམས་ཡོད་ན་ཆོས་རྣམས་གདགས་པར་འགྱུར་གྱི། རྐྱེན་མེད་ན་ཆོས་རྣམས་
D56.040.0266a06.01གདགས་པར་མི་འགྱུར་རོ། །ཆོས་ཐམས་ཅད་ནི་བཏགས་པ་ཙམ་སྟེ། འདི་ལ་ལམ་ཆད་པ། མྱ་ངན་ལས་འདས་པ་མ་གཏོགས་པར་སྐྱེ་བའམ། རྒ་བའམ། འཆི་བའམ། འཕོ་བའམ། འབྱུང་བ་གང་ཡང་མེད་པར་རིག་པར་བྱའོ། །དེ་ལྟར་ན་ཁྱིམ་བདག་རྣམས་ཡང་དག་པ་མ་
D56.040.0266a07.01