完整藏文原文 · 德格版页 当前仅加载第 40 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བ་བཙལ་བར་བྱོས། །བླ་མེད་རྙེད་པ་ཐོབ་པར་འགྱུར། །ཁྱོད་ཀྱིས་སངས་རྒྱས་ལམ་བསྒྲུབས་ལ། །སངས་རྒྱས་ཆོས་ཉིད་འདྲ་བར་ལྟོས། །ཆོས་ཀྱི་སྒྲོན་ཆེན་རྟག་སྦོར་ལ། །འཇིག་རྟེན་ཀུན་ནི་སྣང་བར་གྱིས། །ཁྱོད་ཀྱི་སེམས་ནི་རི་རྒྱལ་ལྟར། །མི་གཡོ་ཉིད་
D55.040.0208a01.01དུ་རབ་ཏུ་བྱོས། །ཁ་ངན་དང་ནི་བརྡེགས་པ་ཡང་། །ཐམས་ཅད་བཟོད་པ་དང་དུ་ལོང་། །ཁྱོད་ནི་སེམས་ཅན་རྣམས་ཀྱི་ཕྱིར། །དགེ་བཤེས་ཡང་དག་རབ་ཏུ་བྱོས། །དམན་པའི་སེམས་ནི་ཡོངས་སྤོངས་ལ། །རྣམ་དག་ལས་ནི་རྟག་ཏུ་སྒྲུབས། །ཁྱོད་ཀྱི་སེམས་ནི་བརྟན་བྱོས་ལ། །
D55.040.0208a02.01བླ་མེད་ཆོས་ནི་རབ་ཏུ་སྟོན། །མདོ་སྡེ་དམ་པ་འདི་ལྟ་བུ། །བརྩེ་བ་ཅན་ལ་སྦྱིན་པར་གྱིས། །བླ་མེད་ཡེ་ཤེས་གང་ཚོལ་བ། །འཁོར་བ་དག་ལ་འཇིགས་མ་བྱེད། །དེས་ནི་སྡིག་པ་རྣམ་སྤངས་ནས། །ཕན་ཡོན་མཆོག་ནི་ཐོབ་པར་འགྱུར། །དཔེར་ན་བློ་དང་ལྡན་པ་དག །མེ་ལ་
D55.040.0208a03.01སྤྱོད་པར་མཁས་པ་གང་། །རོ་རྣམས་སྣ་ཚོགས་སྦྱིན་བྱེད་ཀྱང་། །མེས་ནི་སྲེག་པར་ཡོང་མི་འགྱུར། །གང་ཞིག་བློ་དང་མི་ལྡན་པ། །ཐབས་དག་ལ་ནི་མི་མཁས་པས། །མེ་ཁྱེར་ལག་མཐིལ་གང་བཞག་པ། །མེས་ནི་རབ་ཏུ་སྲེག་པར་འགྱུར། །ཇི་ལྟར་མི་ཞིག་དུག་དག་གིས། །
D55.040.0208a04.01སེམས་ནི་འཁྲུགས་ནས་མྱོས་པ་གང་། །མེ་ལ་རབ་ཏུ་བསྲོས་ན་ནི། །དེ་ཡི་རྒྱུ་ཡིས་སོས་པར་འགྱུར། །ཟླ་འོད་ཁྱོད་ཀྱིས་ཤེས་པར་གྱིས། །བློ་དང་ལྡན་པའང་དེ་བཞིན་དུ། །ཡིད་བརྟེན་ཡིད་ནི་སྟོང་པར་རིག །དེ་ཕྱིར་འཁོར་བར་གནས་ཀྱང་ནི། །མིག་བརྟེན་མིག་ནི་སྟོང་
D55.040.0208a05.01རིག་པས། །མིག་ལ་མངོན་པར་ཞེན་པ་མེད། །གལ་ཏེ་དེ་ལྟར་རབ་ཤེས་ན། །མིག་ལ་གནས་ཀྱང་ཉོན་མོངས་མེད། །གལ་ཏེ་མིག་ཉིད་སྟོང་རིག་ན། །ཡང་དག་ཡེ་ཤེས་སྒྲུབ་པར་འགྱུར། །ཡང་དག་ཡེ་ཤེས་ཐོབ་པའི་ཕྱིར། །འོད་ཟེར་དག་ནི་འབྱུང་བར་འགྱུར། །གལ་
D55.040.0208a06.01ཏེ་མིག་ཉིད་སྟོང་རིག་ན། །འདོད་ཆགས་དག་ནི་གཏན་ནས་སྤོང་། །འདོད་ཆགས་དག་ནི་མེད་པའི་ཕྱིར། །འོད་ཟེར་དག་ནི་འབྱུང་བར་འགྱུར། །དེ་བཞིན་ཞེ་སྡང་གཏི་མུག་དང་། །ངར་འཛིན་འཆབ་དང་ཁྲོ་བ་དང་། །སེར་སྣ་ཕྲག་དོག་ངོ་ཚ་མེད། །མི་བཟོད་སེམས་ནི་མཐོ་བ་དང་། །
D55.040.0208a07.01