完整藏文原文 · 德格版页 当前仅加载第 40 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་དེ། །ཐལ་མོ་སྦྱར་ནས་འདི་སྐད་དུ། །གལ་ཏེ་བྲམ་ཟེའི་ཁྱེའུ་འདི་ནི། །མངོན་པར་རྫོགས་པར་སངས་རྒྱས་ཚེ། །བདག་ནི་དེ་ཡི་གྲོགས་གྱུར་ནས། །མྱ་ངན་འདས་པའི་འོག་ཏུ་ཡང་། །ཆོས་ཀྱི་སྡེ་སྣོད་རབ་འཛིན་ཅིང་། །སྲུང་བར་ཤོག་ཅེས་སྨོན་ལམ་བཏབ། །སངས་རྒྱས་མར་མེ་མཛད་དེ་ཡིས། །འོད་ཟེར་
D55.040.0224a01.01སྟོན་པའི་མདོ་འདི་ནི། །ཇི་སྐད་གསུངས་བཞིན་དེ་ཡི་ཚེ། །བྲམ་ཟེའི་ཁྱེའུ་དང་གཞོན་ནུ་གཉིས། །ལེགས་པར་མཉན་ཅིང་ཡོངས་སུ་བཟུང་། །ང་སྔོན་འདས་པའི་དུས་ཀྱི་ཚེ། །མེ་ཏོག་ཨུད་པ་ལ་དག་གིས། །སངས་རྒྱས་དེ་ལ་མཆོད་པ་བྱས། །དེ་ཚེ་ཁྱོད་ཀྱང་དེར་འདུག་སྟེ། །འདི་སྐད་དུ་ནི་སྨོན་ལམ་བཏབ། །ང་ཡི་བསྟན་
D55.040.0224a02.01པ་ཐ་མ་ལ། །མདོ་སྡེ་འདི་ནི་རབ་བཟུང་ནས། །རྒྱ་ཆེར་སྟོན་པར་ཤོག་ཅེས་སྨྲས། །གང་གིས་ཆོས་འདི་ཐོས་གྱུར་ནས། །ཞེ་སྡང་སེམས་ནི་མི་སྐྱེད་པར། །གཟུང་འཛིན་ཀློག་ཅིང་གང་འདོན་པ། །དེ་ནི་སྐྱེས་བུ་དམ་པ་ཡིན། །ཁྱོད་ཀྱིས་མ་འོངས་དུས་ཀྱི་ཚེ། །ཐོས་དཀའི་ཆོས་འདི་རབ་བཟུང་ནས། །སེམས་ཅན་དག་ལ་དོན་གྱི་ཚུལ། །
D55.040.0224a03.01རྒྱ་ཆེར་དབྱེ་ཞིང་བསྟན་པར་བྱ། །ངས་ཀྱང་འདས་པའི་དུས་ཀྱི་ཚེ། །ཡང་དག་ཆོས་ནི་ནུབ་པ་ན། །འོད་ཟེར་སྟོན་པའི་མདོ་འདི་ནི། །སེམས་ཅན་དག་ལ་རྒྱ་ཆེར་བསྟན། །བླུན་པོས་ནན་ཏན་མི་སྒྲུབ་པས། །འདི་ལ་སྐུར་བ་འདེབས་པར་བྱེད། །ངས་ནི་དེ་སྐད་ཐོས་གྱུར་ཀྱང་། །ཞེ་སྡང་དག་ནི་སྐྱེད་མི་བྱེད། །ངས་ནི་རྟག་ཏུ་
D55.040.0224a04.01བཟོད་བསྒོམས་ནས། །འཇིག་རྟེན་རྣམས་ལ་ཕན་འདོགས་བྱེད། །བཟོད་པའི་སྟོབས་ནི་རྫོགས་པས་ན། །མཚན་དང་དཔེ་བྱད་དག་གིས་བརྒྱན། །གཞོན་ནུ་ཁྱོད་ཀྱིས་སངས་རྒྱས་སྐུ། །གྱ་ནོམ་ཡོངས་སུ་རྫོགས་གྱུར་ཅིང་། །གསེར་གྱི་ཁ་དོག་རྣམ་དག་འཕགས། །བཟོད་པའི་སྟོབས་ལས་བྱུང་བར་ལྟོས། །ང་ཡི་ཞབས་ནི་
D55.040.0224a05.01ས་རེག་ནས། །ཞིང་ནི་ཚད་མེད་གཡོ་བྱེད་ཀྱང་། །སེམས་ཅན་རྣམས་ནི་མི་ལྟུང་བ། །ཐམས་ཅད་བཟོད་པའི་སྟོབས་ལས་སྐྱེས། །ང་ཡི་སྤུ་ཁུང་གཅིག་ནས་ནི། །འོད་ཟེར་བརྒྱ་སྟོང་རབ་བཀྱེ་ནས། །ཐམས་ཅད་གསལ་བར་གང་བྱེད་པ། །ཐམས་ཅད་བཟོད་མཆོག་སྟོབས་ལས་བྱུང་། །སྲིན་པོ་བཞིན་དུ་འཇིགས་པའི་གཟུགས། །
D55.040.0224a06.01སྲོག་ཆགས་གཟི་བྱིན་འཕྲོག་བྱེད་པ། །ང་ལ་རྟག་ཏུ་གུས་པ་ཡང་། །ཐམས་ཅད་བཟོད་མཆོག་སྟོབས་ལས་བྱུང་། །ང་ཡི་འཁོར་ནི་ཇི་སྙེད་པ། །སེམས་ནི་རབ་ཏུ་དུལ་གྱུར་ནས། །དེ་བཞིན་གཤེགས་ལ་གུས་པ་ཡང་། །ཐམས་ཅད་བཟོད་མཆོག་སྟོབས་ལས་བྱུང་། །རོལ་མོའི་སྒྲ་ནི་བརྒྱ་སྟོང་དག །འཁོར་འདུས་ཆེན་པོའི་ནང་དག་ཏུ། །
D55.040.0224a07.01