完整藏文原文 · 德格版页 当前仅加载第 40 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་རྟོགས་པར་ཁོང་དུ་ཆུད། །མིག་ནི་ཟད་པའི་མཐའ་དག་ལ། །མི་འཛིན་སྦེད་པ་མེད་པ་དང་། །མིག་ནི་སྐྱེ་བའི་མཐའ་དག་ལ། །རྟེན་ཅིང་གནས་པ་མེད་པ་དང་། །མིག་ནི་རབ་ཏུ་དབེན་པ་ལ། །གཡོ་བའི་བསམ་པ་མེད་གྱུར་པ། །དེས་ནི་དེ་བཞིན་གཤེགས་པ་རྣམས། །མཐོང་
D55.040.0237b01.01བ་ཉིད་དུ་གྱུར་པ་ཡིན། །མིག་ནི་སྐྱེ་བའི་མཐའ་དག་ལ། །རྣམ་པར་རྟོག་པ་མེད་པ་དང་། །མིག་གི་མཐའ་ནི་གང་ཡིན་པ། །དེ་ལ་ཡིད་ཀྱི་རྟོག་མེད་དང་། །མིག་ནི་རྣམ་པར་འཇིག་པ་ལ། །བསྟན་པར་བྱ་བ་མེད་གྱུར་པ། །དེས་ནི་དེ་བཞིན་གཤེགས་པ་རྣམས། །མཐོང་བ་ཉིད་
D55.040.0237b02.01དུ་གྱུར་པ་ཡིན། །མིག་ནི་མེད་པར་གྱུར་པ་ལ། །མངོན་པར་ཞེན་པ་མེད་པ་དང་། །མིག་ནི་སྐྱེ་བ་མེད་པ་ལ། །ཡོངས་སུ་སྡུད་པ་མེད་པ་དང་། །མིག་ནི་རབ་ཏུ་ཞི་བ་ལ། །འཛིན་པ་དག་ནི་མེད་གྱུར་པ། །དེས་ནི་དེ་བཞིན་གཤེགས་པ་རྣམས། །མཐོང་བ་ཉིད་དུ་གྱུར་པ་ཡིན། །
D55.040.0237b03.01མིག་ནི་ཟད་པར་ཤེས་པའི་ཕྱིར། །མཚན་རྣམས་མངོན་པར་བསྒྲུབ་པ་དང་། །མིག་གི་མཐའ་ནི་ཤེས་པའི་ཕྱིར། །དབང་པོ་དག་ནི་ངེས་གྱུར་དང་། །མིག་ནི་སྐྱེ་བ་ཤེས་པའི་ཕྱིར། །དབང་པོ་རང་དབང་ཐོབ་གྱུར་པ། །དེས་ནི་དེ་བཞིན་གཤེགས་པ་རྣམས། །མཐོང་བ་ཉིད་དུ་
D55.040.0237b04.01གྱུར་པ་ཡིན། །མིག་ནི་མེད་པར་རྟོགས་གྱུར་ནས། །གཟུགས་ནི་ཁོང་དུ་ཆུད་པ་དང་། །མིག་ནི་འཇིག་པར་རབ་ཤེས་ནས། །ཆོས་ལ་སོ་སོར་རྟོག་པ་དང་། །མིག་ནི་སྐྱེ་མེད་ཤེས་གྱུར་ནས། །ལམ་ནི་སྒྲུབ་པར་གང་བྱེད་པ། །དེས་ནི་དེ་བཞིན་གཤེགས་པ་རྣམས། །མཐོང་
D55.040.0237b05.01བ་ཉིད་དུ་གྱུར་པ་ཡིན། །མིག་ཟད་མཐའ་ནི་གང་ཡིན་པ། །ཡང་དག་ཇི་བཞིན་རྟོགས་པའི་ཕྱིར། །ལས་ཀྱི་བྱེ་བྲག་ཐ་དད་པ། །དེ་ཡང་རབ་ཏུ་རྟོགས་པར་འགྱུར། །ལས་ཀྱི་བྱེ་བྲག་ཐ་དད་པ། །རབ་ཏུ་རྟོགས་པར་གྱུར་པའི་ཕྱིར། །དེས་ནི་དེ་བཞིན་གཤེགས་པ་རྣམས། །
D55.040.0237b06.01མཐོང་བ་ཉིད་དུ་གྱུར་པ་ཡིན། །མིག་སྐྱེ་མཐའ་ནི་གང་ཡིན་པ། །ཡང་དག་ཇི་བཞིན་རྟོགས་པའི་ཕྱིར། །སྡུག་བསྔལ་བྱེ་བྲག་ཐ་དད་པ། །དེ་ཡང་རབ་ཏུ་རྟོགས་པར་འགྱུར། །སྡུག་བསྔལ་བྱེ་བྲག་ཐ་དད་པ། །རབ་ཏུ་རྟོགས་པར་གྱུར་པའི་ཕྱིར། །དེས་ནི་དེ་བཞིན་གཤེགས་
D55.040.0237b07.01