完整藏文原文 · 德格版页 当前仅加载第 40 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དག་ལས་ནི། །རབ་ཏུ་བྱུང་བར་གྱུར་ནས་ཀྱང་། །མྱ་ངན་འདས་པའི་ཆོས་དག་ལ། །མོས་པ་དག་ནི་མི་སྐྱེ་བ། །སྐྱེས་བུ་བླུན་པོ་དེ་དག་ནི། །དད་པས་བྱིན་པ་ཆུད་གཟོན་འགྱུར། །འདུས་བྱས་རྣམས་ཀྱི་ཆོས་དག་ལ། །ཉེས་དམིགས་མང་བར་ཐོས་ཀྱང་ནི། །འཇིག་རྟེན་དག་ལ་མངོན་ཞེན་ནས། །འཇིགས་པ་དག་
D55.040.0220b01.01ནི་མི་སྐྱེ་བ། །སྐྱེས་བུ་བླུན་པོ་དེ་དག་ནི། །མཁས་པ་རྣམས་ཀྱིས་སྨོད་པར་འགྱུར། །ཆོས་གོས་དག་ནི་བགོས་གྱུར་ཀྱང་། །དེ་ལ་ཤེས་རབ་ཅི་ཡང་མེད། །ཐུབ་པས་ལེགས་པར་གསུངས་པ་ཡི། །ཡང་དག་བཀའ་ནི་གང་ཡིན་པ། །ཤེས་པ་མེད་པས་ཐོས་གྱུར་ན། །ཡིད་ཆེས་ལེན་པར་མི་འགྱུར་ཏེ། །
D55.040.0220b02.01སྐྱེས་བུ་བླུན་པོ་དེ་དག་དང་། །ལྷན་ཅིག་གནས་པར་མི་བྱའོ། །ཁྱད་པར་འཕགས་པའི་ཆོས་འདི་དག །གལ་ཏེ་ཐོས་པར་གྱུར་ནས་ཀྱང་། །རབ་ཏུ་དགའ་ཞིང་མོས་པ་ཡི། །སེམས་ཀྱང་སྐྱེ་བར་མི་འགྱུར་བ། །དེ་འདྲའི་གང་ཟག་དག་ལ་ནི། །ངས་ནི་རབ་ཏུ་སྨོད་པར་བྱེད། །མི་ལུས་ཐོབ་པར་གྱུར་མོད་
D55.040.0220b03.01ཀྱང་། །དེ་ནི་དོན་མེད་ཆུད་ཟོས་ཡིན། །གལ་ཏེ་ཤིན་ཏུ་ཟབ་པའི་ཆོས། །འདི་དག་ཐོས་པར་གྱུར་ནས་ནི། །རབ་ཏུ་དགའ་ཞིང་མོས་པ་ཡི། །སེམས་ནི་རབ་ཏུ་སྐྱེ་འགྱུར་བ། །དེ་འདྲའི་གང་ཟག་དེ་དག་ནི། །སྔོན་ཆད་སངས་རྒྱས་ཕྲད་པས་ན། །གདོན་མི་ཟ་བ་ཁོ་ནར་ནི། །བླ་མེད་བྱང་ཆུབ་ཐོབ་པར་འགྱུར། །
D55.040.0220b04.01སྐྱེས་བུ་བླུན་པོ་གང་དག་ཅིག །ལྟ་བ་ངན་པས་རབ་སྨས་ནས། །ཤེས་རབ་སྲོག་ནི་གཅོད་བྱེད་པ། །བྱང་ཆུབ་ཡོངས་སུ་སྤོང་བར་འགྱུར། །དེ་ལྟ་བས་ན་མི་དགེ་བའི། །བཤེས་གཉེན་དག་ནི་རབ་སྤངས་ནས། །བློ་ལྡན་མཁས་པ་དག་ལ་ནི། །བསྟེན་ཅིང་གུས་པ་བསྐྱེད་པར་བྱ། །འཇིག་རྟེན་དག་ནི་ཐམས་
D55.040.0220b05.01ཅད་ན། །ཉེས་དམིགས་ཚད་མེད་གང་ཡོད་དང་། །སེམས་ཅན་ངན་སོང་གསུམ་པོར་ནི། །རྟག་ཏུ་བྱིང་བར་གང་བྱེད་པ། །ཐམས་ཅད་གཏི་མུག་རྨོངས་པ་ཡི། །རྒྱུ་དང་རྐྱེན་ལས་བྱུང་བས་ན། །ཉོན་མོངས་རྗེས་སུ་འཇུག་བྱེད་ཅིང་། །རང་དབང་དག་ནི་འཐོབ་མི་འགྱུར། །ཡང་དག་ཆོས་ནི་སྤོང་བྱེད་ཅིང་། །ཆོས་མ་
D55.040.0220b06.01ཡིན་པ་སྤྱོད་པར་བྱེད། །དེ་ལྟ་བས་ན་རྨོངས་པ་ཡི། །སྐྱེས་བུ་དམན་པ་སྤང་བར་བྱ། །ཇི་ལྟར་ཁ་ལོ་སྒྱུར་བ་ཡིས། །རང་གི་སྲོག་ཤིང་བཅག་པ་བཞིན། །མི་དགེ་ལས་ནི་བྱས་པས་ན། །སེམས་ཅན་དམྱལ་བར་སྐྱེ་བར་འགྱུར། །ཁ་ནས་ཚིག་ངན་ཕྱུང་ནས་ནི། །རྟག་ཏུ་བདག་ལ་གནོད་བྱེད་པ། །ཇི་ལྟར་སྟ་རེ་རྣོ་
D55.040.0220b07.01