完整藏文原文 · 德格版页 当前仅加载第 40 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བརྩོན་པ་མཐོང་གྱུར་ན། །ཐམས་ཅད་ལངས་ནས་བསུ་ནས་ནི། །སྟན་བཏིང་མཆོད་པ་དག་ཀྱང་བྱེད། །སྦྱིན་གཏོང་གང་ཟག་གང་ཡིན་པ། །གཟི་བྱིན་ཆེན་པོ་ཕུན་ཚོགས་ཤིང་། །རྫུ་འཕྲུལ་སྟོབས་ལ་དབང་ཐོབ་པས། །ལྷ་རྒྱལ་རྣམས་ནི་སྡུད་པར་བྱེད། །གྲུལ་
D55.040.0248a01.01བུམ་དང་ནི་གནོད་སྦྱིན་རྣམས། །ཐམས་ཅད་སྐྱབས་སུ་འགྲོ་བར་འགྱུར། །དྲི་ཟ་འཁོར་བཅས་རྣམས་ཀྱིས་ཀྱང་། །རོལ་མོ་དག་གིས་མཆོད་པར་བྱེད། །ཆོམ་རྐུན་དག་ནི་བྱམས་སེམས་བསྐྱེད། །མ་རུངས་པ་རྣམས་རིང་དུ་འགྲོ། །ནོར་རྣམས་ཉམས་པར་མི་འགྱུར་ཏེ། །བང་མཛོད་དག་ནི་
D55.040.0248a02.01གང་བར་འགྱུར། །སྦྱིན་པ་ཡོངས་སུ་བཏང་བའི་ཕྱིར། །ཚོགས་མཆོག་དག་ནི་རྫོགས་པར་འགྱུར། །སངས་རྒྱས་ཡེ་ཤེས་ཐུག་བར་དུ། །མུ་སྟེགས་ཆོས་ནི་སྤྱོད་མི་བྱེད། །དེ་ལ་ན་བ་ཡོང་མེད་དེ། །གཟུངས་རྣམས་ཡོངས་སུ་སྲུང་བར་བྱེད། །ཁྱད་པར་འཕགས་པའི་སྟོབས་
D55.040.0248a03.01རྣམས་ཀྱང་། །སྦྱིན་པ་ལས་ནི་བྱུང་བ་ཡིན། །དེ་ལྟར་སྦྱིན་པ་གང་གཏོང་བ། །བྱང་ཆུབ་ལམ་ནི་སྒྲུབ་པར་བྱེད། །མི་དགེ་བཤེས་གཉེན་ཕྲད་མི་འགྱུར། །སྤྱོད་འཐུན་གྲོགས་པོ་འཐོབ་པར་འགྱུར། །གཞན་ཡང་བྱང་ཆུབ་སེམས་དཔའ་རྣམས། །སྦྱིན་པའི་ཚོགས་ནི་སོགས་བྱེད་པ། །
D55.040.0248a04.01བསམ་གྱིས་མི་ཁྱབ་གཟུངས་དག་དང་། །ཤེས་རབ་ཡོངས་སུ་རྫོགས་བྱེད་པས། །ཚིགས་སུ་བཅད་པ་ཚད་མེད་ཀྱིས། །ཀུན་འཛིན་ཡང་དག་སྟོན་པར་བྱེད། །ཐམས་ཅད་ལ་ནི་ཐོགས་མེད་པས། །ངོ་བོ་ཉིད་དོན་སྟོར་མི་འགྱུར། །བྱང་ཆུབ་སེམས་ནི་རྒྱ་ཆེ་ལ། །
D55.040.0248a05.01མོས་པའི་སེམས་ནི་བརྟན་པར་འགྱུར། །ཚུལ་ཁྲིམས་དག་པ་ཕུན་ཚོགས་ཤིང་། །བདུད་ཀྱི་ལས་རྣམས་སྤོང་བར་བྱེད། །འདོད་པ་ལྔ་ལ་ཞེན་མེད་ཅིང་། །རྩེ་གཅིག་ཡང་དག་དྲན་པ་ཚོལ། །སེམས་ལ་རྟག་ཏུ་རྨོངས་མེད་པས། །འདོད་པ་དག་ལ་སྲེད་མི་སྐྱེད། །ཞེ་སྡང་
D55.040.0248a06.01ཉོན་མོངས་གང་ཡིན་པ། །ཡང་དག་ཇི་བཞིན་རབ་ཏུ་རྟོགས། །སྤྱོད་ཡུལ་དག་ནི་ཐམས་ཅད་ལ། །ཞེན་པ་མེད་ཅིང་རྨོངས་པ་མེད། །གང་ཟག་དེས་ནི་ཉོན་མོངས་རྣམས། །ལེགས་པ་ཉིད་དུ་རྟོགས་པར་འགྱུར། །རྒྱུ་དང་རྐྱེན་ནི་འདུས་པ་ལས། །ཉེས་དམིགས་རྣམས་
D55.040.0248a07.01